გიული ალასანია
“სააკაშვილისთვის გონების დაკარგვა მოსალოდნელი იყო იმიტომ, რომ ადამიანი 14 დღეა ვერ ჭამს"- გიული ალასანია

ყოფილი პრეზიდენტის დედა გიული ალასანია აცხადებს, რომ მიხეილ სააკაშვილისთვის გონების დაკარგვა მოსალოდნელი იყო, რადგანაც ის 14 დღეა საკვებს ვერ იღებს.როგორც გიული ალასანიამ კლინიკა “ვივა მედში” მიხეილ სააკაშვილთან შესვლამდე ჟურნალისტებს განუცხადა, ის ალტერნატიული კონსილიუმის დაშვებასთან დაკავშირებით მოსამართლის მიერ მიღებული გადაწყვეტილებით კმაყოფილია.“გონების დაკარგვა მოსალოდნელი იყო იმიტომ, რომ ადამიანი 14 დღეა ვერ ჭამს და როდემდე გაძლებს ბოლოს და ბოლოს. ძალიან მძიმეა მდგომარეობა.ალტერნატიული კონსილიუმი, რომ დაუშვეს კმაყოფილი ვარ, რა თქმა უნდა, და ველი შემდეგ ნაბიჯებს. ადამიანი გასაყვანია, რაც შეიძლება სწრაფად, რომ გადავარჩინოთ.მდგომარეობის გაუარესება მოსალოდნელია, რადგანაც შიმშილობის დღეები ემატება”, - განაცხადა ალასანიამ.ცნობისთვის, მიხეილ სააკაშვილის ადვოკატმა, დიმიტრი საძაგლიშვილმა ჟურნალისტებთან გაავრცელა ინფორმაცია, რომ გვიან ღამით ყოფილ პრეზიდენტს გონება დაეკარგა. 

1653485429

დიმიტრი საძაგლიშვილი
ადვოკატის ცნობით, მიხეილ სააკაშვილმა გვიან ღამით გონება დაკარგა

„საქართველოს მესამე პრეზიდენტი მიხეილ სააკაშვილი მოვინახულე და მასთან საუბრისას ჩემთვის ცნობილი გახდა, რომ მან, გუშინ, გვიან ღამით გონი დაკარგა, თუმცა ექიმების დაუყოვნებლივი ჩარევის შედეგად ეს პრობლემა აღმოიფხვრა", - ამის შესახებ მიხეილ სააკაშვილის ადვოკატმა, დიმიტრი საძაგლიშვილმა ჟურნალისტებთან ყოფილი პრეზიდენტის მონახულების შემდეგ განაცხადა.ადვოკატის განცხადებით, მიხეილ სააკაშვილის ჯანმრთელობის მდგომარეობა ამ დროისთვის სტაბილურია."წარმოდგენა არ გვინდა თუ რა შეიძლება მომხდარიყო, თუკი ის რუსთავის მე-12 პენიტენციურ დაწესებულებაში იქნებოდა. ახლა მიხეილ სააკაშვილი ნორმალურად არის იმ თვალსაზრისით, რომ ის სერიოზული პრობლემები, რაც მას ჯანმრთელობასთან დაკავშირებით აქვს, არსად არ გამქრალა. იგივე მდგომარეობაშია, უბრალოდ გონების დაკარგვის შემდეგ მისი გონზე მოყვანა მოხერხდა და არის ისე, როგორც ადრე”,- განაცხადა საძაგლიშვილმა.მისივე განცხადებით, დღევანდელ შეხვედრაზე მიხეილ სააკაშვილთან მათ ისაუბრეს სასამართლო გადაწყვეტილებაზე, რომლის თანახმადაც ექსპერტები დაშვებულნი იქნებიან კლინიკაში.დღევანდელ სხდომაზე სააკაშვილის საქმის მოსამართლემ, ნინო ჩახნაშვილმა პენიტენიცურ სამსახურს დაავალა, სააკაშვილთან ცენტრ "ემპათიას" ექსპერტების დაშვება.

