ხვიჩა კვარაცხელია
ქართველი ფეხბურთელის ფასმა 20 მილიონი ევროთი მოიმატა - ხვიჩა კვარაცხელიას საბაზრო ფასი 35 მილიონი ევროა

ხვიჩა კვარაცხელიას საბაზრო ფასი 35 მილიონი ევროა. მონაცემები Transfermarkt-ზე განახლდა.ქართველი ფეხბურთელის ფასმა ბოლო განახლების შემდეგ 20 მილიონი ევროთი მოიმატაკვარაცხელიამ მიმდინარე სეზონში ნაპოლის შემადგენლობაში იტალიის Serie A-ში 7 მატჩში 4 გოლი და 1 შედეგიანი გადაცემა მიითვალა. მან ასევე მნიშვნელოვანი როლი შეასრულა ჩემპიონთა ლიგის ორ მატჩში ლივერპულისა და რეინჯერსის წინააღმდეგ.საქართველოს ნაკრების შემადგენლობაში ხვიჩამ ერთა ლიგაზე წელს 6 მატჩი ჩაატარა და 8 გოლში მიიღო მონაწილეობა, აქედან  5 გატანილი გოლი აქვს და  3 შედეგიანი გადაცემა.

1664275903

მსოფლიო რაგბის პრეზიდენტი, ბილ ბომონტი
მსოფლიო რაგბის პრეზიდენტი, ოფიციალური ვიზიტით, თბილისს ეწვევა

დღეს თბილისში ოფიციალური ვიზიტით მსოფლიო რაგბის პრეზიდენტი, ბილ ბომონტი, აღმასრულებელი დირექტორი, ალან გილპინი და საერთაშორისო ურთიერთობების ხელმძღვანელი, დევიდ კერიგი ჩამოდიან.27 სექტემბერს დელეგაცია დიდ დიღომში ლელოს სარაგბო ბაზას ეწვევა, სადაც კულტურის, სპორტისა და ახალგაზრდობის, ასევე განათლების და მეცნიერების მინისტრები, ფონდი ქართუ და საქართველოს რაგბის კავშირი ხელს მოაწერენ მემორანდუმს მასშტაბური პროგრამის "ჩაერთე რაგბიში" განხორციელებაზე, რაც 150-ზე მეტ სკოლაში საბავშვო რაგბის განვითარებას ითვალისწინებს.იმავე დღეს დელეგაცია პრემიერ-მინისტრს, ხოლო მოგვიანებით კი საქართველოს რაგბის ადმინისტრაციას ქართული რაგბის სტრატეგიასა და განვითარების ხელშეწყობაზე სასაუბროდ შეხვდება.მსოფლიო რაგბის უმაღლესი დონის ვიზიტი საქართველოში 28 სექტემბერს დასრულდება.

1664180310

23/09/2022
საქართველოს ფეხბურთელთა ეროვნულმა ნაკრებმა ჩრდილოეთ მაკედონია ანგარიშით 2:0 დაამარცხა

საქართველოს საფეხბურთო ნაკრები ერთა ლიგის პლეიოფში გავიდა. ქართველი ფეხბურთელები „დინამო არენაზე“ ჩრდილოეთ მაკედონიას დაუპირისპირდნენ და ანგარიშით 2:0 დაამარცხეს.ჯგუფში პირველი ადგილის დაკავება იმასაც ნიშნავს, რომ მომავალი სეზონიდან საქართველოს ნაკრები უფრო ძლიერ, C ლიგაში ითამაშებს.აღსანიშნავია, რომ დღევანდელი შეხვედრის პირველი გოლი 35-ე წუთზე გავიდა, ბოიან მიოვსკიმ ბურთი საკუთარ კარში ჩაჭრა. მეორე გოლი 64-ე წუთზე ხვიჩა კვარაცხელიამ ბუდუ ზივზივაძის პასით გაიტანა.

