"ჩემი ნების ზემოქმედების გარეშე გავარდა იარაღი"- ერიკ წურწუმიამ, რომლის საპოლიციო ღონისძიებასაც ზურაბ გველესიანის სიცოცხლე ემსხვერპლა, მომხდარს დეტალურად იხსენებს

ერიკ წურწუმია

თბილისის საქალაქო სასამართლოში ბრალდებული დეტექტივის, ერიკ წურწუმიას პროცესი მიმდინარეობს.

მოსამართლე ნინო ჩახნაშვილი განაჩენს სავარაუდოდ დღეს გამოაცხადებს. 

პროცესზე საბოლოო სიტყვით თავად ბრალდებულმა ისარგებლა. ერიკ წურწუმიას განცხადებით, რომლის საპოლიციო ღონისძიებასაც ზურაბ გველესიანის სიცოცხლე ემსხვერპლა, იარაღის განზრახ გასროლა მიზნად არ ჰქონია.

წურწუმიამ დეტალურად გაიხსენა, თუ როგორ გავიდა ოპერატიული ინფორმაციის საფუძველზე, მისივე უფროსთან, დიმიტრი ქვაჭრელიშვილთან ერთად შემთხვევის ადგილზე. 

„ჩემმა უფროსმა მითხრა, რომ მასთან ერთად უნდა გავსულიყავი. მითხრა რომ ოპერატიული ინფორმაცია მიიღო. წყნეთში, გუდუაშვილის ქუჩაზე გადავედი მანქანიდან და შევთანხმდით, როცა ხელით ვანიშნებდი, ქვაჭრელიშვილი დაუყოვნებლივ მოვიდოდა. ჩემი მისვლით რომ არ დაეჭვებულიყვნენ, ვიკითხე, რა ხდებოდა. გველესიანმა მითხრა, რაღაცას ვეძებ, ლოკაცია აქ მიჩვენებს და ლოკაცია სულ მართლდება. დარაჯმა წერაქვი მოიტანა, გველესიანმა მისი მეშვეობით თხრა დაიწყო და პატარა საგანი აიღო, რომელიც ცელოფანში იყო. ზურაბ გველესიანმა საგანი აიღო და ტაქსისთან მივიდა, დიმიტრი ქვაჭრელიშვილი უძრავად იდგა, ვანიშნე რომ მოსულიყო, რადგან გველესიანი უნდა დამეკავებინა და ამას მარტო ვერ შევძლებდი. მე ვიყავი მარტო, ჩემი დახმარების თხოვნაზე ქვაჭრელიშვილი რეაგირებას არ ახდენდა. იარაღი საბრძოლო მოქმედებაში არ მომიყვანია და მისი დემონსტრირება მოვახდინე, რომ პოლიციელი ვიყავი. იარაღის დემონსტრირება გადავწყვიტე, რათა გველესიანს ნივთმტკიცება არ გაენადგურებინა, ჩემთვის უცნობი იყო ის ნივთიერება აბი იყო, თუ სითხე. იარაღის პასიური დემონსტრირებისას გველესიანი გაიქცა. კანონი მავალდებულებს ასეთ დროს მისი დაკავება მოვახდინო. მას გავეკიდე, იარაღი არ დამიმიზნებია, დამიზნებულ მდგომარეობაში ვერც გავეკიდებოდი. ის ნაძვნარისკენ წავიდა, წამოვეწიე და უკანა მხრიდან შევბოჭე. იარაღი ხელში მეჭირა, რადგან შენახვა ვერ მოვასწარი, მან კოჭში ფეხი მომარტყა, ამის დაზიანებაც მეტყობა. შემოტრიალებისთანავე ჩემ იარაღს ექაჩებოდა, წართმევას ცდილობდა, ამის საშუალებას არ ვაძლევდი, ჯაჯგურის შედეგად იარაღი გავარდა.. ჩემი ნების ზემოქმედების გარეშე გავარდა იარაღი, სავარაუდოდ, იარაღი სამსახურიდან დატენილ მდგომარეობაში წამომყვა",- განაცხადა წურწუმიამ.