1653484437

აშშ ელჩი
"საელჩო მხარს უჭერს საქართველოს სასამართლოს პროგრამებით - აპოლიტიკური დახმარება ხორციელდება მიუხედავად იმისა, რომელი პარტიაა ხელისუფლებაში"- აშშ-ის საელჩო

"30 წელია აშშ მხარს უჭერს საქართველოს სასამართლოს პროგრამებით და ჩვენი არაპარტიული, აპოლიტიკური დახმარება ხორციელდება მიუხედავად იმისა, თუ რომელი პარტია არის ხელისუფლებაში",- ამის შესახებ აშშ-ის საელჩოს მიერ გავრცელებულ განცხადებაშია ნათქვამი.განცხადებაში ვკითხულობთ, რომ აშშ-ის საელჩო არსებული სასამართლოს პროგრამები სასამართლოს პროგრამებით.„30 წელია ამერიკის შეერთებული შტატები მხარს უჭერს საქართველოს სასამართლოს პროგრამებით, რომელიც მიმართულია მისი დამოუკიდებლობისა და შესაძლებლობების გაძლიერებაზე. ჩვენი არაპარტიული, აპოლიტიკური დახმარება ხორციელდება მიუხედავად იმისა, თუ რომელი პარტია არის ხელისუფლებაში. დარწმუნებული ვართ, რომ ჩვენი ძალისხმევა თანხვედრაშია როგორც საქართველოს, ისე ამერიკის კანონმდებლობასთან“,- ნათქვამია საელჩოს მიერ გავრცელებულ განცხადებაში. 

1653482111

იაგო ხვიჩია
"სააკაშვილს თავისუფლების ჰაერის ჩასუნთქვა სჭირდება, რომლის მიღწევაც მხოლოდ საზღვარგარეთაა შესაძლებელი"- იაგო ხვიჩია

„სააკაშვილს თავისუფლების ჰაერის ჩასუნთქვა სჭირდება, რომლის მიღწევაც მხოლოდ საზღვარგარეთ არის შესაძლებელი - საქართველოში მიხეილ სააკაშვილისთვის ჰაერის თავისუფლებაა ჩაკეტილი"- ეს პარტია „გირჩის“ ლიდერმა იაგო ხვიჩიამ განაცხადა.ამასთან, ხვიჩია ამბობს, რომ მიხეილ სააკაშვილის საზღვარგარეთ სამკურნალოდ გაგზავნა მხოლოდ "ნაციონალური მოძრაობის" დაშლის შემდეგ გახდება რეალისტური."ამ ქვეყანაში მისთვის რაღაცნაირად ჰაერის თავისუფლებაა ჩაკეტილი და მიხეილ სააკაშვილი სპეციფიკური ადამიანია და იგი ტყვეობაში ვერ გამოჯანმრთელდება. თუ ჩვენ მას გავისტუმრებთ საზღვარგარეთ, უნდა წავიდეს იქ სამკურნალოდ, მაგრამ მხოლოდ მას შემდეგ მგონია ეს რეალისტური, რაც „ნაციონალური მოძრაობა“ დაიშლება. ფაქტობრივად ჩვენ ამ მოთხოვნით ვითხოვთ, სასჯელის შეცვლას პატიმრობიდან პარტიის დაშლამდე“, - აღნიშნა იაგო ხვიჩიამ.

1653480613

მიხეილ სააკაშვილი
მიხეილ სააკაშვილის სასამართლო პროცესი 2 ივნისამდე გადაიდო

საქართველოს სახელმწიფო საზღვრის უკანონო კვეთის საქმეზე ბრალდებული საქართველოს მესამე პრეზიდენტის, მიხეილ სააკაშვილის სასამართლო პროცესი 2 ივნისამდე გადაიდო.სწორედ ამ პროცესზე გახდება ცნობილი, მისცემს თუ არა მიხეილ სააკაშვილი სასამართლოს ჩვენებას და განაცხადებს თუ არა, ის თანხმობას მის გარეშე წარიმართოს სასამართლო პროცესები.დღევანდელ სხდომაზე სააკაშვილის საქმის მოსამართლემ, ნინო ჩახნაშვილმა პენიტენიცურ სამსახურს დაავალა, სააკაშვილთან ცენტრ "ემპათიას" ექსპერტების დაშვება.შეგახსენებთ, რომ მიხეილ სააკაშვილის მიერ საზღვრის უკანონო კვეთის ფაქტთან დაკავშირებით გამოძიება პირველ ოქტომბერს დაიწყო. აღნიშნული საქმის ფარგლებში ბრალდება კიდევ 4 პირს - ელგუჯა ცომაიას, ზურაბ და შალვა წოწორიებსა და გიორგი ნარიმანიძეს აქვთ წაყენებული და ის ცალკე წარმოებად მიმდინარეობს. მათ აღკვეთის ღონისძიების სახით შეფარდებული პატიმრობა გირაოს სანაცვლოდ შეეცვალათ. აღნიშნული პირები ბრალს აღიარებენ.