1663956079

თეა წულუკიანი დათო ხვადაგიანი
"პატივცემულო, რა გინდა, რას ერჩი ამ სპორტს?" - სპორტული ჟურნალისტი თეა წულუკიანს

კულტურისა და სპორტის მინისტრის სტუმრობას პარლამენტში და გამართულ დებატებს, სოციალურ ქსელში სპორტული ჟურნალისტი დავით ხვადაგიანი ეხმაურება. ჟურნალისტი ამბობს, რომ პარლამენტარებისაგან, განსაკუთრებით კი ოპოზიციონერი დეპუტატებისაგან გაცილებით მწვავე კითხვებსა და კონკრეტული პრობლემების წამოჭრას ელოდა.„ოცნებისგან“ არც მოველოდი მწვავე კითხვებს წულუკიანის მისამართით, ოპოზიციას კი ჰქონდა შესაძლებლობა საფუძვლიანად ჩასძიებოდა, თუ რაშია საქმე, რატომ აქვს დაფინანსების პრობლემები ათეულობით სპორტულ ფედერაციას, თუმცა მაგათ ხომ სხვა დღის წესრიგი აქვთ?! თანაც გარეთ თუ დარბაზში მსხდომებს, ეტყობა ყურიც არ აქვთ მოკრული ზემოხსენებული პრობლემისთვის, ანაც „ტყემალზე სხედან და ბლის კურკებს ისვრიან“!ალბათ ამის დამსახურება იყო, რომ ქალბატონმა მინისტრმა „გაილაღა“ და კიდევ უფრო „გააჭენა ცხენები“. ჯერ იტრაბახა ქართველი სპორტსმენების მიღწევებით (გეგონება მისი რაიმე დამსახურება იყოს), მერე კი აუდიტის შესვლა დააანონსა არაერთ ფედერაციაში. ანუ, ბევრს ხომ აქვს ამავე მიზეზით (და სხვა არაერთითაც) საქმიანობის დაფინანსება შეჩერებული, გამოდის რომ კიდევ ბევრს შეუწყვეტს ფუნქციონირებისთვის აუცილებელი სახსრების მიწოდებას!“ - წერს ხვადაგიანი და თეა წულუკიანს კონკრეტული პრეტენზიით მიმართავს.„პატივცემულო, რა გინდა, რას ერჩი ამ სპორტს? არ გესმის, არ იცი ეს საქმე, არც შენ და არც შენმა იურისტმა მოადგილეებმა (და ვინც მოლალე სამინისტროში) და იმის ძახილი, რომ თურმე კარგი მენეჯერი და ა.შ. ხარ და გყავს ასეთები ირგვლივ შემოკრებილი, იქამდე მიიყვანს სიტუაციას, რომ სატრაბახო მალე არაფერი გექნებათ და სამწუხაროდ არც ჩვენ გვექნება.სპეციფიკის სხვაობა, იუსტიციის სამინისტროს, ციხის „ნაჩალნიკობასა“ და სპორტის სფეროს შორის იმხელაა, რომ თვალუწვდენელი. კარგი იურისტობა არ ნიშნავს, რომ აუცილებლად კარგად ერკვევი სპორტში და მის საჭიროებებში. შეიძლება რაღაც დონეზე წლების მანძილზე გაერკვე, მაგრამ მანამდე სპორტის ბევრი სახეობა და სპორტსმენი დაღუპო და დააქციო!“- მიმართავს მინისტრს დავით ხვადაგიანი.ცნობისათვის, გუშინ პარლამენტმა მინისტრის საათის ფორმატში კულტურისა და სპორტის მინისტრს, თეა წულუკიანს მოუსმინა. მოსმენის დასასრულს დებატები გაიმართა, სადაც მინისტრმა დეპუტატების შეკითხვებსა და პრეტენზიებს უპასუხა.

1663921559

თბილისის მერიამ სპორტული კომპლექსი "ავაზა" ინფრასტრუქტურის მოწყობის ვალდებულებით, საქართველოს ფეხბურთის ფედერაციას გადასცა
თბილისის მერიამ სპორტული კომპლექსი "ავაზა" ინფრასტრუქტურის მოწყობის ვალდებულებით, საქართველოს ფეხბურთის ფედერაციას გადასცა

