22/03/2022
"არ ვიცი, სინდისის წინაშე თავის გამართლებას როგორ შეძლებს" - მსოფლიო პატრიარქი რუსეთის პატრიარქ კირილზე

"არ ვიცი, როგორ უნდა იმართლოს თავი სინდისის წინაშე," - ამის შესახებ მსოფლიო პატრიარქმა, ბართლომეოსმა ბერძნულ ტელეარხთან ინტერვიუში განაცხადა.ამასთან, როგორც მსოფლიო პატრიარქმა ინტერვიუში განაცხადა, რუსეთის მართლმადიდებელმა ეკლესიამ უკრაინაში რუსეთის სრულმასშტაბიანი შეჭრის მხარდაჭერის გამო, მართლმადიდებელ ქრისტიანებს იმედები გაუცრუა."ყველა ეკლესიისთვის უკრაინაში ომისა და ძალადობის არდაგმობა შეუძლებელი იყო, რუსეთის ეკლესიამ კი იმედები გაგვიცრუა. მე არ მინდა, რომ რუსეთის ეკლესია და პატრიარქი კირილე ამ გამონაკლისში შედიოდნენ. მე არ ვიცი, სინდისის წინაშე თავის გამართლებას როგორ შეძლებს. ველოდებოდი, რომ ძმა კირილე კრიტიკულ ვითარებაში სიმტკიცეს გამოიჩენდა და თუ საჭირო იქნებოდა, თავის ტახტს მსხვერპლად გაიღებდა და პუტინს ეტყოდა: ბატონო პრეზიდენტო, ვერ დაგეთანხმებით და უნდა გადავდგე"," - განაცხადა მსოფლიო პატრიარქმა.

1653504783

ევროკომისია
"როიტერსი" - ევროკომისია შეთავაზებით გამოდის, რუსეთის წინააღმდეგ დაწესებული სანქციების დარღვევა დანაშაულად გამოცხადდეს

სააგენტო "როიტერსის" ინფორმაციით, ევროკომისია შეთავაზებით გამოდის, რომ რუსეთის წინააღმდეგ დაწესებული სანქციების დარღვევა დანაშაულად გამოცხადდეს. როგორც აღნიშნული სააგენტო ევროკომისიის განცხადებაზე დაყრდნობით წერს, ზემოხსენებული ნაბიჯი წევრი ქვეყნების მთავრობებს საშუალებას მისცემს აქტივები ჩამოართვან იმ კომპანიებსა და კერძო პირებს, რომლებიც მოსკოვის წინააღმდეგ ევროკავშირის მიერ დაწესებულ სანქციებს დაარღვევენ.მათივე ცნობით, ევროკომისიის ინიციატივის მიზანია, რომ წევრი ქვეყნების მიდგომა გახდეს ერთიანი და სანქციების დარღვევა სერიოზულ დანაშაულად ჩაითვალოს ევროკავშირის წევრ 27-ვე ქვეყანაში."ამ შეთავაზების ამოცანაა, უზრუნველყოფილი იყოს, სანქციების დამრღვევი კერძო პირებისა და კომპანიებისთვის აქტივების ჩამორთმევის ეფექტური შესაძლებლობა", - წერია ევროკომისიის განცხადებაში.რაც შეეხება, იუსტიციის საკითხებში ევროკომისრის, დიდიე რეინდერსის განცხადებას, მისი თქმით, ევროკავშირის მიერ რუსეთის წინააღმდეგ სანქციების დარღვევა დანაშაულად ამჟამად მხოლოდ 12 წევრ ქვეყანაში ითვლება. 13 ქვეყანაში მსგავსი დარღვევა სისხლის სამართლის ან ადმინისტრაციულ დანაშაულად ითვლება. 2-ში კი ამ დარღვევას ადმინისტრაციულ დანაშაულად თვლიან.ამასთან, რეინდერსის განცხადებით, ევროკომისიის წინადადება მიზნად ისახავს ამ მიდგომის გაერთიანებას, რათა სანქციების თავიდან აცილება სერიოზულ დანაშაულად იქცეს ბლოკის 27-ივე წევრ ქვეყანაში.

