ირაკლი ღარიბაშვილმა კრწანისში, გენერალ გიორგი მაზნიაშვილის სახელობის კადეტთა სამხედრო ლიცეუმის მშენებლობას ჩაუყარა საფუძველი
ირაკლი ღარიბაშვილმა კრწანისში, გენერალ გიორგი მაზნიაშვილის სახელობის კადეტთა სამხედრო ლიცეუმის მშენებლობას ჩაუყარა საფუძველი

საქართველოს პრემიერ-მინისტრმა ირაკლი ღარიბაშვილმა, თავდაცვის მინისტრთან ჯუანშერ ბურჭულაძესთან და თავდაცვის ძალების მეთაურთან გიორგი მათიაშვილთან ერთად, კრწანისში კადეტთა სამხედრო ლიცეუმის მშენებლობას ჩაუყარა საფუძველი, რომელსაც გენერალ გიორგი მაზნიაშვილის სახელი მიენიჭება.მთავრობის მეთაურმა, თავდაცვის სამინისტროს ხელმძღვანელებთან ერთად, შენობის ფუნდამენტში კაფსულა ჩადო და მოისმინა დეტალური ინფორმაცია დაგეგმილი სამუშაოების შესახებ.თავდაცვის სამინისტრომ თანამედროვე სტანდარტების შესაბამისი კადეტთა სამხედრო ლიცეუმის მშენებლობა დაიწყო. ლიცეუმის ტერიტორიაზე აშენდება ახალი ფუნქციური შენობები, ხოლო იქ არსებულ ობიექტებს სრული რეკონსტრუქცია ჩაუტარდება.42 ჰექტარ ტერიტორიაზე დაგეგმილია 400 კადეტზე გათვლილი საცხოვრებელი და სასწავლო კორპუსების, სასადილოსა და ლაზარეთის შენობების, აგრეთვე საკონფერენციო დარბაზისა და ადმინისტრაციული კორპუსის სრული რეკონსტრუქცია. ასევე, აშენდება სიმულაციის ცენტრი, დახურული სპორტული დარბაზი, ინფრასტრუქტურის სამსახურის შენობა და საკონტროლო გამშვები პუნქტი. ტერიტორიაზე მოეწყობა ახალი ავტოსადგომი, საწვავგასამართი სადგური, ავტოსამრეცხაო და სატრანსპორტო საშუალებების სარემონტო უბანი. კადეტთა სამხედრო ლიცეუმის მშენებლობისთვის 40 მილიონ ლარამდეა გამოყოფილი.დასავლეთ საქართველოში, ქუთაისში წლებია წარმატებით ფუნქციონირებს გენერალ გიორგი კვინიტაძის სახელობის კადეტთა სამხედრო ლიცეუმი. ახალი ლიცეუმი დასავლეთ საქართველოს ლიცეუმის ანალოგი იქნება და აღმოსავლეთ საქართველოს დაფარავს.ინფორმაციას მთავრობის ადმინისტრაცია ავრცელებს.

1674725677

საქართველოს თავდაცვის მინისტრი რამშტაინში უკრაინის საკონტაქტო ჯგუფის შეხვედრას დაესწრო
საქართველოს თავდაცვის მინისტრი რამშტაინში უკრაინის საკონტაქტო ჯგუფის შეხვედრას დაესწრო

საქართველოს თავდაცვის მინისტრი ვიზიტით გერმანიის ფედერაციულ რესპუბლიკაში იმყოფება, სადაც ჯუანშერ ბურჭულაძე აშშ-ის თავდაცვის დეპარტამენტის ორგანიზებულ უკრაინის საკონტაქტო ჯგუფის შეხვედრას დაესწრო.აშშ-ის თავდაცვის მდივანმა ლოიდ ოსტინმა გერმანიაში, აშშ-ის რამშტაინის საჰაერო ბაზაზე კიდევ ერთხელ შეკრიბა პარტნიორი თავდაცვის მინისტრები და მაღალი რანგის სამხედრო პირები.შეხვედრაზე უკრაინაში რუსეთის აგრესიის შედეგად შექმნილი ვითარება და ქვეყნისთვის სამხედრო დახმარების გაწევის საჭიროებები განიხილეს. ასევე, საუბარი შეეხო აშშ-ის მოკავშირეებისა და პარტნიორების წინაშე არსებულ უსაფრთხოების გამოწვევებს.