1653480252

მიხეილ სააკაშვილი
მოსამართლემ პენიტენციურ სამსახურს დაავალა, სააკაშვილთან ცენტრ „ემპათიას“ ექსპერტები დაუშვას

სახელმწიფო საზღვრის უკანონო კვეთის საქმის მოსამართლემ, ნინო ჩახნაშვილმა პენიტენციურ სამსახურს დაავალა, მიხეილ სააკაშვილთან ცენტრ „ემპათიას“ ექსპერტები დაუშვას.აღნიშნულით მოსამართლემ კლინიკაში ექსპერტთა ჯგუფის დაშვებასთან დაკავშირებით ადვოკატების შუამდგომლობა დააკმაყოფილა.ამასთან, როგორც ბრალდების მხარემ განმარტა, რომ ვინაიდან საქმე ადამიანის ჯანმრთელობას ეხება, ისინი დაცვის მხარის შუამდგომლობას არ ეწინააღმდეგებიან.დღევანდელ სასამართლო პროცესზე მოსამართლე ნინო ჩახნაშვილმა პენიტენციური სამსახურის მიერ გამოგზავნილი განცხადებაც წაიკითხა, რომლის მიხედვითაც, ვინაიდან დღის წესრიგში სააკაშვილის კლინიკაში გადაყვანის საკითხი იდგა, მასთან ამ მიზეზით ვერ მოხერხდა ექსპერტების დაშვება.თბილისის საქალაქო სასამართლოში საქართველოს სახელმწიფო საზღვრის უკანონო კვეთის საქმეზე ყოფილი პრეზიდენტის, მიხეილ სააკაშვილის სასამართლო პროცესი მიმდინარეობს. სასამართლო პროცესს მიხეილ სააკაშვილი ჯანმრთელობის მდგომარეობიდან გამომდინარე არ ესწრება.შეგახსენებთ, რომ მიხეილ სააკაშვილის მიერ საზღვრის უკანონო კვეთის ფაქტთან დაკავშირებით გამოძიება პირველ ოქტომბერს დაიწყო. აღნიშნული საქმის ფარგლებში ბრალდება კიდევ 4 პირს - ელგუჯა ცომაიას, ზურაბ და შალვა წოწორიებსა და გიორგი ნარიმანიძეს აქვთ წაყენებული და ის ცალკე წარმოებად მიმდინარეობს. მათ აღკვეთის ღონისძიების სახით შეფარდებული პატიმრობა გირაოს სანაცვლოდ შეეცვალათ. აღნიშნული პირები ბრალს აღიარებენ.

1653477285

გიორგი გახარია
"წარმართული პროცესები აშკარად აჩვენებს, რომ ნიკა გვარამიას საქმეზე პოლიტიკურად მოტივირებული გადაწყვეტილება იყო მიღებული"- გიორგი გახარია