1653504456

უკრაინის საგარეო საქმეთა სამინისტრო
"უკრაინა გმობს ხერსონსა და ზაპოროჟიეში რუსული პასპორტების გამარტივებული წესით მიღების შესახებ ვლადიმერ პუტინის გადაწყვეტილებას" - უკრაინის საგარეო უწყება

"უკრაინა გმობს ხერსონსა და ზაპოროჟიეში რუსული პასპორტების გამარტივებული წესით მიღების შესახებ ვლადიმერ პუტინის გადაწყვეტილებას," - ამის შესახებ ინფორმაციას "ბიბისი" უკრაინის საგარეო საქმეთა სამინისტროს განცხადებაზე დაყრდნობით ავრცელებს.როგორც "ბიბისი" წერს, უკრაინის საგარეო უწყებაში აცხადებენ, რომ  იძულებით პასპორტიზაცია მორიგი მტკიცებულებაა უკრაინაში რუსეთის ომის დანაშაულებრივი მიზნებისთვის, მიიტაცოს უკრაინის ტერიტორიები შემდგომში მათი ოკუპაციისა და რუსეთის სამართლებრივ, პოლიტიკურ და ეკონომიკურ ველში ინტეგრაციისთვის."ხერსონისა და ზაპოროჟიეს ოლქებში უკანონო პასპორტიზაცია, ისევე როგორც ყირიმსა და დროებით ოკუპირებულ დონეცკისა და ლუგანსკის ოლქების ნაწილში, უკრაინის ტერიტორიული მთლიანობისა და სუვერენიტეტის, საერთაშორისო ჰუმანიტარული სამართლის პრინციპებისა და ნორმების უხეში დარღვევაა. ასევე წარმოადგენს, რუსეთის როგორც ოკუპანტი სახელმწიფოს ვალდებულებების – ჰააგის 1907 კონვენციის 45-ე მუხლისა და ომის დროს, სამოქალაქო მოსახლეობის დაცვის შესახებ 1949 წლის კონვენციის 47-ე მუხლის დარღვევას. რუსეთის პრეზიდენტის დადგენილება იურიდიულად ბათილია და სამართლებრივი შედეგები არ ექნება“, – ნათქვამია უკრაინის საგარეო საქმეთა სამინისტროს მიერ გავრცელებულ განცხადებაში.

1653503616

დმიტრო კულება
"ვწუხვარ, რომ ამის თქმა მიწევს, მაგრამ ნატო, როგორც ინსტიტუტი, ფაქტობრივად არაფერს აკეთებს უკრაინის დასახმარებლად" - დმიტრო კულება

"ნატო, როგორც ინსტიტუტი, ფაქტობრივად არაფერს აკეთებს უკრაინის დასახმარებლად რუსეთის მიერ დაწყებულ ომში," - ამის შესახებ უკრაინის საგარეო საქმეთა მინისტრმა, დმიტრო კულებამ განაცხადა.მისივე განცხადებით, ნატოს მოკავშირე ქვეყნები უკრაინას ომის დაწყების პირველ პერიოდში უფრო უწევდა დახმარებას, ვიდრე დღეს."ჩემი თვალსაზრისი ძალიან მარტივია: ჩვენ ვხედავთ [ნატოს] მოკავშირეებს, რომლებიც ეხმარებიან უკრაინას. ჩვენ ვხედავთ, რომ ნატოს მოკავშირეების ჯგუფი გვეხმარება. თუმცა, ომის დასაწყისში (ეს იყო საზოგადოების განწყობა), უკრაინელ ხალხს სჯეროდა, რომ ნატო ძლიერი ძალა იყო და ევროკავშირს შეეძლო მხოლოდ განსხვავებული დონის შეშფოთების გამოხატვა, მაგრამ ომი ყოველთვის გამოცდაა, რომელიც ნიღაბს ხსნის და ჩვენ ყველამ დავინახეთ რეალური სახეები.ჩვენ ვნახეთ ევროკავშირის მიერ მიღებული რევოლუციური ინოვაციური გადაწყვეტილებები, რომელთა მიღებასაც თავად არ ელოდნენ, და ჩვენ ვხედავთ ნატოს, როგორც ალიანსს, ინსტიტუტს, რომელიც ფაქტობრივად არაფერს აკეთებს. ვწუხვარ, რომ ამის თქმა მიწევს," - განაცხადა უკრაინის საგარეო საქმეთა მინისტრმა.

