დსფდს
[ვიდეო] "ივანიშვილმა რწყილივით გაატყავა მთელი საქართველო" - სიტყვიერი დაპირისპირება "ჯორჯიან თაიმსის" ეთერში

"ივანიშვილმა რწყილივით გაატყავა მთელი საქართველო," - ასე უპასუხა "ნაციონალური მოძრაობის" მხარდამჭერმა და ექსპერტმა, დავით ნებიერიძემ ტელეკომპანია "ჯორჯიან თაიმსის" გადაცემაში "დროული კითხვები" მომხდარი სიტყვიერი კამათის დროს ბლოგერ პაატა ლომთათიძეს.გადაცემის სტუმრებს შორის სიტყვიერი კამათი დავით კეზერაშვილზე საუბარს მოჰყვა, რა დროსაც პაატა ლომთათიძემ განაცხადა, რომ ლევან ხაბეიშვილის დღევანდელი წარმატების უკან სწორედ "ოლიგარქი კეზერაშვილი" დგას."გულახდილად ვთქვათ, ხაბეიშვილს პიროვნულად არანაირი რესურსი არ აქვს. არავის შეურაცხყოფას არ ვაყენებ და ეს ჩემში არ ზის, თუმცა ობიექტურად, რომ ვთქვა, ამ ადამიანის წარმატების უკან კეზერაშვილი დგას. სიმართლე გითხრათ, თავის დროზე არც გრიგოლ ვაშაძე მომწონდა, მაგრამ ხაბეიშვილისგან განსხვავებით, ვაშაძეს ინტელექტი მაინც ჰქონდა. ამიტომ არ შეიძლება ხაბეიშვილის შედარება გრიგოლ ვაშაძესთან. აქედან გამომდინარე კეზერაშვილი, რომელიც ამ ყველაფრის უკან დგას ამაზე არ ფიქრობს...," - განაცხადა ლომთათიძემ.მისივე თქმით, ოპოზიცია დღეს, ბიძინა ივანიშვილს მოიხსენიებს ოლიგარქად, არადა ოლიგარქი სწორედ დავით კეზერაშვილია, რომელმაც მილიონები სახელმწიფო თანამდებობაზე ყოფნის დროს იშოვა."თქვენ, ოლიგარქს ეძახით ივანიშვილს, რომელმაც სხვაგან იშოვა ფული და აქ დახარჯა. არადა, კეზერაშვილი ყველამ იცის ვინც არის, ბოლო ბოლო თბილისი პატარა ქალაქია და ვინმეზე, თუ რამის გაგება გინდა, ეს რთული არაა,. ყველამ კარგად იცის ისიც, რომ კეზერაშვილი ერთი ღარიბი ოჯახიდან იყო, რომელმაც ცოტა ხანი საფინანსო პოლიციაში, შემდეგ კი თავდაცვის მინისტრის პოსტზე იმუშავა. აღნიშნულის შემდეგ კი ოფშორულ ანგარიშებზე მილიონიანი ბრუნვა ჰქონდა," - განაცხადა ლომთათიძემ. 

1675099714

 ირაკლი ღარიბაშვილი 
ქვეყნის მასშტაბით, 885 საბავშვო ბაღის მშენებლობა-რეაბილიტაცია განხორციელდება

საქართველოს პრემიერ-მინისტრის ინიციატივით, ახალი პროგრამა იწყება, რომელიც ქვეყნის მასშტაბით, 885 საბავშვო ბაღის მშენებლობა-რეაბილიტაციას ითვალისწინებს, კერძოდ: აშენდება 330 ახალი და რეაბილიტაცია ჩაუტარდება 555 არსებულ ბაღს.აღნიშნული საკითხი, დღეს, ირაკლი ღარიბაშვილის ხელმძღვანელობით გამართულ მთავრობის სხდომაზე განიხილეს. ბაღების მშენებლობა-რეაბილიტაციის პროგრამა რამდენიმე ეტაპად განხორციელდება, რისთვისაც სახელმწიფო ბიუჯეტიდან 1.3 მილიარდი ლარი დაიხარჯება. აღსანიშნავია, რომ პირველი ეტაპის სამუშაოებისთვის 100 მილიონი ლარი 2023 წლის ბიუჯეტში უკვე გათვალისწინებულია.სამშენებლო და სარეაბილიტაციო სამუშაოებს საქართველოს რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდი განახორციელებს, ტენდერები უახლოეს მომავალში გამოცხადდება.ახალი პროგრამის ფარგლებში, საბავშვო ბაღები თანამედროვე სტანდარტების შესაბამისად აშენდება და რეაბილიტირდება. მოეწყობა ბაღების შიდა და გარე სივრცეები, რეკრეაციული ზონები, კომუნიკაციები და სველი წერტილები. ბაღები სრულად იქნება ადაპტირებული განსაკუთრებული საჭიროებების მქონე პირთათვის. საბავშვო ბაღების ინფრასტრუქტურის განვითარება ადგილობრივი თვითმართველობების მიერ მოწოდებული ინფორმაციისა და პრიორიტეტების მიხედვით იგეგმება.

