19/05/2022
"არ ვარ დარწმუნებული, რომ "ქართულ ოცნებას" ან მთავრობაში მყოფ აქტორებს ნამდვილად სურთ ევროპული ინტეგრაცია" - ვიოლა ფონ კრამონი

"არ ვარ დარწმუნებული, რომ "ქართულ ოცნებას" ან მთავრობაში მყოფ აქტორებს ნამდვილად სურთ ევროპული ინტეგრაცია," - ამის შესახებ ევროპარლამენტარმა, ვიოლა ფონ კრამონმა "ფორმულასთან" საუბრისას განაცხადა. მისივე განცხადებით, საქართველოს მთავრობა ცდილობს საზოგადოებას აჩვენოს, რომ ევროპარლამენტარების უმრავლესობას მშვიდობა არ სურს და ომის მომხრეები არია. "ქართველი ხალხი, საქართველოს მოქალაქეები ძალიან პროევროპულები, დასავლეთისკენ ორიენტირებული არიან. მათ სურთ, ნახონ, რომ ქვეყანა ევროპული ინტეგრაციის ნაწილია, რომ მთავრობა მიჰყვება ინტეგრაციის პროცესს, მაგრამ ჩემი ღელვის საგანი ისაა, რომ მმართველი პარტია ქართული ოცნება არ არის ამის მომხრე. ისინი ცდილობენ აჩვენონ, რომ ჩვენ არ ვართ სანდოები, მიზანმიმართულ თავდასხმებს ახორციელებენ ჩემზე, ჩემს კოლეგებზე და ცდილობენ ისე გამოიყვანონ, რომ ხალხი არ გვენდობა და არ არიან დარწმუნებული, სინამდვილეში რა გვინდა. გვაკავშირებენ ომის მომხრე კოალიციასთან, რაც ხალხს აშინებს, მაგრამ ჩვენ საპირისპიროს წარმოვადგენთ - გვინდა მშვიდობა, მრავალფეროვანი ინსტიტუტები, რომლებიც უზრუნველყოფენ მშვიდობასა და სტაბილურობას ევროპაში. არ ვარ დარწმუნებული, რომ "ქართულ ოცნებას" ან მთავრობაში მყოფ აქტორებს ნამდვილად სურთ ევროპული ინტეგრაცია," - განაცხადა ვიოლა ფონ კრამონმა.

1669831713

ალეკო ელისაშვილი
"ეს არის მარაზმი, რად უნდა ნაძვის ხეს სლოგანი, ახალი წელი ისე ვერ მოვა?" - ალეკო ელისაშვილი