პარტია "საქართველოსთვის" ლიდერი გიორგი გახარია მიიჩნევს, რომ ნიკა გვარამიას საქმეზე გამოტანილ გადაწყვეტილება პოლიტიკურად მოტივირებული იყო.როგორც გიორგი გახარიას აღნიშნავს, შესაძლოა, გამოტანილი განაჩენი სწორი იყო, მაგრამ მისი თქმით, ამ საქმის მიმართებით განვითარებული პროცესები პოლიტიზებული იყო.ამავე დროს, გახარიას მიაჩნია და სურს, რომ ქვეყნის ევროინტეგრაციას ეს საქმე ხელს ვერ შეუშლის.„ჩემთვის ნათელია, რომ ამ საქმის ახსნა პოლიტიკური მოტივის გარეშე უბრალოდ შეუძლებელია. იმის გათვალისწინებით, თუ რამდენად მნიშვნელოვანია დღეს ქვეყნის ევროპულ ფასეულობებთან, მედიასთან დაკავშირებით მთავრობის გადადგმული ნაბიჯები და დამოკიდებულება, სულ რომ 100%-ით სწორი იყოს განაჩენი, რაშიც მე ეჭვს ვერ შევიტან, რადგან საქმეს არ ვიცნობ, მაგრამ ის, თუ როგორ იყო ეს პროცესი წარმართული და როდის რა ნაბიჯები იქნა გადადგმული, აშკარად აჩვენებს ყველასთვის, რომ ეს პოლიტიკურად მოტივირებული გადაწყვეტილება იყო",- აცხადებს გახარია.მისივე თქმით, აღნიშნული საქმის განხილვა სამი წლის განმავლობაში მიმდინარეობს და საბოლოო განაჩენის გამოცხადება გარკვეული პერიოდის შემდეგაც იყო შესაძლებელი."თუ არ ვცდები, ამ საქმის გამოძიება მიმდინარეობს 3 წელზე მეტია და ეს შედეგი შეიძლება დამდგარიყო ან ერთი კვირით ადრე, ან თვით ადრე, ან ორი-სამი თვის შემდეგ. გარდა ამისა, ამ საქმეზე საქართველოს სისხლის სამართლის კოდექსში არსებობს რამდენიმე „ოფცია“, მათ შორის ბევრად უფრო მსუბუქიც, რომელიც იმ შემთხვევაშიც, როცა ნიკა გვარამია დამნაშავეა და სასჯელი რომ აღსრულებულიყო, ის პროფესიული უფლებების გაგრძელებას შეძლებდა“, - განაცხადა გიორგი გახარიამ.შეგახსენებთ, "მთავარი არხის" დირექტორს ნიკა გვარამიას სასამართლომ 3 წლითა და 6 თვით თავისუფლებით აღკვეთა მიუსაჯა. მოსამართლე ლაშა ჩხიკვაძის გადაწყვეტილებით მისთვის სასჯელის ათვლა დღეიდან დაიწყო. გვარამია სასამართლო დარბაზშივე დააკავეს. ნიკა გვარამიას ბრალად ედება წინასწარი შეთანხმებით ჯგუფის მიერ, დიდი ოდენობით „რუსთავი 2“-ის კუთვნილი ქონებრივი უფლების გაფლანგვა, კომერციული მოსყიდვა და ყალბი ოფიციალური დოკუმენტის დამზადება, უკანონო შემოსავლის ლეგალიზაცია. ნიკა გვარამიას ასევე ბრალი ედება სამსახურებრივი უფლებამოსილების ბოროტად გამოყენებაში. 

1653476725

ასლანიშვილი
"რაც ჩავიდინე, უმიზეზოდ არ მომხდარა - მესიჯები წავიკითხე და თვალები შუბლზე ამივიდა"- ყოფილი ცოლის დაჭრაში ბრალდებული

ყოფილი მეუღლის განზრახ მკვლელობის მცდელობაში ბრალდებული ლევან ასლანიშვილი მის ყოფილ მეუღლეს ბავშვთა პროსტიტუციაში ჩართვაში ადანაშაულებს. აღნიშნულის შესახებ მან სასამართლო პროცესზე განაცხადა.როგორც ბრალდებულმა განმარტა, დანაშაული სწორედ იმის გამო ჩაიდინა, რომ აღნიშნულის შესახებ შეიტყო და დასძენს, რომ მომხდარს არ ნანობს."ეს შემთხვევა რაც ჩავიდინე, ვაღიარებ, მაგრამ უმიზეზოდ არ მომხდარა და სიზმარი არ მინახავს. ამ ქალბატონს წლების წინ გავუხსენი მეილი. ეჭვის საფუძველი მომეცა, ის დარეგისტრირდა "ფეისბუქზე", მეილზე შევედი, ფეისბუქზე გადავედი და ვხედავ დღეში 50 კაცთან უხამს და უცენზურო მიმოწერას.„ღამე წავიკითხე მესიჯები და თვალები შუბლზე ამივიდა. თუ ჩემი სიმართლე არ დადგინდა, ათი სამუდამო მომისაჯეთ”,- განაცხადა ასლანიშვილმა.ყოფილი მეუღლის, თამარ ჭეიშვილის განზრახ მკვლელობის მცდელობაში ბრალდებულ ლევან ასლანიშვილს სასამართლომ პატიმრობა შეუფარდა.ცნობისთვის, 23 მაისს, ლევან ასლანიშვილმა გენდერის ნიშნით შეუწყნარებლობის მოტივით, განსაკუთრებული სისასტიკით, არასრულწლოვანი შვილის თანდასწრებით, ყოფილ მეუღლეს - დანით მრავლობითი დაზიანებები მიაყენა.