1675070905

გელათის წინამძღვარი
გელათის მონასტრის წინამძღვარი, რომელმაც ხანძრის შედეგად სხეულის დამწვრობა მიიღო, გარდაიცვალა

გელათის მონასტრის წინამძღვარი, არქიმანდრიტი იოსებ ბურჯანაძე, რომელმაც გელათის მამათა მონასტერში გაჩენილი ხანძრის შედეგად  სხეულის დამწვრობა მიიღო, გარდაიცვალა"დღეს 30 იანვარს, გარდაიცვალა გელათის ყოვლადწმიდა ღვთისმშობლის მამათა მონასტრის არქიმანდრიტი იოსებ ბურჯანაძე. უფალმა მართალთა თანა დააწესოს სული მისი. გთხოვთ ლოცვებში მოიხსენიოთ ახალშესვენებული არქიმანდრიტი იოსები," - ნათქვამია გავრცელებულ ინფორმაციაში.შეგახსენებთ, გელათის მამათა მონასტერში გაჩენილი ხანძარი დაახლოებით, 2 კვირის წინ გაჩნდა. არქიმანდრიტმა იოსებ ბურჯანაძემ 44%-იანი დამწვრობა მიიღო. ის დამწვრობის ცენტრის რეანიმაციულ განყოფილებაში იყო მოთავსებული.

1675066080

ნაქერალა
ნაქერალას უღელტეხილზე მისაბმელიანი და ნახევრადმისაბმელიანი ავტოტრანსპორტის მოძრაობა აღდგა

ჩატარებული გაწმენდითი სამუშაოების შედეგად, შიდასახელმწიფოებრივი მნიშვნელობის ქუთაისი(მოწამეთა)-ტყიბული-ამბროლაურის საავტომობილო გზის კმ39-კმ62 (ნაქერალას უღელტეხილი) მონაკვეთზე მისაბმელიანი და ნახევრადმისაბმელიანი ავტოტრანსპორტის მოძრაობა აღდგენილია.ინფორმაციას საავტომობილო გზების დეპარტამენტი ავრცელებს.

1675062349

გუდაური კობი
გუდაური-კობის მონაკვეთზე მისაბმელიანი და ნახევრადმისაბმელიანი ავტოტრანსპორტის მოძრაობა აღდგა

ჩატარებული გაწმენდითი სამუშაოების შედეგად, საერთაშორისო მნიშვნელობის მცხეთა–სტეფანწმინდა–ლარსის საავტომობილო გზის გუდაური(ფოსტა)-კობის მონაკვეთზე მისაბმელიანი და ნახევრადმისაბმელიანი ავტოტრანსპორტის მოძრაობა აღდგენილია.ინფორმაციას საავტომობილო გზების დეპარტამენტი ავრცელებს.