"მშვიდობა იმიტომ გვაქვს, რომ ჯერ პუტინს არ გადაუწყვეტია, თავს დაგვესხას და არა იმის გამო, რომ კალაძეს იმისთანა ჰაერსაწინააღმდეგო სისტემები აქვს დაყენებული, ჩვენს ნაძვის ხეზეც ვერ ბედავენ თავდასხმას. ეს არის მარაზმი," – ასე ეხმაურება პარტია „მოქალაქეების“ ლიდერი, ალეკო ელისაშვილი საახალწლო სლოგანს, რომელიც ქალაქის მერმა გააჟღერა.მისივე თქმით, ახლა უხერხულია იმაზე ლაპარაკი, თითის გაშვერა, რომ ქვეყანას მშვიდობა აქვს.„საახალწლო ნაძვის ხეზე რატომ უნდა ეწეროს რაიმე სლოგანი? საარჩევნო ბანერი ხომ არ არის, რა შუაშია? ნაძვის ხე გაანათე, სათამაშოები ჩამოკიდე და მორჩა. კახი კალაძე კიევში გახდა კარგი ფეხბურთელი, იქ წლები ცხოვრობდა და ნატამალი სოლიდარობა ხომ უნდა ჰქონდეს, სულ რომ არ ეცხოვრა იქ. კიევი დაბომბილია, შუქი არ აქვთ და გათბობა, ამ დროს შენ რაღაც ნიშნის მოგებით აწერ ნაძვის ხეს. თავის ნამდვილ საარჩევნო სლოგანს რატომ ვეღარ აწერს? უხერხულია, რომ ვაკის პარკის ამბის შემდეგ „სიცოცხლით სავსე ქალაქი“ დაარქვას? კალაძეს საახალწლო სლოგანი თუ უნდა, რუსი დეზერტირებით სავსე ქალაქი დააწეროს, რადგან ყოველ ფეხის ნაბიჯზე არიან რუსი დეზერტირები. ეს არის სინამდვილე და უხერხულია ახლა იმაზე ლაპარაკი, თითის გაშვერა, რომ „ჩვენ მშვიდობა გვაქვს“. სულ კალაძის გამო გვაქვს მშვიდობა. მშვიდობა იმიტომ გვაქვს, რომ ჯერ პუტინს არ გადაუწყვეტია, თავს დაგვესხას და არა იმის გამო, რომ კალაძეს იმისთანა ჰაერსაწინააღმდეგო სისტემები აქვს დაყენებული, ჩვენს ნაძვის ხეზეც ვერ ბედავენ თავდასხმას. ეს არის მარაზმი. რად უნდა ნაძვის ხეს სლოგანი, ახალი წელი ისე ვერ მოვა? აბა, დააწეროს კალაძემ "სიცოცხლით სავსე ქალაქი“, – განაცხადა ალეკო ელისაშვილმა.თბილისის მერმა, კალახა კალაძემ მუნიციპალიტეტის მთავრობის დღევანდელ სხდომაზე საახალწლო სლოგანებთან დაკავშირებით განაცხადა: „კონკრეტულმა მედიასაშუალებებმა, პოლიტიკოსებმა სცადეს, სლოგანი „მშვიდობის ქალაქი“ წარმოეჩინათ ნიშნის მოგებად მეგობარი უკრაინელების მიმართ, რაც უმძიმესი სპეკულაცია და პროვოკაციაა“.

1669818424

მედიკამენტები
პარლამენტმა მედიკამენტებზე ზღვრული ფასების დაწესებას პირველი მოსმენით მხარი დაუჭირა

პარლამენტმა მედიკამენტებზე ზღვრული ფასების დაწესებას პირველი მოსმენით დაუჭირა მხარი. კანონპროექტი პლენარულ სხდომაზე ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის პირველმა მოადგილემ, თამარ გაბუნიამ წარადგინა და პარლამენტის წევრებს კანონპროექტის ზოგად პრინციპებზე ინფორმაცია მიაწოდა.პროექტი საკანონმდებლო დონეზე რეფერენტული ფასწარმოქმნის დაშვებას ითვალისწინებს.რეფერენტული ფასი ითვალისწინებს მედიკამენტების ფასზე იმ ზედა ზღვრული მაჩვენებლის დაწესებას, რის ზემოთაც ბაზარზე მედიკამენტის რეალიზაცია დაშვებული არ იქნება.ცვლილებები შევიდა სხვა მოქმედ კანონებშიც, მათ შორის სამეწარმეო საქმიანობის კონტროლისა და სააღსრულებო წარმოებათა შესახებ კანონებში, საქართველოს საგადასახადო კოდექსში.თამარ გაბუნიას განცხადებით,რეფერენტული ფასები პირველ ეტაპზე დაახლოებით 1 000-1 200 მედიკამენტს შეეხება და სავარაუდოდ, ბაზარზე მედიაკენტების 40%-იან კლებას გამოიწვევს.