თბილისის მერიამ სპორტული კომპლექსი "ავაზა" საფეხბურთო ინფრასტრუქტურის მოწყობის ვალდებულებით, საქართველოს ფეხბურთის ფედერაციას გადასცა. - ინფორმაციას ამის შესახებ თბილისის მუნიციპალიტეტის მერია ავრცელებს.მათივე ცნობით, დედაქალაქის მერმა, კახა კალაძემ ფეხბურთის ფედერაციის დირექტორ ლევან კობიაშვილთან ერთად, საფეხბურთო სკოლის ტერიტორია დაათვალიერა და მხარეებს შორის ხელშეკრულებას ხელი მოაწერა.ფეხბურთის ფედერაციის მხარდაჭერით, "ავაზას" ტერიტორიაზე არსებული მოედნები და ადმინისტრაციული შენობა სრულად განახლდება და საერთაშორისო სტანდარტის შესაბამისი იქნება."გვინდა, სპორტული კომპლექსი "ავაზა", რომელსაც ძალიან ბევრი წარმატებული ფეხბურთელი გაუზრდია და დღეს უმძიმეს მდგომარეობაშია, ფეხბურთის ფედერაციას გადავცეთ. დარწმუნებული ვარ, ეს სივრცე თავისი მოედნებით, გასახდელებით, დედაქალაქში ერთ-ერთი საუკეთესო სპორტული კომპლექსი იქნება. ყველანაირი პირობა ექნებათ ახალგაზრდებს იმისთვის, რომ ფეხბურთი ითამაშონ," - განაცხადა კახა კალაძემ.მისი თქმით, მერიამ აღნიშნული სივრცე ადგილმონაცვლეობის სანაცვლოდ, კომპანია "ვისოლისგან" გამოისყიდა."აღნიშნული სპორტული კომპლექსი 2007 წელს სიმბოლურ ფასად კომპანია „ვისოლს“ გადაეცა იმისთვის, რომ სტატუსი ათი წლის ვადით შენარჩუნებულიყო. მისი ამოწურვის შემდეგ, კომპანიასთან თანამშრომლობა აქტიურად დავიწყეთ იმისთვის, რომ აქ რაიმე საცხოვრებელი კორპუსი, საოფისე ფართები და ა.შ. არ აშენებულიყო. მივიღეთ გადაწყვეტილება და ურთიერთთანამშრომლობის შედეგად, ეს სივრცე მუნიციპალიტეტის საკუთრება გახდა. მინდა, "ვისოლს" თანამშრომლობისთვის დიდი მადლობა გადავუხადო," - აღნიშნა კახა კალაძემ.

1662985282

კვარაცხელია
ხვიჩა კვარაცხელია სერია A-ს თვის საუკეთესო ფეხბურთელია!

ხვიჩა კვარაცხელია სერია A-ს აგვისტოს თვის საუკეთესო ფეხბურთელია.კვარაცხელიამ გასულ თვეში 4 შეხვედრაში 3 გოლის გატანა შეძლო, 2 - "მონცას" წინააღმდეგ, ერთიც - "ვერონას" კარში.საქართველოს ნაკრების გარემარბმა "რომას" შემტევს პაულო დიბალას, "ატალანტას" ნახევარმცველს ტეუნ კუპმეინერსს, "ინტერის" ფორვარდს ლაუტარო მარტინესსა და "იუვენტუსის" სერბ თავდამსხმელს დუშან ვლაჰოვიჩს აჯობა.შეგახსენებთ, ხვიჩას "ნაპოლი" მორიგ შეხვედრას 10 სექტემბერს "სპეციას" წინააღმდეგ გამართავს.

1662728285

"ამას ჰქვია ღორობა, ჩავყვებით ბოლომდე" - ვის ემუქრება კახა კალაძე 
"რაც შეიძლება მეტი სპორტული მოედანი უნდა გავაკეთოთ, რათა მეტი ხვიჩა კვარაცხელია გავუზარდოთ ქვეყანას" - კახა კალაძე 

"რაც შეიძლება მეტი სპორტული მოედანი უნდა გავაკეთოთ, რათა მეტი ხვიჩა კვარაცხელია, მეტი წარმატებული ადამიანი გავუზარდოთ ჩვენს ქვეყანას," - ასე გამოეხმაურა დედაქალაქის მერი კახა კალაძე იტალიის საფეხბურთო კლუბ "ნაპოლში" მოთამაშე ქართველი ფეხბურთელის ბოლოდროინდელ წარმატებებს.როგორც მან მთავრობის სხდომაზე აღნიშნა, თბილისის მერიას, გამოწვევების მიუხედავად, აქვს უამრავი პროექტი იმისთვის, რომ მეტად კომფორტული გახდეს ქალაქი, მეტი სკვერი, რეკრეაციული სივრცე და სპორტული მოედანი გაკეთდეს."ჩვენ გვაქვს ძალიან ბევრი გამოწვევა, უამრავი პრობლემა, მაგრამ ყველა ვართ შემართებით და გვაქვს მზაობა, რომ დავუპირისპირდეთ ამ პრობლემებს, დავუპირისპირდეთ კონკრეტული საქმეებით, პროექტებით, გადასადგმელი ნაბიჯებით, რათა ხვალინდელი თბილისი იყოს გაცილებით უკეთესი, ვიდრე არის დღეს, ვიდრე იყო გუშინ და გუშინწინ. ამის ყველანაირი რესურსი და შესაძლებლობა გვაქვს. ჩვენ მზად ვართ, გემსახუროთ, ვემსახუროთ ამ ქალაქს, რათა კიდევ უფრო გავალამაზოთ, კიდევ უფრო კომფორტული გავხადოთ, მეტი ინფრასტრუქტურა მოვაწესრიგოთ, გამართული იყოს საზოგადოებრივი ტრანსპორტი, რაც შეიძლება მეტი სკვერი და რეკრეაციული სივრცე თუ სპორტული მოედანი გავაკეთოთ, რათა მეტი ხვიჩა კვარაცხელია, მეტი წარმატებული ადამიანი გავუზარდოთ ჩვენს ქვეყანას," - აღნიშნა კახა კალაძემ.