1674217659

საქართველოს თავდაცვის მინისტრის ვიზიტი იორდანიის სამეფოში
საქართველოს თავდაცვის მინისტრი ოფიციალური ვიზიტით იორდანიის ჰაშემიტურ სამეფოს ეწვია

საქართველოს თავდაცვის მინისტრი ოფიციალური ვიზიტით იორდანიის ჰაშემიტურ სამეფოს ეწვია. თავდაცვის უწყების ხელმძღვანელს იორდანიის შეიარაღებული ძალების გაერთიანებული შტაბის მეთაურმა, გენერალ-მაიორმა იუსეფ ა. ალ ჰნაითმა უმასპინძლა.მხარეებმა ორ ქვეყანას შორის თავდაცვის სფეროში თანამშრომლობის საკითხები განიხილეს და მომავალი თანამშრომლობის გეგმები დასახეს. ჯუანშერ ბურჭულაძემ იორდანიის მხარეს ჩვენი ქვეყნის სუვერენიტეტისა და ტერიტორიული მთლიანობის ურყევი მხარდაჭერისთვის მადლობა გადაუხადა. შეხვედრაზე საუბარი შეეხო სამხედრო მრეწველობისა და სამხედრო განათლების კუთხით თანამშრომლობის გაღრმავების მნიშვნელობას.საქართველოს თავდაცვის სამინისტროსა და იორდანიის ჰაშემიტური სამეფოს თავდაცვის სამინისტროს შორის თანამშრომლობის მემორანდუმი მოქმედებს. დოკუმენტი 2021 წელს გენერალ-მაიორ იუსეფ ა. ალ ჰნაითის საქართველოში ვიზიტის დროს გაფორმდა და ორ ქვეყანას შორის სამხედრო თანამშრომლობის განვითარებას ისახავს მიზნად. იორდანია საქართველოსთან ერთად ნატოს გაძლიერებული შესაძლებლობების პარტნიორ ქვეყანას წარმოადგენს და ასევე, ნატოს თავდაცვისა და უსაფრთხოების აღმშენებლობის ინიციატივის მონაწილე ქვეყანაა. შესაბამისად, მხარეებმა ნატოსთან თანამშრომლობის ძირითადი ასპექტებიც მიმოიხილეს.იორდანიაში ოფიციალური ვიზიტის განმავლობაში საქართველოს თავდაცვის მინისტრმა დელეგაციის წევრებთან ერთად, მეფე აბდულა მეორის სახელობის სპეციალური ოპერაციების ძალების მომზადების ცენტრი და იორდანიის დიზაინისა და განვითარების ბიურო მოინახულა.

1674043937

გვარდია
ეროვნულ გვარდიას 32 წელი შეუსრულდა

საქართველოს თავდაცვის ძალების ეროვნულ გვარდიას 32 წელი შეუსრულდა. პროფესიული დღე გვარდიის პირად შემადგენლობას და ვეტერან გვარდიელებს თავდაცვის ძალების მეთაურმა, გენერალ-მაიორმა  გიორგი მათიაშვილმა და ეროვნული გვარდიის მეთაურმა, ბრიგადის გენერალმა რომან ჯოხაძემ მიულოცეს.თავდაცვის უწყების ხელმძღვანელმა პირებმა საქართველოს ერთიანობისთვის ბრძოლის დროს, სამშვიდობო მისიებსა და სამსახურებრივი მოვალეობის შესრულების დროს დაღუპულ გმირთა მემორიალი გვირგვინით შეამკეს. ეროვნული გვარდიის წარმომადგენლები უწყებრივი მედლებით, სიგელებითა და საშტატო იარაღებით დაჯილდოვდნენ.ეროვნული გვარდიის აღმშენებლობისა და განვითარებაში შეტანილი განსაკუთრებული წვლილისთვის მედლით „თეთრი გიორგი“ დაჯილდოვდნენ: გენერალ-ლეიტენანტი დავით თევზაძე, გენერალ-მაიორი გიორგი ყარყარაშვილი, გენერალ-მაიორი კობა კობალაძე და პოლკოვნიკი კობა ბასარია.საქართველოს ეროვნული გვარდია 1990 წლის 20 დეკემბერს საქართველოს უზენაესი საბჭოს მიერ მიღებული კანონის საფუძველზე შეიქმნა.

1671542775

კობალაძე 20
გენერალ-მაიორი კობა კობალაძე ეროვნულ გვარდიის დაარსების დღეს დაჯილდოვდა მედლით - "თეთრი გიორგი"

საქართველოს თავდაცვის ძალების ეროვნულ გვარდიას, დღეს, 32 წელი შეუსრულდა. პროფესიული დღე გვარდიის პირად შემადგენლობას და ვეტერან გვარდიელებს თავდაცვის ძალების მეთაურმა, გენერალ-მაიორმა გიორგი მათიაშვილმა და ეროვნული გვარდიის მეთაურმა, ბრიგადის გენერალმა რომან ჯოხაძემ მიულოცეს. მათ ღონისძიებაზე შეკრებილ სამხედროებს სიტყვით მიმართეს.ღონისძიებაზე, ეროვნული გვარდიის აღმშენებლობისა და განვითარებაში შეტანილი განსაკუთრებული წვლილისთვის, ვეტერანების საქმეთა სახელმწიფო სამსახურის დირექტორი, გენერალ-მაიორი კობა კობალაძე, გენერალ-ლეიტენანტი დავით თევზაძე, გენერალ-მაიორი გიორგი ყარყარაშვილი და პოლკოვნიკი კობა ბასარია დაჯილდოვდნენ მედლით „თეთრი გიორგი.ღონისძიებას თავდაცვის მინისტრის მოადგილეები, თავდაცვის ძალების მეთაურის მოადგილეები, ვეტერანი გვარდიელები და თავდაცვის ძალების წარმომადგენლები ესწრებოდნენ.თავდაცვის უწყების ხელმძღვანელმა პირებმა საქართველოს ერთიანობისთვის ბრძოლის დროს, სამშვიდობო მისიებსა და სამსახურეობრივი მოვალეობის შესრულების დროს დაღუპულ გმირთა მემორიალი გვირგვინით შეამკეს.საქართველოს ეროვნული გვარდია 1990 წლის 20 დეკემბერს საქართველოს უზენაესი საბჭოს მიერ მიღებული კანონის საფუძველზე შეიქმნა. ეროვნული გვარდია, პირველი ქართული სამხედრო ფორმირებაა, რომლის ბაზაზეც საქართველოს დღევანდელი თავდაცვის ძალები ჩამოყალიბდა და განვითარდა.