1669816846

ხორგუანი კალაძე
"რანაირად?" - სოფიო ხორგუანი კახა კალაძეს

თბილისის მერს, კახა კალაძეს ერთ კითხვით მიმართავს უფლებადამცველი სოფიო ხორგუანი.ხორგუანი ინტერესდება, რანაირად ახერხებს ხელისუფლება რუსეთთან მშვიდობის შენარჩუნებას, თუ ვერც აშინებს მას და არც გარიგებას აქვს ადგილი?"კახი კალაძემ იკითხა ერთხელ, რანაირად?!კითხვას შეგიბრუნებთ - რანაირად?!დავუშვათ მოგყვებით ლოღიკაში და თქვენი დამსახურებაა, ომი რომ არ გვაქვს.1.ეშინიათ ჩვენი ან 2. გავურიგდით.1.პუტინს რომ ღარიბაშვილის კი არა დევებისა და დრაკონების არ ეშინია და მისი მომრევი არავინაა, თქვენ ამბობთ;2.იმასაც თქვენ ამბობთ, რუსეთთან ჩახუტებულები არ ვართ და არც გამყიდველები ვართ და საერთოდ ევროკავშირი და ნატო გვინდაო.ჰოდა, რანაირად?!p.s. კითხვა რიტორიკული არ არის," - წერს სოფი ხორგუანი.ცნობისათვის, 2023 წლის თბილისის საახალწლო სლოგანი "მშვიდობის ქალაქი" იქნება. "მშვიდობას არ აქვს ალტერნატივა. ძალიან მნიშვნელოვანია, რომ დღეს ქვეყანაში გვაქვს სიმშვიდე. ჩვენი ხელისუფლება ყველაფერს გააკეთებს, რათა ქართველი ხალხის ინტერესები იყოს ყოველთვის დაცული, ქვეყანაში იყოს მშვიდობა და ეკონომიკური განვითარება", - განაცხადა ამასთან დაკავშირებით თბილისის მერმა კახა კალაძემ.

1669814911

 ანდრიუს კალინდრა
"ვილნიუსის სამიტის დროს ვიმსჯელებთ, როგორ დავუჭიროთ საქართველოს მხარი უფრო მეტად" - საქართველოში ლიეტუვის ელჩი

"ვილნიუსის სამიტის დროს ვიმსჯელებთ იმასთან დაკავშირებით, როგორ დავუჭიროთ საქართველოს მხარი უფრო მეტად", - ეს განცადება საქართველოში ლიეტუვის ელჩის ანდრიუს კალინდრასმა გააკეთა. „გუშინ, ბუქარესტში ლიეტუვის მინისტრმა თქვა – მხარი დაუჭირეთ უკრაინას, დარჩით მშვიდად და მიეცით ტანკები უკრაინას. ნატო-ს შემდეგი სამიტი 2023 წელს, ვილნიუსში გაიმართება. ასე რომ, გეოგრაფიულად და გეოპოლიტიკურად ის იქნება ძალიან ახლოს ნატო-ს აღმოსავლეთ პარტნიორებთან. ვილნიუსის სამიტის დროს ვიმსჯელებთ იმასთან დაკავშირებით, როგორ დავუჭიროთ საქართველოს მხარი უფრო მეტად“, – განაცხადა ანდრიუს კალინდრამ.

1669811242

დიმიტრი ხუნდაძე
„დასავლეთის რიგი პოლიტიკოსების თვალახვეული პოლიტიკა დიდხანს ბრმად ვერ ივლის, სიმართლე ყველაზე უკუნ სიბნელეშიც კი ანათებს” - დიმიტრი ხუნდაძე