ცნობისთვის, 18 აპრილს, წყნეთში, ლადო გუდიაშვილის ქუჩაზე, ძველი თბილისის მე-4 სამმართველოს დეტექტივის, ერიკ წურწუმიას მიერ გასროლილ ტყვიას 30 წლის ზურა გველესიანის სიცოცხლე ემსხვერპლა. გამოძიების ინფორმაციით, ერიკ წურწუმიას ნარკოტიკული საშუალების შესაძლო უკანონო შეძენა-შენახვის ფაქტთან დაკავშირებით შემთხვევის ადგილზე გამოცხადებისას, ზურა გველესიანის დაკავების ღონისძიების განხორციელების დროს, შემთხვევით გაუვარდა სამსახურებრივი იარაღი, რის შედეგადაც გველესიანი გარდაიცვალა. წურწუმიას ბრალი საქართველოს სისხლის სამართლის კოდექსის 116-ე და 333-ე მუხლის მე-3 ნაწილის „ბ“ ქვეპუნქტით წარუდგინა, რაც სიცოცხლის გაუფრთხილებლობით მოსპობასა და სამსახურებრივი უფლებამოსილების გადამეტებას გულისხმობს. ბრალის დამტკიცების შემთხვევაში ერიკ წურწუმიას 5-დან 8-წლამდე თავისუფლების აღკვეთა ემუქრება.

უახლესი
ელენე ხოშტარია
"უკიდურესად საგანგაშო განცხადებაა - გმირებს, რომლებიც თავს სწირავენ ჩვენი ქვეყნის უსაფრთხოებისთვის, პუტინთან ერთად ბიძინა ივანიშვილი უპირისპირდება" - ელენე ხოშტარია

პარტია "დროას" ლიდერი ელენე ხოშტარია მმართველი გუნდის წარმომადგენელთა მხრიდან გაკეთებულ განცხადებებს ეხმიანება, რომლის თანახმადაც, სხვა ქვეყნის სამხედრო სამსახურში ყოფნა საკუთარი ქვეყნის მოქალაქეობის დაკარგვას იწვევს და ეს კანონით არის განსაზღვრული.როგორც ელენე ხოშტარიამ "ნაციონალური მოძრაობის" ოფისში გამართული შეხვედრის შემდეგ ჟურნალისტებთან განაცხადა, "ქართული ოცნების" წარმომადგენლების მიერ გაკეთებული განცხადებები საგანგაშოა."ეს არის უკიდურესად საგანგაშო განცხადება და კიდევ ერთი ნაბიჯი, რომელიც გვეუბნება, რომ გმირებს, რომლებიც თავს სწირავენ ჩვენი ქვეყნის უსაფრთხოებისთვის, პუტინთან ერთად ბიძინა ივანიშვილი უპირისპირდება. ამას თუ გაბედავენ, შესაბამისი დასკვნები და პასუხი იქნება. ამ გმირების შეურაცხყოფა საზოგადოების რეაქციის თვალსაზრისით "ქართულ ოცნებას" ძვირი დაუჯდა. არ გაუვიდათ თავხედობა და დუმილი, კიდევ უფრო არ გაუვათ ამ ადამიანების შეურაცხყოფა," - განაცხადა ელენე ხოშტარიამ.ცნობისთვის, დღეს, "ქართული ოცნების" დეპუტატმა, რატი იონათამიშვილმა ჟურნალისტებთან მამუკა მამულაშვილის და უკრაინაში ქართველ მებრძოლებზე საუბრისას განაცხადა, რომ "ეს ადამიანები ჩვენს ბიჭებს ფულის სანაცვლოდ სთავაზობენ, მიიღონ მონაწილეობა უკრაინაში საომარ მოქმედებებში და ატყუებენ, რომ უკრაინის სამხედრო ძალების თანამშრომლები გახდებიან."

პოლიტიკა 1670499465

ნიკა მელია
"ვფიქრობ, ყველას ძალისხმევით მოვახერხებთ მიხეილ სააკაშვილის სიცოცხლის გადარჩენას და ის საზღვარგარეთ იქნება გადაყვანილი" - ნიკა მელია