1675062146

87995845743
ნაქერალას უღელტეხილსა და საჩხერის გზაზე ცალკეული სახის ავტოტრანსპორტის მოძრაობა აკრძალულია - საავტომობილო გზების დეპარტამენტი

საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტის ინფორმაციით, ნაქერალას უღელტეხილსა და საჩხერე (სარეკი)-უზუნთა-შქმერი-ზუდალის გზაზე ცალკეული სახის ავტოტრანსპორტის მოძრაობა აკრძალულია."ინტენსიური თოვის გამო, შიდასახელმწიფოებრივი მნიშვნელობის ქუთაისი (მოწამეთა)-ტყიბული-ამბროლაურის საავტომობილო გზის კმ 39-კმ 62 (ნაქერალას უღელტეხილი) მონაკვეთზე და ასევე საჩხერე(სარეკი)-უზუნთა-შქმერი-ზუდალის საავტომობილო გზაზე აკრძალულია მისაბმელიანი და ნახევრად მისაბმელიანი ავტოტრანსპორტის მოძრაობა, ხოლო დანარჩენი სახის ავტოტრანსპორტის გადაადგილება თავისუფალია," - ნათქვამია საავტომობილო გზების დეპარტამენტის ინფორმაციაში.

1675015761

ბიძინა ივანიშვილი ირაკლი კობახიძე
"შვეიცარიული ბანკი "კრედიტ სუისი" გამოიყენება პოლიტიკური შანტაჟისთვის ბიძინა ივანიშვილის წინააღმდეგ" - ირაკლი კობახიძე

"შვეიცარიული ბანკი "კრედიტ სუისი" გამოიყენება პოლიტიკური შანტაჟისთვის ბიძინა ივანიშვილის წინააღმდეგ," - ეს განცხადება "ქართული ოცნების" თავმჯდომარემ, ირაკლი კობახიძემ "იმედის კვირასთან" საუბრისას გააკეთა.როგორც კობახიძემ აღნიშნა, 2012 წელს სიცოცხლის რისკის ფასად შემოვიდა ქართულ პოლიტიკურ პროცესში, რათა ქვეყანაში ვითარება რადიკალურად შეცვლილიყო უკეთესობისკენ და ის არ მოაწერს ხელს საკუთარი ქვეყნის განადგურებას."შვეიცარიული ბანკი „კრედიტ სუისი“ გამოიყენება პოლიტიკური შანტაჟისთვის ბიძინა ივანიშვილის წინააღმდეგ. ამის თაობაზე მას პრაქტიკულად ღია მინიშნებები ჰქონდა თავის წერილში. ვფიქრობ, ეს ყველასთვის ცხადია. თავად „კრედიტ სუისიც“ არ მალავს პოლიტიკურ კონტექსტს, რომელიც ამ საქმეს თან ახლავს. რეალურად, ეს არის ძარცვის საქმე. ეს არის აბსოლუტურად ღია ძარცვის საქმე. თანხების განკარგვის უფლებას არ აძლევენ ბიძინა ივანიშვილს, რაც არის წარმოუდგენელი. ჩვენ ვიცით, როგორ შენდებოდა შვეიცარიული საბანკო სისტემის რეპუტაცია. ბანკი თვითონვე ანგრევს არამარტო საკუთარ, არამედ მთელი შვეიცარიული საბანკო სისტემის რეპუტაციას. რისთვის შეიძლება ეს ყველაფერი უღირდეს? ეს საზოგადოებამ განსაჯოს. ჩვენთვის ნათელია, რომ ამის უკან დგას ერთადერთი რამ - პოლიტიკური შანტაჟის მცდელობა.შანტაჟის მცდელობაზე მინიშნებები ივანიშვილმაც გააკეთა. ეს არის განზრახვა, რომ საქართველო იყოს ჩართული სამხედრო კონფლიქტში, რომელიც ამჟამად მიმდინარეობს უკრაინაში. ეს ადამიანი არავითარ შემთხვევაში შანტაჟს არ დაექვემდებარება და მით უმეტეს მეორე მხარეს დგას ის, რაც შეიძლება იყოს უკიდურესი ზიანის მომტანი საქართველოსთვის. საუბარია ქვეყნის თვითგანადგურებაზე ხელის მოწერაზე. ამას ბიძინა ივანიშვილი არ გააკეთებს. 2012 წელს სიცოცხლის რისკის ფასად შემოვიდა ქართულ პოლიტიკურ პროცესში, რათა ქვეყანაში რადიკალურად შეცვლილიყო უკეთესობისკენ ვითარება და ის არ მოაწერს ხელს საკუთარი ქვეყნის განადგურებას," - განაცხადა ირაკლი კობახიძემ.