„დასავლეთის რიგი პოლიტიკოსების თვალახვეული პოლიტიკა დიდხანს ბრმად ვერ ივლის, სიმართლე ყველაზე უკუნ სიბნელეშიც კი ანათებს”, - ამის შესახებ მოძრაობა „ხალხის ძალის“ ერთ-ერთი ლიდერი დიმიტრი ხუნდაძე აცხადბს, რომელსაც მოძრაობა სოციალურ ქსელში ავრცელებს.დეპუტატი დასავლეთის ყოფილი თუ მოქმედი პოლიტიკოსების განცხადებებს ეხმაურება და აღნიშნავს, რომ მსგავსი შეფასებებით უცხოელი პარტნიორები თავად ახდენენ ქართველი ხალხის „დასავლეთისგან ზურგშექცევას“.მისი თქმით, რაც უფრო მეტს ისაუბრებენ ქართველი ხალხის მიერ არჩეული ხელისუფლების ცვლილებაზე და რაც უფრო მეტად ღია იქნება მათი მხარდაჭერა რადიკალური ოპოზიციის მიმართ, მით უფრო მეტად აგრესიულად განაწყობენ ხალხს, რაც საბოლოოდ შესაძლოა ნამდვილად სახიფათო აღმოჩნდეს ქართულ-ამერიკული პარტნიორობისთვის.„უპირველეს ყოვლისა, მაინტერესებს ამდენი გადამდგარი და ყოფილი პოლიტიკოსი, თუნდაც მოქმედი, რატომ ერევიან სხვა ქვეყნების შიდა პოლიტიკურ საქმეებში ამ დოზით? რას ნიშნავს მათი მხრიდან ქართველი ხალხის მიერ არჩეული ხელისუფლებისთვის თითის ქნევა და მოწოდება რადიკალიზმისკენ? თავად ეს პოლიტიკოსები თუ მისცემენ სხვა ქვეყნის პოლიტიკოსებს თავიანთი ქვეყნების შიდა საქმეებში ჩარევის უფლებას? რათქმაუნდა, არა! ამას ჩვენ გვიბედავენ, რატომ? იმიტომ, რომ წინა ხელისუფლებამ მისცა ამის უფლება. მათ გაყიდეს საქართველოს ეროვნული ღირსება თუნდაც იმ რამდენიმე მილიარდზე, რომლის უდიდესი ნაწილიც ანტისახელმწიფოებრივ საქმიანობას ხმარდებოდა.და დღეს, თუკი რომელიმე ჩვენგანმა ხმა ამოვიღეთ, ეროვნული ღირსება და ქვეყნის დამოუკიდებლობა დავიცავით, ეს, როგორც იან კელიმ თქვა, „დასავლეთისგან ზურგშექცევა“ ყოფილა და თურმე ისევ ჩვენ უნდა დაგვაკისრონ „მიზნობრივი მძიმე ფასი“. ჩვენ ვართ ჭეშმარიტი ევროპული ღირებულებების მომხრე და არა ორმაგი სტანმდარტების, თუნდაც ეს დასავლური იყოს.ნამდვილად არ ღირს ნაცების მეგობარ, გადამდგარ ჩინოვნიკებზე თუ მოქმედ რადიკალებზე ამდენი საუბარი რომ არა ერთი გარემოება, ისინი საუბრობენ საკუთარი ქვეყნის სახელით და ქართველ ხალხსაც შიდა რევოლუციისკენ სწორედ ქვეყნის სახელით მოუწოდებენ. ეს კი ნამდვილად სახიფათო თამაში და უდიდესი პოლიტიკური ავანტიურაა. მართალია, მათი მხრიდან ომში ჩართვის პირდაპირი მოწოდება აღარ ისმის, მაგრამ ქართველ ხალხთან ახალ ტონალობაში საუბარიც ორმაგი სტანდარტის კლასიკური მაგალითია, ერთი ხელით მეგობრობას გვიმტკიცებენ და მეორე ხელით ომში გვეპატიჟებიან. მათი მოწოდება იმის თაობაზე, რომ საქართველომ უკრაინას მიაწოდოს იარაღი ან მეტი დოზით ჩაერთოს სანქციებში, სხვა არაფერია, თუ არა ომში ირიბი ჩართვა რუსეთისგან ისედაც ოკუპირებული ქვეყნისგან.რუსეთთან საომარი ქმედება საქართველოს ორჯერ ჰქონდა, თუმცა, არც ერთხელ არავისთვის არ უთხოვია ომში ჩართვა, არც დასავლეთიდან დაუყენებია ვინმეს საკითხი რუსეთის ტერორისტულ სახელმწიფოდ აღიარების და არც მისი სანქცირების. როგორც ვნახეთ, მხოლოდ „შეშფოთებულმა“ განცხადებებმა სასურველი შედეგი ვერ გამოიღო.დასავლეთის რიგი პოლიტიკოსების თვალახვეული პოლიტიკა დიდხანს ბრმად ვერ ივლის, სიმართლე ყველაზე უკუნ სიბნელეშიც კი ანათებს. ყველასათვის ნათელია, თუ რატომ არ აღიარებენ მიხეილ სააკაშვილის მეგობარი პოლიტიკოსები საქართველოში დღეს არსებულ წინსვლას ყველა სფეროში. ეს არის მათი მხრიდან მიზანმიმართული ქმედება საზოგადოებაში ნეგატიური განწყობის შესაქმნელად. თუმცა, ცდებიან. გონჩარენკოების, კრამერების, ფოტიგების და სხვა მსგავსი პოლიტიკოსების დრო უსწრაფესად იცვლება, დღეს ახალი დასავლეთი იღვიძებს. საქართველოც ძალიან მალე ახლადგადაფასებული, ცივილიზებული სამყაროს და ჭეშმარიტი დემოკრატიის ნაწილი გახდება“.      