1671542371

თურქეთი თავდაცვა
თურქეთის რესპუბლიკამ საქართველოს თავდაცვის ძალებს სხვადასხვა სახის ტექნიკა გადასცა

თურქეთის რესპუბლიკის მთავრობამ საქართველოს თავდაცვის ძალებს ავიაციისა და საჰაერო თავდაცვის შესაძლებლობების გაუმჯობესების მიზნით, სხვადასხვა სახის ტექნიკა გადასცა.ტექნიკის გადმოცემა თურქეთის რესპუბლიკასთან ხელმოწერილი სამხედრო ფინანსური თანამშრომლობის შეთანხმების ფარგლებში განხორციელდა.ავიაციისა და საჰაერო თავდაცვის სარდლობამ თურქული მხარისგან  2 ერთეული აეროდრომის სპეცტექნიკა და UH-1H ვერტმფრენების სათადარიგო ნაწილები უსასყიდლოდ მიიღო.ღონისძიებას მარნეულში, საავიაციო ბაზაზე საქართველოს თავდაცვის  მინისტრის მოადგილე, გრიგოლ გიორგაძე, თავდაცვის ძალების მეთაურის მოადგილე, ბრიგადის გენერალი ირაკლი ჭიჭინაძე და საქართველოში თურქეთის ელჩი ალი ქაან ორბაი დაესწრნენ.ტექნიკის გადაცემის ოქმზე ავიაციისა და საჰაერო თავდაცვის სარდალმა, პოლკოვნიკმა სერგო ნინუამ და თურქეთის რესპუბლიკის თავდაცვის ატაშემ, პოლკოვნიკმა ბურაქ ალთინერმა მოაწერეს ხელი . 

1671352504

 ჯუანშერ ბურჭულაძე
"ჩემთვის ყველა ადამიანი, ვინც იდეისთვის იბრძვის და თუ ეს იდეა არის ქვეყანა, საქართველო, სამშობლო, გმირია" - თავდაცვის მინისტრი 

"ჩემთვის ყველა ადამიანი, ვინც იდეისთვის იბრძვის და თუ ეს იდეა არის ქვეყანა, საქართველო, სამშობლო, ყველა არის გმირი," - ამის შესახებ ჟურნალისტებს თავდაცვის მინისტრმა, ჯუანშერ ბურჭულაძემ განუცხადა.მისივე თქმით, მთავრობას არცერთი დაღუპული გმირის ოჯახის წევრი არ დაუტოვებია ყურადღების გარეშე."ჩვენ არცერთი დაღუპული გმირის ოჯახის წევრი არ დაგვიტოვებია ყურადღების გარეშე. მას შემდეგ რაც პრემიერ-მინისტრი გახდა თავდაცვის მინისტრი, შემდეგ მე თავდაცვის მინისტრი, ეს პოლიტიკა გაგრძელდა. თქვენ ალბათ ესწრებით ხოლმე შეხვედრებს ოჯახებთან, იმ დღეებში როდესაც ჩვენ გვიწევს რამდენიმე ოჯახთან შეხვედრა, იქ ძალიან დიდი ყურადღებით ვიწერთ ყველა კითხვასა და თხოვნას და ვასრულებთ. ეს არის ჩვენი პოლიტიკა გმირების მიმართ. პირადად მე ეს კვალიფიკაცია მივეცი ამ ბიჭებს და ვთქვი, რომ არიან გმირები. ჩემთვის ყველა ადამიანი, ვინც იდეისთვის იბრძვის და თუ ეს იდეა არის ქვეყანა, საქართველო, სამშობლო, ყველა არის გმირი. მზაობა ჩვენ გვაქვს, რომ შევხვდეთ ამ ხალხის ოჯახის წევრებს," - განაცხადა ჯუანშერ ბურჭულაძემ.რაც შეეხება ჟურნალისტების შეკითხვას, არის თუ არა რუსეთი მტერი, მინისტრის თქმით, ეს კითხვა არ არის რელევანტური."ქვეყნის 20% არის ოკუპირებული. თავდაცვის მინისტრისგან რომ გაიგებთ, ეს შეცვლის რამეს? თქვენ როგორ ფიქრობთ არის? თქვენ ფიქრობთ, საზოგადოების რაიმე დიდი ნაწილი ფიქრობს, რომ ეს ასე არაა? არ გპასუხობთ იმიტომ, რომ არ მიიჩნევს დროულად ამ კითხვას. კითხვა უნდა იყოს რელევანტური. არცერთი ლიდერისგან მე პირადად არ მომისმენია ეს შეფასება, რომ იქ ვინც იბრძვის, იბრძვიან ფულის გამო. შეიძლება ასეთი შემთხვევა იყოს, ყველგან ხდება, ეს ნორმალურია. ახლა აკეთებთ ამის არასწორ ინტერპრეტაციას," - განაცხადა ბურჭულაძემ.