1653500784

მარია ზახაროვა
"იტალიის შეთავაზება უკრაინაში სიტუაციის მოგვარებაზე რეალობას არ შეესაბამება" - მარია ზახაროვა

"იტალიის შეთავაზება უკრაინაში სიტუაციის მოგვარებაზე რეალობას არ შეესაბამება," - ამის შესახებ რუსეთის საგარეო საქმეთა სამინისტროს სპიკერმა, მარია ზახაროვამ განაცხადა."არ შეიძლება ერთი ხელით უკრაინას იარაღი მიაწოდო და მეორე ხელით სიტუაციის მშვიდობიანი მოგვარების გეგმები შეადგინო. თუ მათ ჰგონიათ, რომ რუსეთის ფედერაცია დასავლეთის რომელიმე გეგმას დათანხმდება, ". - ძალიან ცდებიან", - განაცხადა მარია ზახაროვამ.შეგახსენებთ, რამდენიმე დღის წინ იტალიის საგარეო საქმეთა მინისტრმა, ლუიჯი დი მაიომ, გეგმის ზოგადი მონახაზი წარმოადგინა. მისი განცხადებით, აღნიშნული საკითხი გაეროს გენერალურ მდივანთან, ანტონიო გუტერეშთან, ნიუ-იორკში ვიზიტის დროს განიხილა. ამასთან, მისივე განმარტებით, გეგმა საერთაშორისო ორგანიზაციებს მოიცავს, როგორიცაა გაერო, ევროკავშირი და ევროპის უსაფრთხოებისა და თანამშრომლობის ორგანიზაცია, რათა ცეცხლის შეწყვეტის მიზნით ფასილიტატორების ფუნქცია შეითავსონ. 

1653496864

25/05/2022
"კანადა უკრაინას ჰაუბიცებისთვის 20 000 ჭურვს გადასცემს" - კანადის თავდაცვის მინისტრი

"კანადა უკრაინას ჰაუბიცებისთვის 20 000 ჭურვს გადასცემს," - ამის შესახებ კანადის თავდაცვის მინისტრმა, ანიტა ანანდმა განაცხადა.ამასთან, როგორც კანადის თავდაცვის მინისტრმა განაცხადა, ჭურვებს კანადა უკრაინისთვის $500 მილიონიანი პაკეტის ფარგლებში შეისყიდის."კანადა უკრაინისა და მისი მოსახლეობის გვერდით დგას, რადგან ჩვენ პუტინის უკანონო და გაუმართლებელ თავდასხმას ვგმობთ. დღევანდელი განცხადება არის ჩვენი ურყევი ვალდებულების კიდევ ერთი მაგალითი. ჩვენ უკრაინას დამატებით სამხედრო ტექნიკას მივაწოდებთ, რაც მას სუვერენიტეტის, ტერიტორიული მთლიანობისა და დამოუკიდებლობის დასაცავად სჭირდება. უკრაინის სამხედრო ძალების მხარდასაჭერად ჩვენ მეტ აღჭურვილობას ვუგზავნით," - განაცხადა კანადის თავდაცვის მინისტრმა.

1653495723

დმიტრო კულება
"უკრაინის სურსათის ექსპორტის განბლოკვის სანაცვლოდ სანქციების მოხსნის მოთხოვნით რუსეთი მსოფლიოს აშანტაჟებს" - დმიტრო კულება

"უკრაინის სურსათის ექსპორტის განბლოკვის სანაცვლოდ სანქციების მოხსნის მოთხოვნით რუსეთი მსოფლიოს აშანტაჟებს," - ამის შესახებ უკრაინის საგარეო საქმეთა მინისტრი დმიტრო კულება სოციალურ ქსელ "ტვიტერში" წერს."უკრაინის სურსათის ექსპორტის განბლოკვის სანაცვლოდ სანქციების მოხსნის მოთხოვნით რუსეთი მსოფლიოს აშანტაჟებს. უცხოელმა პოლიტიკოსმა ან ოფიციალურმა პირმა, რომელიც, შესაძლოა, ამ თამაშზე დათანხმებაზე დაფიქრდეს, მოკლული უკრაინელი ბავშვების საფლავები უნდა მოინახულოს და მათ მშობლებს ესაუბროს," წერს უკრაინის საგარეო საქმეთა მინისტრი.ცნობისთვის, რუსეთის საგარეო საქმეთა მინისტრის მოადგილე, ანდრეი რუდენკო ამბობს, რომ მზად არიან, უკრაინის პორტებზე ბლოკადა სანქციების გაუქმების სანაცვლოდ მოხსნას

1653494872

დუარდ ჰეგერ
"პუტინი სლოვაკეთის წინააღმდეგ ომს დაიწყებს, თუ უკრაინას დაიპყრობს" - ედუარდ ჰეგერი

"პუტინი სლოვაკეთის წინააღმდეგ ომს დაიწყებს, თუ უკრაინას დაიპყრობს" - ეს განცხადება სლოვაკეთის პრემიერ-მინისტრმა ედუარდ ჰეგერმა გააკეთა.მან გააკრიტიკა ევროკავშირის წევრები რუსეთის ენერგეტიკაზე ზედმეტად დაყრდნობის გამო. მან ხაზგასმით აღნიშნა, რომ რუსეთთან დათმობების დრო უნდა დასრულდეს.”ჩვენ დიდი ხანია ვცვლით ჩვენს ღირებულებებს იაფ გაზსა და ნავთობზე,” - განაცხადა ედუარდ ჰეგერმა. 