1669810993

მამუკა მდინარაძე
"ხომ გახსოვთ, მითები იმის შესახებ, რომ „ნაცები“ კი, შეიძლება ბოროტები იყვნენ, ცუდი საქმეები აკეთეს, მაგრამ პროფესიონალები არიან - სულ მითია“ - მამუკა მდინარაძე

„წარმოიდგინეთ, როგორი ოდიოზური და კომიკური ფიგურები ჰყავთ, სამივე თუ ოთხივე კანდიდატად. დაზეპირებული აქვთ სლოგანებივით ზოგადი მესიჯები, რომ იქ ცუდად არის საქმე, აქ ეკონომიკა ჩამოინგრა, იქ რუსეთუმეები, რაღაცა ფრაზები აქვთ დაზეპირებული. უბრალოდ, ხალხზე აქვთ ცუდი წარმოდგენა და ფიქრობენ, რომ თუ ვილაპარაკებთ, რომ ქართული ხელისუფლება არ არის, სინამდვილეში რუსულია, ამას ხალხი დაიჯერებს“, - ამის შესახებ „ქართული ოცნების„ აღმასრულებელმა მდივანმა მამუკა მდინარაძემ განაცხადა.მისი თქმით, "ნაციონალურ  მოძრაობაში" ვერ მოძებნეს ერთი ადამიანიც კი, რომელიც არ იქნებოდა კომიკური და ლიდერობას შეძლებდა.„შემდავებელი არ ჰყავდათ, ტელევიზია არ არსებობდა ქვეყანაში მათ დროს, რომელიც შეეკამათებოდა. დაბეჯითებით, დარწმუნებით, სრული პასუხისმგებლობით შემიძლია გითხრათ, რომ ექვსი თვე „ნაცმოძრაობა“ ვერ გაძლებდა ხელისუფლებაში დღეს როგორი კონკურენციაც არის მედია ბაზარზე. შემკამათებელი არ ჰყავდათ და აჩენდნენ ასე, ცალმხრივად, მარტო ერთ ინფორმაციას. აჩენდნენ ისე, რომ კი, შეიძლება, ბოროტები ვართ, ცუდები ვართ, ხალხს ვკლავთ, ვაუპატიურებთ, მაგრამ საქმე ვიცით, პროფესიონალები ვართ. აი, ეს მითი იყო. ეს მითი ინგრევა დღეს. წარმოიდგინეთ, როგორი ოდიოზური და კომიკური ფიგურები ჰყავთ, სამივე თუ ოთხივე კანდიდატად. დაზეპირებული აქვთ სლოგანებივით ზოგადი მესიჯები, რომ იქ ცუდად არის საქმე, აქ ეკონომიკა ჩამოინგრა, იქ რუსეთუმეები, რაღაცა ფრაზები აქვთ დაზეპირებული. უბრალოდ, ხალხზე აქვთ ცუდი წარმოდგენა და ფიქრობენ, რომ თუ ვილაპარაკებთ, რომ ქართული ხელისუფლება არ არის, სინამდვილეში რუსულია, ამას ხალხი დაიჯერებს. ხალხზე აქვთ ძალიან ცუდი წარმოდგენა. სიღრმეში შეხვალ თუ არა, შემკამათებელიც არ არსებობს ნაცმოძრაობიდან, მთელი პასუხისმგებლობით გეუბნებით. არცერთ თემაში, სიღრმეში არ შემოდიან, არიან უკიდურესად დილეტანტები და ვერ მოძებნეს ერთი ადამიანიც კი, რომელიც არ იქნებოდა კომიკური და ლიდერობას შეძლებდა“, - განაცხადა მდინარაძემ.