1670848067

ირაკლი ღარიბაშვილი
სამხედრო კოდექსში ჩადებული სამხედრო მოსამსახურეების სოციალური გარანტიები იზრდება

პრემიერ-მინისტრის განცხადებით, სამხედროების დაჭრა-დასახიჩრების შემთხვევაში, კომპენსაცია 20 000 ლარამდე გაიზრდება, მოვალეობის შესრულების დროს დაღუპვის შემთხვევაში - 30 000 ლარამდე. - როგორც ირაკლი ღარიბაშვილმა მთავრობის სხდომაზე აღნიშნა, ეს არის დამოკიდებულება, რომელიც ხელისუფლებას ძალოვანი უწყებების მიმართ აქვს."სამხედრო კოდექსში ჩადებულია სამხედრო მოსამსახურეების სოციალური გარანტიები. დაჭრა-დასახიჩრების შემთხვევაში სამხედროებისთვის თუ იყო 7 000 ლარი დახმარება, ახლა იქნება 20 000 ლარი. მოვალეობის შესრულების დროს დაღუპვის შემთხვევაში, 30 000 ლარი ერთჯერადი დახმარება იქნება. ტერიტორიული მთლიანობისთვის, თავისუფლებისთვისა და დამოუკიდებლობისთვის დაღუპვის შემთხვევაში, კომპენსაცია განისაზღვრება 100 000 ლარით, ეს ჯერ კიდევ ბატონი ბიძინა ივანიშვილის გადაწყვეტილება იყო, მისი პრემიერობის დროს და მათ შორის, პოლიციელებზე ვრცელდებოდა. ეს არის ჩვენი დამოკიდებულება ჩვენი ძალოვანი უწყებების, ჩვენი გმირების მიმართ," - განაცხადა პრემიერ-მინისტრმა.

1670843750

ქართული ჯარი
საქართველოს ყველა მოქალაქე სავალდებულო-სამხედრო სამსახურს მხოლოდ თავდაცვის უწყებაში გაივლის

"სავალდებულო სამხედრო სამსახური გადაიხედა, მოხდება რეფორმირება და ყველა პირი გაივლის სავალდებულო - სამხედრო სამსახურს მხოლოდ თავდაცვის უწყებაში," - ამის შესახებ საქართველოს პრემიერ-მინისტრმა, ირაკლი ღარიბაშვილმა მთავრობის სხდომაზე განაცხადა.მისივე თქმით, აქამდე სისტემა არ იყო ისეთი ეფექტური, როგორიც საჭიროა."მანამდე იყო გაფანტული და არ იყო ეფექტური, ეს უნდა ვაღიაროთ. ყველა ანალიზის მიხედვით, ეს სამსახური არ იყო ეფექტიანი და არ იძლეოდა იმ ეფექტს, რომელიც გვინდა, მივიღოთ. ამიტომ, უსაფრთხოების სამსახურში შემავალი სამინისტროებთან გვქონდა საუბარი და შევთანხმდით, რომ სავალდებულო - სამხედრო სამსახური გადავა მთლიანად თავდაცვის სამინისტროს სისტემაში.გარდა იმისა, რომ შეიქმნება ეფექტური სისტემა, პროგრამა იქნება ექვს, რვა და 11-თვიანი, ყველაზე მცირე იქნება ექვსთვიანი პროგრამა, ეს იქნება ინტენსიური სამხედრო მომზადება. ამ პროგრამის დამთავრების შემდეგ პირს ექნება მოხდილი სავალდებულო - სამხედრო სამსახური და მიენიჭება რიგითის წოდება. მთავარი მიზანი იქნება ძლიერი რეზერვის შექმნა," - განაცხადა პრემიერმა.ირაკლი ღარიბაშვილის განცხადებით, პროგრამა 80 მილიონ ლარზე მეტი დაჯდება."გაწვევას განახორციელებს ნაცვლად რეგიონული სამინისტროსი, თავდაცვის უწყება, ეს პროცესი დაიწყება იანვრიდან, მაგრამ პროგრამა ამოქმედდება 2025 წლის პირველი იანვრიდან. მანამდე სისტემა მოემზადება. გვინდა რეგიონებში ავაშენოთ თავდაცვის ცენტრები, რომ ადგილზე გაუადვილდეთ ახალგაზრდებს ინფორმაციის მიღება. ეს პროექტი დაგვიჯდება 80 მილიონ ლარზე მეტი," - განაცხადა ღარიბაშვილმა.