1653486582

პუტინი საავადმყოფოში
(ვიდეო) რუსეთის პრეზიდენტმა ვლადიმერ პუტინმა დაჭრილი რუსი ჯარისკაცები საავადმყოფოში მოინახულა

რუსეთის პრეზიდენტმა ვლადიმერ პუტინმა დაჭრილი რუსი ჯარისკაცები საავადმყოფოში მოინახულა.უკრაინაში ომის დაწყების შემდეგ, ეს პირველი შემთხვევა, როდესაც რუსეთის პრეზიდენტი  დაჭრილ ჯარისკაცებს ხვდება. მას თავდაცვის მინისტრი სერგეი შოიგუ ახლდა თან. 

1653486066

აქცია პარიზი
(ვიდეო) ძალადობრივი აქცია პარიზში - აქციის მონაწილეები ნავთობისა და გაზის კომპანია "Total"-ისგან რუსეთის ფედერაციის დატოვებას ითხოვენ

ძალადობრივი აქცია პარიზში - აქციის მონაწილეები ნავთობისა და გაზის კომპანია "Total"-ისგან რუსეთის ფედერაციის დატოვებას ითხოვენ.პროტესტის გამო, აქციონერებმა კომპანიის გამგეობის სხდომაზე ოფისში შესვლა ვერ შეძლეს. 

1653485815

მარიუპოლის პორტი
"მარიუპოლის პორტის განაღმვა დასრულებულია" - იგორ კონაშენკოვი

რუსეთის თავდაცვის სამინისტროს ცნობით, მარიუპოლის პორტი ნაღმებისგან სრულად გაიწმინდა და კვლავ ფუნქციონირება დაიწყო.სამინისტროს წარმომადგენელმა იგორ კონაშენკოვმა განაცხადა, რომ პორტის განაღმვა და დემილიტარიზაცია დასრულდა, იტყობინება რუსული მედია.მისი თქმით, აღმოჩენილია და გაუვნებელყოფილია 12 ათასზე მეტი ერთეული ფეთქებადსაშიში ნივთი და იარაღი.ამავე დროს, რუსეთის საგარეო საქმეთა სამინისტროს ოფიციალურმა წარმომადგენელმა მარია ზახაროვამ განაცხადა, რომ განაღმვითი სამუშაოების დასრულების შემდეგ მარიუპოლის პორტი ხუთმა უცხოურმა ხომალდმა დატოვა.უკრაინის ხელისუფლებას აღნიშნულ ინფორმაციასთან დაკავშირებით კომენტარი ჯერ არ გაუკეთებია.აზოვის ზღვის პირას მდებარე მარიუპოლი უკრაინაში სიდიდით მეხუთე პორტია.

1653485302

რუსული პასპორტი
ოკუპირებულ მარიუპოლში რუსული პასპორტების გაცემა დაიწყეს

ოკუპირებულ მარიუპოლში რუსული პასპორტების გაცემა დაიწყეს. - ინფორმაციას მარიუპოლის მერის მრჩეველი პეტრ ანდრიუშჩენკო ავრცელებს.მისი თქმით, დაიწყო მარიუპოლის ანექსია. „დღეს ე.წ. „DPR“-მა გამოაცხადა მარიუპოლისა და დონეცკის ოლქის ახლად ოკუპირებული ტერიტორიების მცხოვრებლებისთვის რუსული პასპორტების აღების დაწყების შესახებ.მარიუპოლის ფაქტობრივი ანექსია დაიწყო“. -  განაცხადა ანდრიუშჩენკომ.ცნობისათვის, დღეს რუსეთის პრეზიდენტმა ვლადიმერ პუტინმა ხელი მოაწერა განკარგულებას უკრაინის ზაპოროჟიესა და ხერსონის ოლქების მცხოვრებლებისთვის გამარტივებული წესით რუსეთის მოქალაქეობის მიღების შესახებ.

1653483765