1669810525

ჩინელი
ირაკლი ღრაიბაშვილთან ძალიან კარგი საუბარი გვქონდა ახალ ინტერნეტ-ეკონომიკასა და საქართველოზე - ჩანგპენგ ჟაო

მსოფლიოში უდიდესი კრიპტოვალუტის ბირჟის  Binance-ის დამფუძნებელი და მთავარი აღმასრულებელი დირექტორი ჩანგპენგ ჟაო საქართველოს პრემიერ-მინისტრ ირაკლი ღარიბაშვილთან შეხვედრას სოციალურ ქსელ „ტვიტერში“ ეხმაურება.„დღეს დილით საქართველოს პრემიერ-მინისტრ ირაკლი ღარიბაშვილს შევხვდი. ძალიან კარგი საუბარი გვქონდა ახალ ინტერნეტ-ეკონომიკასა და საქართველოზე“,- აღნიშნავს ჩანგპენგ ჟაო.  Met with Mr. Prime Minister of Georgia 🇬🇪 Irakli Garibashvili this morning. Had a great discussion about Web3 economy and Georgia. https://t.co/aXhHpe98pg pic.twitter.com/l0RGS4O13L — CZ 🔶 Binance (@cz_binance) November 30, 2022

1669810136

პაპუაშვილი ბუნდესტაგში
შალვა პაპუაშვილი გერმანიის ფედერაციული რესპუბლიკის ბუნდესტაგის ევროკავშირის საკითხთა კომიტეტის თავმჯდომარეს შეხვდა

გერმანიის ფედერაციულ რესპუბლიკასო ვიზიტად მყოფი საქართველოს პარლამენტის თავმჯდომარე შალვა პაპუაშვილი ბუნდესთაგის ევროკავშირის საკითხთა კომიტეტის თავმჯდომარეს ანტონ ჰოფრაიტერს შეხვდა.შალვა პაპუაშვილმა ანტონ ჰოფრაიტერსევროკავშირის რეკომენდაციების შესრულების ფარგლებში საქართველოს მიერ მიღწეული პროგრესი და მიმდინარე რეფორმები გააცნო.როგორც შეხვედრაზე ვროკავშირის საკითხთა კომიტეტის თავმჯდომარემ აღნიშნა, გერმანია მიესალმება ევროკავშირის გაფართოების პოლიტიკას და ამ მიმართულებით საქართველოს უნდა ჰქონდეს გერმანიის მხარდაჭერის იმედი.შალვა პაპუაშვილმა მადლიერება გამოხატა გერმანული მხარისადმი საქართველოს ტერიტორიული მთლიანობის მხარდაჭერისთვის. საქართველოს საპარლამენტო დელეგაციის შემადგენლობაში პარლამენტის თავმჯდომარესთან ერთად, ნიკოლოზ სამხარაძე, ანრი ოხანაშვილი, ლევან კობიაშვილი, ნინო იობაშვილი, ირაკლი შატაკიშვილი და ხათუნა სამნიძე არიან,