1670841474

ევროკავშირის საბჭო
ევროკავშირის საბჭომ საქართველოს თავდაცვისუნარიანობის გაძლიერების მიზნით, 20 მილიონი ევროს დახმარების პაკეტი დაამტკიცა

ევროპულმა საბჭომ საქართველოსთვის, ევროპის სამშვიდობო ინსტრუმენტის (EPF) ფარგლებში, ფინანსური დახმარების მორიგი პაკეტი დაამტკიცა. 20 მილიონი ევროს ღირებულების დახმარება ქვეყნის თავდაცვისუნარიანობის გაძლიერებას ისახავს მიზნად და ერთიანი თავდაცვისა და უსაფრთხოების პოლიტიკის (CSDP) ფარგლებში ევროკავშირთან საქართველოს აქტიურ თანამშრომლობას შეუწყობს ხელს.საქართველოს თავდაცვის სამინისტროს ინფორმაციით, ევროპის სამშვიდობო ინსტრუმენტით წელს პირველად მოხდება საქართველოსთვის კიბერუსაფრთხოების სფეროს მხარდაჭერა. ასევე დახმარების პაკეტი მიმართული იქნება სამხედრო-სამედიცინო, სამხედრო-საინჟინრო და სატრანსპორტო შესაძლებლობების გასაძლიერებლად."საქართველომ ევროკავშირის ფინანსურ დახმარებას თავდაცვისა და უსაფრთხოების სფეროსთვის უკვე მეორედ მიიღო. 2021 წელს საქართველო EPF-ის მიმღები ერთ-ერთი პირველი ქვეყანა იყო. ეს ფაქტი კიდევ ერთხელ ცხადყოფს, რომ ევროკავშირისთვის საქართველო რეგიონში უმნიშვნელოვანეს და სანდო პარტნიორს წარმოადგენს და ორივე მხრიდან არსებობს თავდაცვისა და უსაფრთხოების სფეროში თანამშრომლობის გაღრმავების ძლიერი ინტერესი, მათ შორის სხვადასხვა ჰიბრიდული საფრთხეებისადმი მედეგობის გაზრდის მიზნით. ეს მნიშვნელოვანი გადაწყვეტილება კიდევ ერთხელ ადასტურებს საქართველო-ევროკავშირის თანამშრომლობის დინამიურობას და ცხადყოფს, რომ უსაფრთხოების განზომილება ორმხრივი დღის წესრიგის ერთ-ერთი კრიტიკული მიმართულებაა. ევროკავშირი აგრძელებს აქტიურ ჩართულობას საქართველოში მშვიდობისა და სტაბილურობის ხელშეწყობის პროცესში, ქვეყნის სუვერენიტეტისა და საერთაშორისოდ აღიარებულ საზღვრებში ტერიტორიული მთლიანობის მტკიცე მხარდაჭერით," - აღნიშნულია თავდაცვის სამინისტროს ინფორმაციაში.ამასთან, საქართველოში ევროკავშირის ელჩის, პაველ ჰერჩინსკის განცხადებით, ევროკავშირის მხრიდან 20 მლნ ევროს ღირებულების დახმარების ახალი პაკეტი ახლახან დამტკიცდა ბრიუსელში."უკრაინის წინააღმდეგ რუსეთის აგრესიულმა ომმა უკიდურესად სერიოზული გავლენა მოახდინა ევროპისა და რეგიონის სტაბილურობაზე. საქართველომ საკუთარ თავზე გამოცადა ომი და კარგად ესმის ეროვნული უსაფრთხოების გაძლიერების ფასი. ევროკავშირი მხარს უჭერს საქართველოს მედეგობას ეროვნული უსაფრთხოების გაძლიერებით, სტაბილურობითა და მდგრადობით თავდაცვის სფეროში, მათ შორის ევროპის სამშვიდობო ინსტრუმენტის საშუალებით. ევროკავშირის მხრიდან 20 მლნ ევროს ღირებულების დახმარების ახალი პაკეტი ახლახან დამტკიცდა ბრიუსელში. ეს დაეხმარება საქართველოს თავდაცვის ძალების შესაძლებლობების გაძლიერებას და მოხმარდება სამხედრო-სამედიცინო, საინჟინრო, მობილობისა და კიბერუსაფრთხოების მიმართულებებს რელევანტური, არალეტალური შეიარაღების მიწოდებით, მარაგებითა და მომსახურებით, ასევე ტრენინგებისთვის საჭირო აღჭურვილობას. ახალი დახმარების პაკეტით საქართველოსთვის ევროკავშირის მიერ გაწეული დახმარება 30 მლნ ევროს გადააჭარბებს ევროპის სამშვიდობო ინსტრუმენტის ფარგლებში.გასულ წელს საქართველოს თავდაცვის ძალებისთვის გაწეულმა დახმარებამ დაახლოებით 13 მლნ ევრო შეადგინა, რომელიც გამიზნული იყო საქართველოს თავდაცვის ძალებისთვის სამედიცინო მარაგების შესაძენად, საინჟინრო და მობილობის შესაძლებლობების გასაძლიერებლად. აღნიშნული დახმარება განხორციელების ეტაპზეა. ქართული მხარის მიერ ახალი დახმარების შესახებ თხოვნა უსაფრთხოებისა და თავდაცვის პოლიტიკის საკითხებში ევროკავშირის უმაღლესმა წარმომადგენელმა მიიღო, რაზეც ერთსულოვანი თანხმობა განაცხადა ევროკავშირის წევრმა ყველა ქვეყანამ. ძალიან მოხარული ვარ, რომ ევროპის სამშვიდობო ინსტრუმენტი ხელს უწყობს საქართველოს მედეგობის გაძლიერებას ამ რთულ პერიოდში," - განაცხადა პაველ ჰერჩინსკიმ.