"ვფიქრობ, ყველას ძალისხმევით მოვახერხებთ მიხეილ სააკაშვილის სიცოცხლის გადარჩენას და ის იქნება საზღვარგარეთ გადაყვანილი," - ამის შესახებ "ნაციონალური მოძრაობის" თავმჯდომარემ, ნიკა მელიამ რამდენიმე ოპოზიციური პარტიის წარმომადგენელთან შეხვედრის შემდეგ ჟურნალისტებთან განაცხადა.ასევე, როგორც ნიკა მელიამ განაცხადა, მთელი დასავლეთი საქართველოს ხელისუფლებას მოუწოდებს, მიხეილ სააკაშვილი საზღვარგარეთ გადაიყვანოს, ამიტომ სააკაშვილზე პასუხისმგებლობა ხელისუფლებას ეკისრება."ყველაფერი, როგორ განვითარდება პროცესები, თავიდან ბოლომდე იქნება დამოკიდებული „ქართულ ოცნებაზე“. მარტივად დააყენა დღის წესრიგში საკითხი „ქართულმა ოცნებამ“ – მიხეილ სააკაშვილის, როგორც ადამიანის ყოფნა-არყოფნის საკითხი, მისთვის სიცოცხლის წართმევა თუ შენარჩუნება. როდესაც მთელი საერთაშორისო-სამედიცინო საზოგადოება ქართველ მედიკოსებთან ერთად გეუბნება, რომ ადამიანი არ ექვემდებარება გამოჯანმრთელებას იმ პირობებში, რომელშიც ამყოფებენ, ერთადერთი გამოსავალია სააკაშვილის საზღვარგარეთ გადაყვანა.თუ რეალობას თვალს არ უსწორებს ხელისუფლება, ბუნებრივია, პროცესები ვეღარანაირად განვითარდება ისე, როგორც ვითარდება დღეს. ამ პროცესში საზოგადოების როლი, მათ შორის ოპოზიციური ძალების, პირველ რიგში „ნაციონალური მოძრაობის“, იქნება გადამწყვეტი და უმნიშვნელოვანესი.მჯერა, რომ ამ ძალიან მძიმე პროცესს ქვეყნისთვის ფინალი ექნება სასიკეთო. სააკაშვილის ჯანმრთელობის პრობლემა, მისი მოკვდინების მცდელობა, ვერ დარჩება ამაზე გულგრილი საქართველოს პატრიოტი ვერც ერთი მოქალაქე.მთლიანად საზოგადოების პრობლემაა, როდესაც ქვეყნის მესამე პრეზიდენტი გიკვდება პატიმრობასა და ტყვეობაში, ამას წინ აღვუდგებით ყველა შესაძლო ლეგიტიმური შესაძლებლობით. მთელი დასავლური პოლიტიკური ისტაბლიშმენტი მოუწოდებს ხელისუფლებას, სააკაშვილის გადაყვანისკენ. პასუხისმგებლობა ამ თვალსაზრისით ეკისრება ხელისუფლებას, მაგრამ ფართო გაგებით, პასუხისმგებლობა ასევე ეკისრება საზოგადოებას, ყველას, ვისთვისაც სულ ერთი არ არის, როგორი იქნება ამ სახელმწიფოს ბედი მომდევნო ათწლეულების განმავლობაში. მჯერა, რომ ქართული საზოგადოება ამ გამოწვევის წინაშე გაიმარჯვებს“, – განაცხადა ნიკა მელიამ.

პოლიტიკა 1670498940

ქაცარავა და ღუდუშაური
"ჩემს სათქმელს საჯაროდ, სახეში გეტყვი, თუნდაც ამის მერე შენმა ქოცსასამართლომ ციხეში გამიშვას, მიღირს"- დავით ქაცარავა ღუდუშაურს მიმართავს

 "ანტისაოკუპაციო მოძრაობა - ძალა ერთობაშიას" ხელმძღვანელი დავით ქაცარავა უმრავლესობის დეპუტატის, ალუდა ღუდუშაურის განცხადებას, იმასთან დაკავშირებით, რომ  "ქართული ლეგიონის" მეთაური მამუკა მამულაშვილი უკრაინაში ბიზნესითაა დაკავებული და ქართველ მეომრებს მისი მიზნების შესასრულებლად იყენებს. ქაცარავა ღუდუშაურს ბოდიშის მოხდისკენ მოუწოდებს, წინააღმდეგ შემთხვევაში პირდება, რომ პარლამენტთან დახვდება და საკადრის პასუხს გასცემს.  "ამოვიდა ყელში! ალუდა ღუდუშაურო! მოიხადე საჯარო ბოდიში ყველა იმ მეომრის წინაშე, ვისაც არაკაცურად კიკუ უწოდე! გაძლევ ამისთვის 4 დღეს. რატომ 4 დღეს? უბრალოდ საქართველოში არ ვიქნები 4 დღე.თუ მანამდე ბოდიშს არ მოუხდი ცოცხალ და გარდაცვლილ მეომარ გმირებს, მოვალ პარლამენტთან,(არ იდარდო, ზურგიდან არ მოგეპარები, არ დაგიდარაჯდები) მთავარ შესასვლელთან, იქ დაგელოდები, შენთან შეხვედრას მოვითხოვ, საჯარო შეხვედრას, ვისი თანდასწრებითაც გინდა.რამდენი ხანიც დასჭირდება, იმდენ ხანს დაგელოდები. საჯაროდ შეგხვდები და ჩემ სათქმელს საჯაროდ, სახეში გეტყვი, თუნდაც ამის მერე შენმა ქოცსასამართლომ ციხეში გამიშვას, მიღირს,"- წერს დავით ქაცარავა.ცნობისთვის, "ქართული ოცნების" წევრმა, ალუდა ღუდუშაურმა განაცხადა, რომ "მამუკა მამულაშვილს ბიზნესი აქვს გაჩაღებული უკრაინაში საომარ მოქმედებებთან დაკავშირებით - ამორალურია თანხის სანაცვლოდ ადამიანების საომარ მოქმედებებში წაყვანა."