1675013401

მიხეილ სააკაშვილი
"ბევრჯერ პირჯვარი გადამიწერია და ისე შევსულვარ პალატაში" - კლინიკა "ვივამედის" მედდა მიხეილ სააკაშვილზე

"ძალიან ბევრჯერ გადამიწერია პირჯვარი და ისე შევსულვარ პალატაში. მიფიქრია: "ოღონდ არ აღელდეს, ოღონდ ყველაფერმა კარგად ჩაიაროს," - ეს განცხადება კლინიკა "ვივამედის" მედდამ "იმედის კვირის" სიუჟეტში ექსპრეზიდენტზე, მიხეილ სააკაშვილზე საუბრისას გააკეთა.როგორც მედდა აცხადებს, მიხეილ სააკაშვილთან ურთიერთობის დადებით ეპიზოდებიც ჰქონია და პაციენტის განწყობა სასამართლო დღეებში იცვლებოდა."ჩვენი ოთახი სააკაშვილის პალატის მოპირდაპირე მხარეს არის და რამდენჯერაც შევსულვართ და უთქვამთ, რომ პაციენტი გონებას კარგავს, მაშინ წნევა, პულსი, სატურაცია - ყველაფერი იყო ნორმის ფარგლებში. ძალიან ბევრჯერ გადამიწერია პირჯვარი და ისე შევსულვარ პალატაში. მიფიქრია: "ოღონდ არ აღელდეს, ოღონდ ყველაფერმა კარგად ჩაიაროს," - განაცხადა მედდამ "იმედის კვირასთან".