1662629824

კალათბურთი
საქართველოს კალათბურთელთა ნაკრები ბულგარეთის ნაკრებთან დამარცხდა

საქართველოს კალათბურთელთა ნაკრები ევრობასკეტის ჯგუფური ეტაპის მეოთხე შეხვედრაში ბულგარეთის ნაკრებთან ანგარიშით 80:93 დამარცხდა.საქართველოს ნაკრების შემადგენლობიდან ყველაზე შედეგიანი 17 ქულითა და 5 მოხსნით გოგა ბითაძე იყო, რაც შეეხება მოწინააღმდეგე გუნდს, 33 ქულითა და 11 შედეგიანი გადაცემით დი ბოსტი იყო, 28 ქულა და 14 მოხსნა მოაგროვა ალექსანდრ ვეზენკოვმა.ამრიგად, საქართველოს ნაკრებს 4 შეხვედრიდან 1 გამარჯვება და 3 მარცხი დაუგროვდა, შემდეგ შეხვედრას საქართველოს ნაკრები მონტენეგროს ნაკრების წინააღმდეგ, ხვალ 21:00 საათზე გამართავს.

1662497651

ფიბა
ფიბამ თურქეთის კალათბურთის ფედერაციის მიერ შეტანილი ოფიციალური პროტესტი არ მიიღო

ფიბამ თურქეთის კალათბურთის ფედერაციის მიერ შეტანილი ოფიციალური პროტესტი არ მიიღო. ორგანიზაციამ ვერ გამოააშკარავა იმ დონის შეცდომა, რომელსაც შეეძლო თამაშის შედეგზე გავლენა მოეხდინა. თურქეთის მხარე მატჩის ძირითადი დროის დასრულებამდე 4:48 წუთით ადრე გაპარულ 22 წამზე საუბრობდა, რა დროსაც მოედანზე ვითარება დაიძაბა და დუდა სანაძესა და ფურკან ქორქმაზს შორის სიტყვიერი შელაპარაკება მოხდა. კონფლიქტის დაწყებიდან მალევე დროის ათვლა გაგრძელდა და 22 წამში წამმზომი შეჩერდა. თამაშის  განახლებისას, ტაბლოზე 4:48 წუთის ნაცვლად 4:26 ეწერა. ამის შემდეგ გუნდებმა კიდევ 14:26 წუთი ითამაშეს და საბოლოოდ საქართველომ 88:83 დაამარცხა მეტოქე.სწორედ ამ შედეგის გაუქმებას და მატჩის სრულად ან დარჩენილი 4:48 წუთის გადათამაშებას ითხოვდნენ თურქები, თუმცა მათი პროტესტი ფიბა-ევროპამ არ დააკმაყოფილა.რაც შეეხება კიდევ ერთ შემთხვევას, რომელიც თურქეთის მხარის მტკიცებით, გასახლდელში მიმავალ დერეფანში მოხდა, ამაზე ფიბამ გამოძიება დაიწყო და ფიბა-ს შესაბამისი ორგანოები განსაზღვრავენ დისციპლინარული სასჯელის ზომას.

1662446777

წივწივაძე
ალექსანდრე წივწივაძე მსოფლიოს ორგზის ჩემპიონია

ქართველი ნიჩბოსანი ალექსანდრე წივწივაძე მსოფლიოს ორგზის ჩემპიონია..ახალგაზრდა ქართველმა სპორტსმენმა 500-მეტრიანი დისტანცია წუთსა 53 წამში დაფარა და ტიტული შეინარჩუნა. 