1653475421

მიხეილ სააკაშვილი
სახელმწიფო საზღვრის უკანონო კვეთის საქმეზე სააკაშვილის პროცესი მიმდინარეობს - ბრალდებული სხდომას არ ესწრება

თბილისის საქალაქო სასამართლოში საქართველოს სახელმწიფო საზღვრის უკანონო კვეთის საქმეზე ყოფილი პრეზიდენტის, მიხეილ სააკაშვილის სასამართლო პროცესი მიმდინარეობს.სასამართლო პროცესს მიხეილ სააკაშვილი ჯანმრთელობის მდგომარეობიდან გამომდინარე არ ესწრება.შეგახსენებთ, რომ მიხეილ სააკაშვილის მიერ საზღვრის უკანონო კვეთის ფაქტთან დაკავშირებით გამოძიება პირველ ოქტომბერს დაიწყო. აღნიშნული საქმის ფარგლებში ბრალდება კიდევ 4 პირს - ელგუჯა ცომაიას, ზურაბ და შალვა წოწორიებსა და გიორგი ნარიმანიძეს აქვთ წაყენებული და ის ცალკე წარმოებად მიმდინარეობს. მათ აღკვეთის ღონისძიების სახით შეფარდებული პატიმრობა გირაოს სანაცვლოდ შეეცვალათ.

1653474870

ლევან ასლანიშვილი
ყოფილი მეუღლის დაჭრის ფაქტზე ბრალდებულს პატიმრობა შეეფარდა

ყოფილი მეუღლის, თამარ ჭეიშვილის განზრახ მკვლელობის მცდელობაში ბრალდებულ ლევან ასლანიშვილს სასამართლომ პატიმრობა შეუფარდა.ბრალდების მხარემ დაკავებულის მიმართ ყველაზე მკაცრი აღკვეთის ღონისძიების პატიმრობის გამოყენება მოითხოვა. რაც შეეხება დაცვის მხარეს, ადვოკატმა ანა შიშნიაშვილმა დაკავებულის მიმართ 15 000-ლარიანი გირაოს შეფარდება მოითხოვა, რაც მოსამართლემ არ დააკმაყოფილა.როგორც პროკურორმა ნაზი მირიანაშვილმა განაცხადა, ბრალდებულმა ლევან ასლანიშვილმა ყოფილ მეუღლეს მოკვლის მიზნით ჭრილობები სხეულის სხვადასხვა ადგილას მიაყენა. მირიანაშვილის თქმით, პროკურორის თქმით, ასლანიშვილი მეუღლეზე სისტემატიურად ძალადობდა.ლევან ასლანიშვილს ბრალდება ოფიციალურად გუშინ წაუყენეს.ცნობისთვის, 23 მაისს, ლევან ასლანიშვილმა გენდერის ნიშნით შეუწყნარებლობის მოტივით, განსაკუთრებული სისასტიკით, არასრულწლოვანი შვილის თანდასწრებით, ყოფილ მეუღლეს - დანით მრავლობითი დაზიანებები მიაყენა.

1653474706

დაკავება
პოლიციამ შიდა ქართლში, მცხეთა-მთიანეთსა და გურიაში უკანონო ცეცხლსასროლი იარაღები და საბრძოლო მასალა ამოიღო - დაკავებულია 3 პირი

შინაგან საქმეთა სამინისტროს თანამშრომლებმა შიდა ქართლში, მცხეთა-მთიანეთსა და გურიაში უკანონო ცეცხლსასროლი იარაღები და უკანონო საბრძოლო მასალა ამოიღეს - დაკავებულია 3 პირი.შსს-ს ინფორმაციით, შიდა ქართლის პოლიციის დეპარტამენტის გორის რაიონული სამმართველოს თანამშრომლებმა 1980 წელს დაბადებული, წარსულში ნასამართლევი ლ.ვ.„ცეცხლსასროლი იარაღისა და საბრძოლო მასალის უკანონო შეძენა-შენახვა-ტარების ბრალდებით დააკავეს. ნივთმტკიცების სახით ამოღებულია ავტომატური ცეცხლსასროლი იარაღი, 14 მჭიდი და 441 ვაზნა.მცხეთა-მთიანეთის პოლიციის დეპარტამენტის დუშეთის რაიონული სამმართველოს თანამშრომლებმა კი 1983 წელს დაბადებული ი.კ. ცეცხლსასროლი იარაღისა და საბრძოლო მასალის უკანონო შეძენა-შენახვის ბრალდებით დააკავეს.სამართალდამცველებმა, დაკავებულის საცხოვრებელი სახლის ჩხრეკისას, ავტომატური ცეცხლსასროლი იარაღი, 2 მჭიდი და 20 ვაზნა ნივთმტკიცებად ამოიღეს.1999 წელს დაბადებული, წარსულში ნასამართლევი გ.ბ. გურიის პოლიციის დეპარტამენტის ლანჩხუთისა და ოზურგეთის რაიონული სამმართველოების თანამშრომლების მიერ, ცეცხლსასროლი იარაღისა და საბრძოლო მასალის უკანონო შეძენა-შენახვა-ტარებისთვის არის დაკავებული. პოლიციამ, მისი პირადი ჩხრეკის შედეგად, „ბრაუნინგის“ სისტემის პისტოლეტი და მჭიდი ნივთმტკიცების სახით ამოიღო,"- ნათქვამია უწყების განცხადებაში.ცეცხლსასროლი იარაღის და საბრძოლო მასალის მართლსაწინააღმდეგო შეძენა-შენახვისა და ტარების ფაქტებზე გამოძიება საქართველოს სისხლის სამართლის კოდექსის 236-ე მუხლის მე-3 და მე-4 ნაწილებით მიმდინარეობს. დანაშაულები 3-დან 7 წლამდე ვადით თავისუფლების აღკვეთას ითვალისწინებს.