1675010888

ფფ
ირაკლი კობახიძეს ბილბაოში საბინო არანას ფონდის უმაღლესი ჯილდო გადაეცა

"ქართული ოცნების" თავმჯდომარეს, ირაკლი კობახიძეს ბილბაოში საბინო არანას ფონდის უმაღლესი ჯილდო გადაეცაჯილდო მმართველი პარტიის თავმჯდომარეს ქართულ-ბასკური მეგობრობის გაღრმავებისთვის, დემოკრატიისა და ადამიანის უფლებების დაცვისთვის მიანიჭეს. ღონისძიება ბილბაოს თეატრში ბასკეთის მმართველი პარტიის ორგანიზებით შედგა. ღონისძიების მონაწილეებს სიტყვით მიმართა ირაკლი კობახიძემ."უპირველეს ყოვლისა, მინდა გულწრფელი მადლობა გადავუხადო საბინო არანას ფონდს ჯილდოსთვის. ჩემთვის დიდი პატივია იმ ადამიანად ყოფნა, ვინც ერთგულია ბასკებთან და ბასკეთთან მეგობრობის.მე წარმოვადგენ პატარა, მაგრამ ძალიან ამაყ ქვეყანას - საქართველოს. ჩემს ერს საუკუნეების განმავლობაში მოუწია ბრძოლა თავისი იდენტობის, მიწის, რელიგიისა და ენის დასაცავად. ამიტომ ჩვენ, ქართველები განსაკუთრებულად ვაფასებთ პატრიოტიზმს და სამშობლოს ერთგულ ადამიანებს. შესაბამისად, მე განსაკუთრებით ვამაყობ ჯილდოს მიღებით, რომელიც დიდი პატრიოტის - საბინო არანას სახელს ატარებს.რამდენიმე მეცნიერული დასკვნით დასტურდება, რომ ბასკებსა და ქართველებს შორის ისტორიული კავშირი არსებობს. მიუხედავად იმისა, რომ ბასკეთსა და საქართველოს შორის გეოგრაფიული მანძილი საკმაოდ დიდია, აშკარაა მსგავსება კულტურაში, ტრადიციებსა და ფოლკლორში. მეღვინეობა ჩვენი კულტურების არსებითი მახასიათებელია, რაც იმაზე მეტყველებს, რომ ჩვენ საერთო ფესვები გვაქვს. ასევე ქართული და ბასკური ენები სტრუქტურულად ახლოსაა ერთმანეთთან. ქართველებმა კარგად იციან ეს კავშირი და ძალიან ამაყობენ ამით.ამ კავშირმა მოტივაცია მისცა ქართველების წინა თაობებს, ასევე მე და ჩემს კოლეგებს, რომ მხარი დავუჭიროთ ჩვენს ხალხებს შორის მეგობრობის შემდგომ გაღრმავებას. თბილისი და ბილბაო, ვიტორია და ქუთაისი, ლაგუარდია და გურჯაანი ათწლეულების მანძილზე დაძმობილებული ქალაქები არიან. თბილისის სახელმწიფო უნივერსიტეტში ბასკური ენის განყოფილება დაარსდა. არსებობს უწყვეტი პარტნიორობა, მაგრამ ასევე ძალიან ფართო სივრცე კულტურის, განათლების, სპორტის, ტურიზმის, გასტრონომიისა და ინვესტიციების სფეროებში თანამშრომლობის შემდგომი განვითარებისთვის. ნება მომეცით აღვნიშნო ისიც, რომ ჩვენ მთელი საქართველოს მასშტაბით დავრგეთ რამდენიმე გერნიკას ხე, რაც ბასკ და ქართველ ხალხებს შორის ძლიერი კავშირისა და მეგობრობის სიმბოლოს გამოხატავს.თქვენ გაქვთ ძალიან ლამაზი ქვეყანა საოცრად ლამაზი ბუნებით, პეიზაჟებით, ქალაქებითა და სოფლებით. მაგრამ ბასკეთის ყველაზე ღირებული სილამაზე მისი თბილი ხალხია. თითოეულმა ბასკმა, ვისაც ჩვენ შევხვედრილვართ, კიდევ უფრო მეტი მოტივაცია მოგვცა, გაგვეძლიერებინა ჩვენი მეგობრობა. დიდი მადლობა ამისთვის!ჩემი ქვეყანა - საქართველო დღესდღეობით რამდენიმე ფუნდამენტური გამოწვევის წინაშე დგას. ჩვენი ტერიტორიების 20% ოკუპირებულია რუსეთის ფედერაციის მიერ და მისი მშვიდობიანი დეოკუპაცია ჩემი ხალხის ერთ-ერთი მთავარი ეროვნული მიზანია. უკრაინაში მიმდინარე ომის კონტექსტში არსებობდა საფრთხე, რომ სამხედრო კონფლიქტი საქართველოზეც გავრცელდებოდა. ეს იყო ჩვენი მთავრობის მთავარი მიზანი, რომ თავიდან აგვერიდებინა ომი ჩვენს ქვეყანაში და ჩვენ ამას წარმატებით მივაღწიეთ.საქართველო მტკიცედ უჭერს მხარს უკრაინის სუვერენიტეტსა და ტერიტორიულ მთლიანობას და გმობს რუსეთის სამხედრო აგრესიას ყველა საერთაშორისო ფორუმზე. ამავდროულად, ჩვენ ვატარებთ პრაგმატულ პოლიტიკას, რათა თავიდან ავიცილოთ ესკალაცია და ხელი შევუწყოთ მშვიდობას რეგიონში. საქართველო ასევე ცდილობს, ფასილიტატორის როლი შეასრულოს ორ მეზობელ ქვეყანას - სომხეთსა და აზერბაიჯანს შორის. და ბოლოს, ჩვენ გვჯერა, რომ მშვიდობასა და განვითარებას ალტერნატივა არ აქვს და ყველა ერი თანმიმდევრულად უნდა გაჰყვეს ამ გზას.მიუხედავად იმისა, რომ პატარა ქვეყანაა, საქართველო მნიშვნელოვან როლს ასრულებს საერთაშორისო თანამეგობრობისთვის, როგორც პოლიტიკურად, ასევე ეკონომიკურად. საქართველო გეოგრაფიულად აკავშირებს ევროპას აზიასთან და აქვს დიდი პოტენციალი შემდგომ განავითაროს სატრანზიტო ფუნქცია და შესაძლებლობები. ლიბერალური ეკონომიკური პოლიტიკით ჩვენ უზრუნველვყოფთ ნაყოფიერ ნიადაგს ეკონომიკური საქმიანობისა და ინვესტიციებისთვის ჩვენს ქვეყანაში. მშვიდობისა და თანმიმდევრული პოლიტიკის წყალობით, ჩვენ მოვახერხეთ ორნიშნა ეკონომიკური ზრდის მიღწევა 2021 და 2022 წლებში. ამ ტენდენციით საქართველო ხდება კიდევ უფრო მიმზიდველი ქვეყანა თანამშრომლობისთვის მისი ყველა მეგობრისა და პარტნიორისთვის.ჩვენი მიზანია გავხდეთ ევროკავშირის სრულუფლებიანი წევრი. ჩვენ შევიტანეთ ოფიციალური განაცხადი და იმედია საქართველო ევროკავშირის კანდიდატის სტატუსს მიმდინარე წლის დეკემბერში მიიღებს. თქვენი მხარდაჭერა ძალზე მნიშვნელოვანია ამ მიზნის მისაღწევად.საერთო ჯამში, ასევე ზოგადი კონტექსტი იძლევა ნაყოფიერ ნიადაგს ბასკეთსა და საქართველოს შორის მეგობრობის შემდგომი განმტკიცებისა და თანამშრომლობის განვითარებისათვის. მე მივიჩნევ ამას, როგორც ჩემს პასუხისმგებლობას, გავაკეთო ყველაფერი ამ პოზიტიური ტენდენციის ხელშეწყობისთვის.ნება მომეცით კიდევ ერთხელ მადლობა გადავუხადო საბინო არანას ფონდს და ყველა ჩვენს ბასკ კოლეგას ჯილდოსთვის, ასევე შესანიშნავი მეგობრობისა და სტუმართმოყვარეობისთვის!” - განაცხადა ირაკლი კობახიძემ.