პოლიტიკა 1670498379

ანა ნაცვლიშვილი
"ოცნებისთვის" რთულია აიტანოს უკრაინაში ქართველი მებრძოლების არსებობა, რადგან ისინი მათ მორალურ კრახს აშიშვლებენ" - ანა ნაცვლიშვილი

"ლელოს" დეპუტატი ანა ნაცვლიშვილი მმართველი გუნდის წარმომადგენელთა მხრიდან გაკეთებულ განცხადებებს ეხმიანება, რომლის თანახმადაც, სხვა ქვეყნის სამხედრო სამსახურში ყოფნა საკუთარი ქვეყნის მოქალაქეობის დაკარგვას იწვევს და ეს კანონით არის განსაზღვრული.ნაცვლიშვილის განმარტებით, "ქართული ოცნებისთვის" რთული ასატანია უკრაინაში ქართველი მებრძოლების არსებობა, რადგან ისინი მმართველი გუნდის მორალურ კრახს სრულიად აშიშვლებენ."ეს ბიჭები ებრძვიან რუსეთს, ქართულმა ოცნებამ აირჩია მხარე, რომ ამ ბიჭებს ებრძოლოს გაშავების, მათ შორის, მიცვალებულების წინააღმდეგ შავი პიარის სახით. მე არ ვიცი, რა შეიძლება იყოს ამაზე უფრო სულმდაბალი, მაგრამ მე კარგად მესმის რატომ დაიწყეს ეს პროპაგანდა, რადგან ეს ბიჭები აშიშვლებენ და ააშკარავებენ "ქართული ოცნების" მორალურ მარცხს.აქამდე ისინი ისხდნენ ჩირგვებში და ცდილობდნენ მებრძოლები არ შეემჩნიათ და ეს დიდი მორალური უხერხულობა, რომელსაც ეს ბიჭები უქმნიდნენ ხელისუფლებას, როგორმე გადაეგორებინათ, ახლა ჩვენ ვხედავთ მეორე ფაზას, როცა ისინი თავდასხმაზე გადავიდნენ და მათ წინააღმდეგ აქტიური კამპანია დაიწყეს, საერთოდაც არ გამიკვირდება ცოტა ხანში მათ წინააღმდეგ სისხლის სამართლის საქმეებიც აღძრან."ოცნებისთვის" რთულია აიტანოს მათი არსებობა, რადგან ისინი მათ მორალურ კრახს აშიშვლებენ. სხვა ქვეყნის სამხედრო სამსახურში ყოფნა უნდა დასტურდებოდეს ჯარისკაცის მოწმობით, ეს ადამიანები "ვოლუნტარები" (მოხალისეები) არიან და არ ირიცხებიან სხვა ქვეყნის სამხედრო სამსახურში, ეს არ არის მოქალაქეობის დაკარგვის საფუძველი. ეს რომ მოხდეს ადამიანი ოფიციალურად უნდა დადგეს აღრიცხვაზე როგორც ჯარისკაცი, რამდენადაც ჩემთვის ცნობილია, ასეთი ფაქტობრივი რეალობა არ არის“, - განაცხადა ანა ნაცვლიშვილმა.ცნობისთვის, დღეს, "ქართული ოცნების" დეპუტატმა, რატი იონათამიშვილმა ჟურნალისტებთან მამუკა მამულაშვილის და უკრაინაში ქართველ მებრძოლებზე საუბრისას განაცხადა, რომ "ეს ადამიანები ჩვენს ბიჭებს ფულის სანაცვლოდ სთავაზობენ, მიიღონ მონაწილეობა უკრაინაში საომარ მოქმედებებში და ატყუებენ, რომ უკრაინის სამხედრო ძალების თანამშრომლები გახდებიან."