1653468567

ტექნიკური უნივერსიტეტი
"ტექნიკური უნივერსიტეტის“ დიდი ოდენობით თანხის თაღლითურად დაუფლების ფაქტზე საფინანსო დეპარტამენტის უფროსი სპეციალისტი დააკავეს

წინასწარი შეთანხმებით ჯგუფის მიერ, სამსახურებრივი მდგომარეობის გამოყენებით „საქართველოს ტექნიკური უნივერსიტეტის“ დიდი ოდენობით თანხის თაღლითურად დაუფლების ფაქტზე ერთი პირი დააკავა. ამის შესახებ ინფორმაციას საქართველოს პროკურატურა ავრცელებს.უწყების ცნობით, გამოძიების შედეგად დადგინდა, რომ ტექნიკური უნივერსიტეტის საფინანსო დეპარტამენტის უფროსი სპეციალისტი - მ.ა. სხვადასხვა პერიოდში, სახელფასო ბაზების შევსებისას, ხელფასის დასარიცხად უთითებდა ტექნიკური უნივერსიტეტის თანამშრომლების პირად მონაცემებს, ხოლო მათ სახელფასო ანგარიშის ნაცვლად - საკუთარ საბანკო ანგარიშს, რის შედეგადაც მითითებული თანხები მის ანგარიშზე ირიცხებოდა."გარდა ამისა, ბრალდებული ხელფასის გასაწერად შედგენილ დოკუმენტში, ხელფასის დასარიცხად უთითებდა მისი სანაცნობო წრიდან მოძიებული პირების პირად მონაცემებს და საბანკო ანგარიშის ნომრებს, რის შედეგადაც ბრალდებულის ნაცნობ პირებს, რომლებიც არ წარმოადგენდნენ „საქართველოს ტექნიკური უნივერსიტეტის“ თანამშრომლებს, ერიცხებოდათ ვითომდა შრომითი ანაზღაურება,”-აღნიშნულია გავრცელებულ განცხადებაში.უწყების ცნობით, აღნიშნული ქმედებებით, ბრალდებული, დანაშაულებრივი ჯგუფის სხვა პირებთან ერთად თაღლითურად დაეუფლა „საქართველოს ტექნიკური უნივერსიტეტის“ კუთვნილ 1 288 000 ლარს.„მ.ა.-ს ბრალდება საქართველოს სისხლის სამართლის კოდექსის 180-ე მუხლის მე-2 ნაწილის „ა“ ქვეპუნქტით და მე-3 ნაწილის „ა“ და „ბ“ ქვეპუნქტით (თაღლითობა, ჩადენილი წინასწარი შეთანხმებით ჯგუფის მიერ, სამსახურებრივი მდგომარეობის გამოყენებით, დიდი ოდენობით) წარედგინა, რაც სასჯელის სახედ და ზომად ექვსიდან ცხრა წლამდე თავისუფლების აღკვეთას ითვალისწინებს.პროკურატურამ ბრალდებულის მიმართ აღკვეთის ღონისძიების სახით, პატიმრობის შეფარდების შუამდგომლობით თბილისის საქალაქო სასამართლოს უკვე მიმართა.გამოძიება გრძელდება დანაშაულში მონაწილე სხვა პირების გამოვლენის მიზნით“, - ნათქვამია გავრცელებულ ინფორმაციაში.

1653468120