1662284126

27/08/2022
ჭაბუკთა მსოფლიოს ჩემპიონატზე ქართველმა ძიუდოისტებმა სარეკორდო მედლები მოიპოვეს

საქართველოს ჭაბუკთა ნაკრებმა მსოფლიოს ჩემპიონატზე 2 ოქროს, 1 ვერცხლისა და 3 ბრინჯაოს მედალი მოიპოვა. - შესაბამის ინფორმაციას საქართველოს ძიუდოს ფედერაცია სოციალურ ქსელში ავრცელებს.როგორც მათ მიერ გავრცელებულ ინფორმაციაშია ნათქვამი, საქართველოს ნაკრებისთვის მსოფლიოს ჩემპიონატზე მოპოვებული 6 მედალი სარეკორდოა."საქართველოს ჭაბუკთა ნაკრებმა მსოფლიოს ჩემპიონატზე 2 ოქროს, 1 ვერცხლის და 3 ბრინჯაოს მედალი მოიპოვა და ვაჟთა შორის გუნდური პირველი ადგილი დაიკავა. საქართველოს ნაკრებისთვის მსოფლიოს ჩემპიონატზე მოპოვებული 6 მედალი სარეკორდოა," - ნათქვამია საქართველოს ძიუდოს ფედერაციის ინფორმაციაში. 

1661625660

თორნიკე შენგელია
"მხარზე მეტად სული მტკივა, რომ ვერ შევძლებ საქართველოს ნაკრების დახმარებას" - თორნიკე შენგელია

საქართველოს კალათბურთის ნაკრების კაპიტანი თორნიკე შენგელია მისი ტრავმისა და მოახლოებული ევრობასკეტის შესახებ განცხადებას ავრცელებს.კაპიტანი გულშემატკივრებს ნაკრების მხარდაჭერისკენ და ბოლომდე გამხნევებისკენ მოუწოდებს."ყველას უდიდესი მადლობა მხარდაჭერისთვის, გვერდში დგომისთვის და პოზიტიური მესიჯებისთვის. ვერ გადმოგცემთ რა გრძნობა მეუფლება, როცა ასეთ მხარდაჭერას ვგრძნობ თქვენგან. იმ დღიდან, როცა გაირკვა, რომ ევრობასკეტი ჩემს სახლში ტარდებოდა, ალბათ არცერთ დღეს ჩაუვლია ისე, რომ ამ ღონისძიებაზე არ მეფიქრა. თითოეული ჩემი ქმედება მიმართული იყო იქითკენ, რომ მაქსიმალურად მზად შევხვედროდი თამაშებს და თქვენი მოლოდინები გამემართლებინა. მაგრამ სპორტში, სხვა ბევრ დადებითთან ერთად ასეთი მომენტებიც ხშირად დგება.მხარზე მეტად სული მტკივა, რომ ვერ შევძლებ საქართველოს ნაკრების დახმარებას ასეთ მნიშვნელოვან მომენტში და ვერ ვიდგები მოედანზე ჩემი ბიჭების გვერდით საჭირო დროს. თუმცა, დღეს მშვიდად ვარ, რადგან ვიცი ჩვენი გულშემატკივრების და ჩვენი ბიჭების ხასიათი და დარწმუნებული ვარ , რთული მომენტები მათ მეტ მოტივაციას და ძალას შემატებს.ჩემზე არ იდარდოთ, ამ სიტუაციაში ბევრჯერ ვყოფილვარ და უფრო ძლიერიც დავბრუნებულვარ. მადლობა ღმერთს, რომ მომცა ბრძოლის უნარი და მეხმარება სირთულეების გადალახვაში.ახლა გთხოვთ, რომ ყველა თქვენი პოზიტიური ენერგია და მხარდაჭერა ჩვენი ნაკრებისკენ იყოს მიმართული , პირადი გამოცდილებით გეტყვით, რომ თითოეულ გამამხნევებელ შეძახილს ძალიან დიდი მნიშვნელობა აქვს.მხოლოდ ერთად, გუნდურად შევძლებთ დიდი მიზნების მიღწევა," - წერს თორნიკე შენგელია.ცნობისთვის, თორნიკე შენგელიამ ნიდერლანდების წინააღმდეგ მატჩში უმძიმესი ტრავმა მიიღო, რის გამოც ნაკრების დახმარებას ევრობასკეტზე ვერ შეძლებს.

1661599767