პოლიტიკა 1670498207

8/12/2022
სერგეი გაიდაის ინფორმაციით, უახლოეს მომავალში ლუგანსკის ოლქიდან კარგი სიახლეებია მოსალოდნელი

ლუგანსკის სამხედრო საოლქო ადმინისტრაციის ხელმძღვანელის, სერგეი გაიდაის ინფორმაციით, უახლოეს მომავალში ლუგანსკის ოლქიდან კარგი სიახლეებია მოსალოდნელი. - შესაბამის ინფორმაციას სერგეი გაიდაი საკუთარ "ტელეგრამ" არხის საშუალებით ავრცელებს.ლუგანსკის სამხედრო საოლქო ადმინისტრაციის ხელმძღვანელი წერს,  ზამთრის დასასრულს უკრაინის შეიარაღებული ძალები სულ მცირე 24 თებერვლამდე ხაზზე გასვლას შეძლებენ."ნელ-ნელა წინ მივიწევთ, თუმცა რუსებმა მოასწრეს იქ დიდი რაოდენობის ტექნიკისა და პირადი შემადგენლობის მობილიზება – ახლად მობილიზებულების, პატიმრების, კადიროველების, რეგულარული ჯარის, მედესანტეების ნაწილის, რომლებიც ხერსონის მიმართულებიდან გადმოისროლეს. ამიტომ წინსვლა ძალიან მძიმეა. არ უნდა ველოდოთ სწრაფ ოპერაციას, თუმცა დარწმუნებული ვარ, უახლოეს დროში გენშტაბი კარგი სიახლეებით გაგვახარებს“, – წერს სერგეი გაიდაი.

კონფლიქტი 1670496896

პაველ ჰერჩინსკი
"ევროკავშირი სერიოზულად განიხილავს „შუა დერეფანს“, რომელსაც უკრაინის ომის ფონზე განსაკუთრებული მნიშვნელობა აქვს"- პაველ ჰერჩინსკი

"ევროკავშირი სერიოზულად განიხილავს „შუა დერეფანს“, რომელსაც უკრაინის ომის ფონზე განსაკუთრებული მნიშვნელობა აქვს,"- ამის შესახებ საქართველოში ევროკავშირის ელჩმა პაველ ჰერჩინსკიმ განაცხადა.მისი თქმით, ფოთში არსებული პორტის განახლება იგეგმება, სადაც ჩართულები არიან ევროპული ბიზნეს კომპანიები„როგორც ვიცი, ფოთში არსებული პორტის განახლება იგეგმება, სადაც ჩართულები არიან ევროპული ბიზნეს კომპანიები. ასევე, არსებობს გეგმები ანაკლიაში ახალი ღრმაწყლოვანი პორტის მშენებლობის დასაწყებად. ამ საკითხის მიმართ ასევე დიდი ინტერესი აქვთ ევროპულ ბიზნეს კომპანიებს.როგორც იცით, რასაც ჩვენ ვეძახით „შუა დერეფანს“, რომელიც საქართველოზე გადის, არის ის, რასაც უკიდურესად სერიოზულად ვუყურებთ და განსაკუთრებით ახლა, უკრაინაში რუსეთს სასტიკი ომის კონტექსტში.არსებობს სამხრეთ კავკასიის ალტერნატივად გამოყენების უზარმაზარი პოტენციალი, როდესაც საქმე ეხება სხვადასხვა საქონლის აზიიდან, ცენტრალური აზიიდან სამხრეთ კავკასიის გავლით ევროპაში გადატანას.ჩვენ ვმუშაობთ ძალიან მჭიდროდ ქართველ პარტნიორებთან იმისთვის, რომ განვაახლოთ ინფრასტრუქტურა, გვაქვს ეკონომიკური და საინვესტიციო გეგმა. ვსაუბრობთ დიდ ფულზე, იმისთვის, რომ ამ ინფრასტრუქტურის განახლება მოხდეს. ეს უკვე მიმდინარეობს და ამის მაგალითია აღმოსავლეთ-დასავლეთ მაგისტრალი, რომლის მშენებლობაც ევროკავშირისა და ევროპის საინვესტიციო ბანკის ფინანსური მხარდაჭერით მიმდინარეობს“, - აღნიშნა ელჩმა.

პოლიტიკა 1670496660