1670574080

ესტონელი თავდაცვა
თავდაცვის ძალების მეთაურმა ესტონეთის თავდაცვის ლიგის მეთაურს უმასპინძლა

საქართველოში ვიზიტით მყოფი ესტონეთის თავდაცვის ლიგის მეთაური, ბრიგადის გენერალი რიჰო უტეგი საქართველოს თავდაცვის ძალების მეთაურს, გენერალ-მაიორ გიორგი მათიაშვილს შეხვდა. შეხვედრაზე მხარეებმა ესტონეთსა და საქართველოს შორის თავდაცვის სფეროში არსებული კავშირები, ეროვნულ გვარდიასა და ესტონეთის თავდაცვის ლიგას შორის მჭიდრო თანამშრომლობა ხაზგასმით აღნიშნეს და მომავალი თანამშრომლობის საკითხები განიხილეს. მხარეებმა ტერიტორიული თავდაცვის შესახებაც ისაუბრეს და ერთმანეთს საკუთარი გამოცდილება გაუზიარეს. ყურადღება გამახვილდა ტერიტორიულ და სამობილიზაციო რეზერვზე, ასევე თავდაცვის მოხალისეებსა და თავდაცვის ძალების პირადი შემადგენლობის რეკრუტირების საკითხებზე. გენერალ-მაიორმა გიორგი მათიაშვილმა ესტონეთის მხარეს საქართველოს ეროვნული გვარდიის განვითარებაში შეტანილი წვლილისა და მხარდაჭერისთვის მადლობა გადაუხადა. შეხვედრას ეროვნული გვარდიის მეთაური, ბრიგადის გენერალი რომან ჯოხაძე და ესტონეთის თავდაცვის ლიგის მთავარი სერჟანტი პიტერ ლენდი დაესწრნენ. საქართველოში ვიზიტის ფარგლებში, ესტონეთის თავდაცვის ლიგის მეთაური, ეროვნული გვარდიის რეზერვისტთა მომზადებისა და გადამზადების ცენტრ „პალდოსა“ და მე-20 კადრირებულ ბრიგადასაც მოინახულებს.

1669817173

ირაკლი ღარიბაშვილი სპეციალური ოპერაციების ძალების დაარსების დღისადმი მიძღვნილ ცერემონიას დაესწრო
ირაკლი ღარიბაშვილი სპეციალური ოპერაციების ძალების დაარსების დღისადმი მიძღვნილ ცერემონიას დაესწრო