1675004520

ნიკოლოზ სააკაშვილი
“ტრანსფარანტით უნდა დავდგე ქუჩაში, ამ სიცივეში და მქონდეს დიდი წარწერა, ნუ მომიკლავთ შვილს!” - ნიკოლოზ სააკაშვილი

"ბატონო ზურა, მოდით ყველაფერი გვერდზე გადადეთ, წარმოიდგინეთ, რომ თქვენი შვილია მიშას მდგომარეობაში, მე რომ ვყოფილიყავი თქვენს ადგილას, მე დღეს გადავდგებოდი," - ასე მიმართავს ექსპრეზიდენტ მიხეილ სააკაშვილის მამა ნიკოლოზ სააკაშვილი "ვივა მედის" დირექტორს ზურაბ ჩხაიძეს და საპროტესტო აქციებს აანონსებს."ტრანსფარანტით უნდა დავდგე ქუჩაში, ამ სიცივეში, არა შენობაში და მქონდეს დიდი წარწერა, რომ ვარ 80 წელს მიღწეული, ნუ მომიკლავთ შვილს. ეს არის ხელოვნურად პროცესების შეფერხება, ან მიყვანა ფატალურ მდგომარეობამდე, ან ისე დაინვალიდება, რომ მერე ძალიან ცუდ მდგომარეობაში გააგრძელოს თავის ცხოვრება. ბატონო ზურა, მოდით ყველაფერი გვერდზე გადადეთ, წარმოიდგინეთ, რომ თქვენი შვილია მიშას მდგომარეობაში, მე რომ ვყოფილიყავი თქვენს ადგილას, მე დღეს გადავდგებოდი“, - აცხადებს ნიკოლოზ სააკაშვილი.ცნობისთვის, მიხეილ სააკაშვილის მძიმე ჯანმრთელობის მდგომარეობაზე გუშინ, 28 იანვარს ვივა მედის კლინიკურმა დირექტორმა ისაუბრა. ზურაბ ჩხაიძის თქმით, მიხეილ სააკაშვილის წონაში ყოველდღიურად იკლებს და  თუ კლება გაგრძელდება, შესაძლოა, "ფატალური შედეგი დადგეს".