1669808232

არჩილ გამზარდია
„ჩვენთან სიჩუმეა და არა მშვიდობა” - არჩილ გამზარდია

თბილისის საახალწლო სლოგანად "მშვიდობის ქალაქის" გამოცხადებას ეხმაურება სოციალურ ქსელში ანალიტიკოსი არჩილ გამზარდია.გამზარდია ამბობს, რომ ახლა თბილისში მშვიდობა კი არა, "საფლავისებური სიმშვიდეა.""ჩვენს ხელისუფლებას სიტყვა "მშვიდობის" შინაარსი საფლავისებურ სიმშვიდეში ერევა, ჰოდა, სლოგანი უნდა იყოს "თბილისი - მკვდარი სიმშვიდის ქალაქი", სადმე სლოგანში სიტყვა "სასაფლაოც" შეიძლება ჩაჯდეს, "მოუხდება."პ.ს. ზოგი ისე უსვამს ხაზს მხოლოდ უკრაინის თემას, თითქოს ჩვენს ქვეყანაში რაც ხდება, იმას მშვიდობა შეიძლება ეწოდოს და მხოლოდ ემპათიის სიმცირეზე იყოს ლაპარაკი.ჩვენთან სიჩუმეა და არა მშვიდობა. ფორმით კი ჰგავს ერთმანეთს,"- წერს არჩილ გამზარდია.ცნობისათვის, 2023 წლის თბილისის საახალწლო სლოგანი "მშვიდობის ქალაქი" იქნება. "მშვიდობას არ აქვს ალტერნატივა. ძალიან მნიშვნელოვანია, რომ დღეს ქვეყანაში გვაქვს სიმშვიდე. ჩვენი ხელისუფლება ყველაფერს გააკეთებს, რათა ქართველი ხალხის ინტერესები იყოს ყოველთვის დაცული, ქვეყანაში იყოს მშვიდობა და ეკონომიკური განვითარება", - განაცხადა ამათან დაკავშირებით თბილისის მერმა კახა კალაძემ.

1669807969

ნუკა არველაძე
"სააკაშვილის ავტოკრატიული რეჟიმის დროს დეპრესიაში იყო საქართველოს მოსახლეობის უმრავლესობა“ - ნუკა არველაძე

მიხეილ სააკაშვილის მმართველობის წლებს იხსენებს სოციალურ ქსელში ჟურნალისტი ნუკა არველაძე. არველაძე ამბობს, რომ სწორედ ყოფილი ხელისუფლების დროს განიცადა დეპრესია, ის დაავადება, რომლითაც მისი თქმით, ახლა ექსპრეზიდენტი იტანჯება."სააკაშვილის ავტოკრატიული რეჟიმის დროს დეპრესიაში იყო საქართველოს მოსახლეობის უმრავლესობა 2012 წლამდე და მათ შორის ვიყავი მეც...დიახ, ეს მძიმე დაავადებაა და მე მას დღემდე ვებრძვი!ჩემი დეპრესიის მიზეზი კი იყო ის რეჟიმი, რომელიც დემოკრატიის და თავისუფლების სახელით მართმევდა არა მარტო დემოკრატიის და თავისუფლების უფლებას, არამედ სიცოცხლის უფლებასაც...დრო, როცა ჩემი შრომით შეკოწიწებული ყველაფერი დავკარგე. დრო, როცა გამომეცალა ხელიდან ყველაფერი რაც მახარებდა. ჭერი თავზე ჩამოინგრა და საყრდენი გამომეცალა. უსახლკაროდ დარჩენილს და სხვასთან შეხიზნულს არასოდეს მითქვამს რომ... ჯანმრთელი მამა, სწორედ დეპრესიის და ნერვიულობის ნიადაგზე განვითარებული გაუსაძლისი უსახსრობის გამო დაიღუპა! ელემენტარული მისი მკურნალობის და მიხედვის შესაძლებლობა არ მქონდა! როცა დედაჩემი ძლივს გამოვგლიჯე ხელიდან სიკვდილს და როცა ჩემი ძმა დააპატიმრეს...მადლობა უფალს 3 თვეში ივანიშვილის გუნდი მოვიდა ხელისუფლებაში! მე პირადად ყველა კარი ჩაკეტილი მქონდა უსამსახუროდ და უპერსპექტივოდ დარჩენა, შემოსავლის გარეშე ცხოვრება, დევნა და შევიწროვება რა არის მე მკითხეთ!დორბლიან მანიაკს დეპრესის და შიზოფრენიული ფსიქოზი გარდა არაფერი ჭირს. ეს როგორ აკადრეს და ეს როგორ გაბედეს - აი ეს ჭირს ჩემზე ბევრად გამწარებული საქართველოში 300 000 ოჯახი და თუ გადაამრავლებთ მინიმუმ ოჯახის 5 წევრზე ეს მილიონნახევარი ადამიანია!არ მადარდებს და არ ვიდარდებ კვდება თუ რჩება სააკაშვილი! არ ვიდარდებ, თუ რამდენად მძიმედაა თუ უფრო დამძიმდება! მე ჩემი ცხოვრება დამემხო და დღემდე ვერ დავდექი ფეხზე სათანადოდ! და ასე ვართ ძალიან ბევრი ადამიანი, ხმას რომ არ ვიღებთ, ეს არ ნიშნავს რომ დაგვავიწყდა!არ მაინტრესებთ, ვისაც ჩემსავით ერთი ქართველი ადამიანი გეკიდათ მაშინ და გკიდიათ ახლაც და ქვეყანას აზარალებთ ამ მანიაკის გამო! P.S. უკაცრავად ჩემს მეგობრებთან რომ საკუთარი ტკივილი ვერ დავმალე!" - წერს ნუკა არველაძე."