"დღევანდელი დღე მინდა განსაკუთრებულად მივულოცო სპეციალური ოპერაციების ძალების თითოეულ მებრძოლს, ჩვენს გამორჩეულ და საამაყო ჯარისკაცებს, ჩვენს გმირებს, რომლებმაც არაერთხელ დაამტკიცეს თავისი პროფესიონალიზმით, თავდადებით, გმირობით ჩვენი ქვეყნისადმი ერთგულება და თავგანწირვა," - ამის შესახებ საქართველოს პრემიერ-მინისტრმა ირაკლი ღარიბაშვილმა სპეციალური ოპერაციების ძალების დაარსების დღისადმი მიძღვნილ ცერემონიაზე სიტყვით გამოსვლისას განაცხადა.როგორც პრემიერმა აღნიშნა, სპეციალური ოპერაციების ძალები წარმოადგენს თავდაცვის ძალების გამორჩეულ ქვედანაყოფს, რომელიც იცავს ქვეყნის სუვერენიტეტს და ასევე მსოფლიოში სამშვიდობო ოპერაციებში ღირსეული მონაწილეობა აქვს მიღებული.მისივე თქმით, მუხროვანის ბაზაზე, დაპირებისამებრ, აშენდება ერთ-ერთი გამორჩეული, თანამედროვე, სპეციალური ოპერაციების ძალების ცენტრი და სრულყოფილი ბაზა, რომელიც სრულად შესაბამისი იქნება ნატო-ს სტანდარტებთან."დღევანდელი დღე მინდა განსაკუთრებულად მივულოცო სპეციალური ოპერაციების ძალების თითოეულ მებრძოლს, ჩვენს გამორჩეულ და საამაყო ჯარისკაცებს, ჩვენს გმირებს, რომლებმაც არაერთხელ დაამტკიცეს თავისი პროფესიონალიზმით, თავდადებით, გმირობით ჩვენი ქვეყნისადმი ერთგულება და თავგანწირვა. მინდა, ჩვენი მთავრობის სახელით, მადლობა გადაგიხადოთ თქვენი ღირსეული სამსახურისთვის, თქვენი თავდადებისა და პროფესიონალიზმისთვის.სპეციალური ოპერაციების ძალები წარმოადგენს თავდაცვის ძალების გამორჩეულ ქვედანაყოფს, რომელიც იცავს ჩვენი ქვეყნის სუვერენიტეტს და ასევე მიღებული აქვს მსოფლიოში სამშვიდობო ოპერაციებში ღირსეული მონაწილეობა. თქვენ ყოველთვის გმირულად და მამაცურად იცავდით და იცავთ ჩვენს სამშობლოსა და ჩვენი ქვეყნის ინტერესებს. მინდა, აქვე ქედი მოვიხარო ბრძოლის ველზე დაცემული ჩვენი გმირი ჯარისკაცების, ჩვენი გმირების ხსოვნის წინაშე. მინდა, ასევე, მადლობა გადავუხადო სპეციალური ოპერაციების ძალების ყველა ვეტერანს, ვინც ერთგულად ემსახურა თქვენს ქვედანაყოფს, რომლებიც ღირსეულად ემსახურნენ თავდაცვის ძალებს და ჩვენს სამშობლოს. თქვენ, ყველას, ძვირფასო ოფიცრებო, დიდი როლი მიგიძღვით ჩვენი ჯარის გაძლიერების საქმეში. ამაზე ეროვნული, ამაზე საპატიო საქმე დღეს ჩვენ არა გვაქვს. ჩვენი ვალია მაქსიმალურად გავაძლიეროთ ჩვენი საამაყო ქართული ჯარი. სახელმწიფო ვალდებულია, რომ ყველაფერი გააკეთოს თქვენთვის, ჩვენი ჯარის გასაძლიერებლად, თავდაცვისუნარიანობის განსამტკიცებლად. ბოლო წლებში ჩვენ, ერთად, მნიშვნელოვანი ნაბიჯები გადავდგით, ძალიან ბევრი საინტერესო პროექტი განვახორციელეთ და დღესაც ჩვენ, ყველანი ერთად, აღვნიშნავთ მართლაც მასშტაბური პროექტის დაწყებას მუხროვანის ბაზაზე. ეს იყო ჩვენი დაპირება. აშენდება ერთ-ერთი გამორჩეული, თანამედროვე, სპეციალური ოპერაციების ძალების ცენტრი და სრულყოფილი ბაზა, რომელიც სრულად შეესაბამება ნატოს სტანდარტებს. ესაა 70 მლნ-იანი პროექტი, რომლის მშენებლობაც დღეს, სიმბოლურად, ეგრეთ წოდებული კაფსულის ჩადებით დავიწყეთ და სულ რაღაც 2 წელიწადში დასრულდება სამუშაოები," - აღნიშნა პრემიერმა.ირაკლი ღარიბაშვილმა, სიტყვით გამოსვლისას, საერთაშორისო პარტნიორებს გაწეული დახმარებისათვის მადლობა გადაუხადა."ასევე, მინდა ვისარგებლო შემთხვევით და მადლობა გადავუხადო ჩვენს პარტნიორებს, ჩვენს საერთაშორისო პარტნიორებს, ჩვენს მეგობრებს, რომელთაც დიდი წვლილი აქვთ შეტანილი თქვენი ქვედანაყოფის გაძლიერების საქმეში. მინდა, განსაკუთრებულად გამოვყო ჩვენი მთავარი სტრატეგიული პარტნიორი - აშშ და სხვა ნატოს წევრი სახელმწიფოების ჯარები და მათი დახმარება, რომელიც წლების განმავლობაში იყო მართლაც ფასდაუდებელი. კიდევ ერთხელ გილოცავთ დღევანდელ დღეს, გისურვებთ წარმატებას და გამარჯვებას. ღმერთი იყოს თქვენი მფარველი," - განაცხადა პრემიერმა.