1674992820

შემოსავლების სამსახური
ფინანსთა სამინისტროს შემოსავლების სამსახური განცხადებას ავრცელებს

ფინანსთა სამინისტროს შემოსავლების სამსახური ერთ-ერთი ტელეკომპანიის მიერ, ქვეყანაში სანქცირებული ტვირთების გადაადგილების კონტროლთან დაკავშირებულ სიუჟეტს ეხმაურება და განცხადებას ავრცელებს. როგორ უწყებაში განმარტავენ, სანქცირებული პროდუქციის მკაცრი კონტროლის ფარგლებში, საბაჟო დეპარტამენტის მიერ, დამატებით შექმნილია ახალი საბაჟო რისკების მართვის პროფილები ყველა იმ ნაწარმზე, რომელიც მოხვედრილია სანქციების სიაში.„საქართველოს ფინანსთა სამინისტროს შემოსავლების სამსახურს სურს გამოეხმაუროს ერთ-ერთი ტელეკომპანიის მიერ, ქვეყანაში სანქცირებული ტვირთების გადაადგილების კონტროლთან დაკავშირებულ სიუჟეტს. აღსანიშნავია, რომ ეს არ არის პირველი შემთხვევა, როდესაც მტკიცებით ფორმაში არის გაცხადებული, თითქოს სანქცირებული საქონელი საქართველოს ტერიტორიაზე უკონტროლოდ შემოდის.შემოსავლების სამსახური განმარტავს, რომ სანქცირებული პროდუქციის მკაცრი კონტროლის ფარგლებში, საბაჟო დეპარტამენტის მიერ, დამატებით შექმნილია ახალი საბაჟო რისკების მართვის პროფილები ყველა იმ ნაწარმზე, რომელიც მოხვედრილია სანქციების სიაში.ამასთან, განსაკუთრებულ კონტროლს ექვემდებარება ევროკავშირის ქვეყნებიდან, ამერიკის შეერთებული შტატებიდან, დიდი ბრიტანეთიდან და სანქციების მონაწილე სხვა ქვეყნებიდან შემოსული ან ამ ქვეყნების წარმოშობის სერტიფიკატის მქონე სანქცირებული საქონლის იმპორტი/რეექსპორტი რუსეთში ან სხვა ქვეყანაში და პირიქით. ასევე, მკაცრად კონტროლდება საქართველოში იმპორტირებული სანქცირებული საქონლის ექსპორტის შემთხვევებიც, რათა არ მოხდეს რუსული ან სხვა სანქცირებული საქონელი სანქციების მონაწილე ქვეყნებში ან პირიქით.აქვე განვმარტავთ, რომ შემოსავლების სამსახურის მიერ გადამოწმების შედეგად, საერთაშორისო სანქციები სიუჟეტში აღნიშნულ კომპანიაზე (კომპანია ,,მიროტორგი"), ტვირთზე და მის მფლობელებზე არ ვრცელდება (ინფორმაცია ხელმისაწვდომია ღია წყაროებით). აღნიშნულიდან გამომდინარე, საბაჟო კონტროლის პროცედურების დასრულების შემდეგ, ტვირთი კანონმდებლობის შესაბამისად მოექცა იმპორტის პროცედურაში.ფინანსთა სამინისტროს შემოსავლების სამსახური კიდევ ერთხელ მოუწოდებს ყველას თავი შეიკავონ ქვეყანაში ტვირთების კონტროლთან დაკავშირებით, დაუსაბუთებელი და ქვეყნისთვის საზიანო ინფორმაციის გავრცელებისგან“, - აღნიშნულია ინფორმაციაში.

1674988304

გიორგი ფხაკაძე
“გოგოებო და ქალბატონებო მაქსიმალურად გაავრცელეთ, ძალიან მნიშვნელოვანი ინფორმაციაა” - გიორგი ფხაკაძე

საზოგადოებრივი ჯანდაცვის ექსპერტი, გიორგი ფხაკაძე გოგონებს პაპილომავირუსის საწინააღმდეგო ვაქცინის გაკეთებისკენ მოუწოდებს."გოგოებო და ქალბატონებო მაქსიმალურად გაავრცელეთ, ძალიან მნიშვნელოვანი ინფორმაციაა.ძვირფასო გოგოებო და ქალბატონებო, შეგახსენებთ, რომ საშვილოსნოს ყელის კიბოს იწვევს ადამიანის პაპილომა ვირუსი (აპვ), რომელიც ვაქცინით მართვადი დაავადებაა.უფასო ვაქცინაცია ტარდება პირველადი ჯანდაცვის რგოლში - პოლიკლინიკებში.პაპილომავირუსის საწინააღმდეგო ვაქცინა უფასოა 10-26 წლის ასაკის გოგოებისთვის," - წერს გიორგი ფხაკაძე.

1674977154