1669807780

ირაკლი კობახიძე
"როგორ შეიძლება მშვიდობის სადღეგრძელოს დალევა, როდესაც უკრაინაში ომია?" - ირაკლი კობახიძე

"როგორ შეიძლება მშვიდობის სადღეგრძელოს დალევა, როდესაც უკრაინაში ომია?"- ასე პასუხობს  თბილისის 2023 წლის სლოგანთან -„მშვიდობის ქალაქთან“ დაკავშირებით გამოხმაურებებს „ქართული ოცნების“ თავმჯდომარე ირაკლი კობახიძეზე მისი თქმით, ოპოზიცია თავის განზრახვას, რომ ქვეყანაში ომი იყოს, ვერ მიაღწევს.„საოცრებაა რაც გუშინ მოვისმენთ. იმ დონეზე კომიკურები არიან ეს ადამიანები, რომ როცა მშვიდობა სლოგანად გამოგაქვთ, ესეც კი აღიზიანებთ. როგორც ჯვარი აღიზიანებდათ. ეკლესიას იმდენად მტრობდნენ, რომ ჯვარი აღიზიანებდათ, ახლაც მშვიდობას იმდენად მტრობენ ეს ადამიანები, რომ სლოგანმა, წარწერამ გააღიზიანათ. სინამდვილეში მათ აღიზიანებთ არა წარწერა და სლოგანი, არამედ მშვიდობა ჩვენს ქვეყანაში, იმიტომ რომ ესენი არიან "ომის პარტია". მათ ჰქონდათ პირდაპირ განზრახვა და აქვთ პირდაპირი განზრახვა, რასაც ვერ მალავენ. ვერ მალავენ, რომ მათ საქართველოში ომი სურთ. აქედან გამომდინარე, ისინი ებრძვიან არა სლოგანს, არამედ მშვიდობას ჩვენს ქვეყანაში. რა თქმა უნდა, ისინი ამ მიზნის მიღწევას ვერ ეღირსებიან. საქართველოში იქნება მშვიდობა და თბილისში იქნება მშვიდობის ქალაქი. ეს არის ის სურვილი, რაც თითოეულ ჩვენგანს აქვს მათ შორის, თითოეული თბილისელისთვის და იგივე სურვილი გვაქვს ჩვენ, რა თქმა უნდა, უკრაინელი მეგობრებისთვის. აქედან გამომდინარე სპეკულაციები აბსოლუტურად სამარცხვინოა,“ - განაცხადა კობახიძემ.

1669805794