მთავრობის ადმინისტრაციის პრესსამსახურის ცნობით, ირაკლი ღარიბაშვილს საქართველოს თავდაცვის ძალების სპეციალური ოპერაციების ძალების განვითარებაში შეტანილი განსაკუთრებული წვლილისა და მხარდაჭერისათვის სამახსოვრო დაფა გადაეცა."სპეციალური ოპერაციების ძალები 23 წლისაა. სპეციალური ოპერაციების ძალების დაარსების დღისადმი მიძღვნილი საზეიმო ცერემონია მუხროვანში, მაიორ გელა ჭედიას სახელობის სპეციალური ოპერაციების საწვრთნელი ცენტრის ბაზაზე ჩატარდა. ღონისძიებას თავდაცვის მინისტრი ჯუანშერ ბურჭულაძე, თავდაცვის ძალების მეთაური, გენერალ-მაიორი გიორგი მათიაშვილი და თავდაცვის ძალების წარმომადგენლები დაესწრნენ.მთავრობის ადმინისტრაციის მიერ გავრცელებული ინფორმაციით, სპეციალური ოპერაციების ძალების სამხედრო მოსამსახურეებმა მოწვეული სტუმრებისათვის საჩვენებელი სწავლება გამართეს, რომელიც საბრძოლო ფუნქციების ინტეგრირებით მართვისა და კონტროლის დახვეწას ისახავდა მიზნად. სწავლება რეიდს, ცეცხლის კოორდინაციას, ობიექტის წმენდას, მძევლის გათავისუფლებასა და ობიექტის აფეთქებას ითვალისწინებდა.მათივე ცნობით, საჩვენებელი სწავლების დასრულების შემდეგ, ბაზის მიმდებარე ტერიტორიაზე, სპეციალური ოპერაციების ძალების ახალი ინფრასტრუქტურული ობიექტების მშენებლობას ჩაეყარა საფუძველი. საქართველოს პრემიერ-მინისტრმა, თავდაცვის მინისტრმა, თავდაცვის ძალების მეთაურმა და სპეციალური ოპერაციების ძალების მეთაურმა, პოლკოვნიკმა თეიმურაზ ყლატეიშვილმა შენობის ფუნდამენტში კაფსულა ჩადეს. მშენებლობის დასრულების შემდეგ სპეციალური ოპერაციების ძალები მუხროვანის ახალ ბაზაზე განთავსდება. საერთო ჯამში აშენდება 24 ახალი შენობა და მოხდება 3 ძველი შენობის რეაბილიტაცია. პირველ ეტაპზე აშენდება: შტაბის შენობა, ყაზარმები, სასადილო, ლაზარეთი, სამწყობრო მოედანი, ავტოპარკი და სხვადასხვა დანიშნულების შენობა-ნაგებობები. მეორე ეტაპი კი, ითვალისწინებს სასწავლო, საგანმანათლებლო, სპორტული და რეკრეაციული სივრცეების აშენებასა და ტერიტორიის კეთილმოწყობას.სპეციალური ოპერაციების ძალების სამხედრო მოსამსახურეებს ასევე სიტყვით მიმართეს და 23 წლის იუბილე მიულოცეს ჯუანშერ ბურჭულაძემ და სპეციალური ოპერაციების ძალების მეთაურმა პოლკოვნიკმა თეიმურაზ ყლატეიშვილმა. მათ სპეციალური ოპერაციების ძალების ყოფილ და მოქმედ სამხედრო მოსამსახურეებს სამშობლოსთვის გაწეული ღირსეული და მაღალპროფესიონალური სამსახურისათვის მადლობა გადაუხადეს და ქვეყნის თავდაცვისუნარიანობის გაძლიერების საქმეში სამხედრო შენაერთის მნიშვნელოვან როლზე ისაუბრეს.ღონისძიება სამხედრო მოსამსახურეების დაჯილდოების ცერემონიით დასრულდა. სპეციალური ოპერაციების ძალების პირად შემადგენლობას გადაეცათ: უწყებრივი მედლები - „გიორგი ანწუხელიძე“, „გენერალი მაზნიაშვილი“, „სამშობლოსთვის თავდადებული“, I, II და III ხარისხის მედლები „უმწიკვლო სამსახურისთვის“, საშტატო იარაღი და ფასიანი საჩუქრები. დაკისრებული მოვალეობების მაღალხარისხიანად შესრულებისთვის სამხედრო მოსამსახურეებს გამოეცხადათ მეთაურის მადლობა და გადაეცათ მადლობის სიგელები.ცნობისთვის, 1999 წლის 22 ნოემბერს, კოჯორში, მცირე ინტენსივობის კონფლიქტებში სამხედრო ოპერაციათა მოსამზადებელი ცენტრის ბაზაზე დაიწყო „სპეცდანიშნულების საბრძოლო კურსი“, რომელიც 12-მა სამხედრო მოსამსახურემ წარმატებით დაასრულა და პირველი სპეცდანიშნულების ჯგუფი ჩამოყალიბდა. ამით საქართველოში საფუძველი ჩაეყარა პირველი საარმიო სპეცდანიშნულების ქვედანაყოფის არსებობას. სპეციალური ოპერაციების ძალები, მისი შექმნის დღიდან, ქვეყნის ტერიტორიული მთლიანობის დასაცავად განხორციელებულ საბრძოლო მოქმედებებში აქტიურად მონაწილეობდა. ასევე, აქტიურად იცავდა მსოფლიოში მშვიდობას სხვადასხვა დროს კოსოვოში, ერაყსა და ავღანეთში მიმდინარე საერთაშორისო მისიებში.

1669120253