ძმები კაკულიები
"მივმართავ კვარაცხელიების ოჯახს, არანაირი შეხება მაგ საქმესთან ჩვენ არ გვქონია, ეს არის პროვოკაცია"– გურამ კაკულია

"მივმართავ კვარაცხელიების ოჯახს, არანაირი შეხება მაგ საქმესთან ჩვენ არ გვქონია, ეს არის პროვოკაცია გადაეცით ყველას", - ასე უპასუხა სერგი ქურთიაშვილის მკვლელობის მცდელობაში ბრალდებულმა ერთ-ერთმა ძმამ, გურამ კაკულიამ სასამართლო სხდომაზე პროკურორ თამარ ყულჯანიშვილს. პროკურორის შემდგომ ბრალდებულმა, მედიასაც მოუწოდა, რომ მათი ბრალდების საქმე “ობიექტურად გააშუქონ”.აღნიშნული მიმართვა ბრალდებულმა გურამ კაკულიამ მაშინ გააკეთა, როდესაც პროკურორმა თამარ ყულჯანიშვილმა დასკვნითი სიტყვის წარმოთქმა დაასრულა, ბოლოს კი, ბრალდებულებს მიმართა.„ცხრა თვეა ისინი აქ იმყოფებიან, ცხრა წუთით მაინც დაფიქრდნენ მათ მიერ ჩადენილ ქმედებაზე. ნამდვილად არ არის სახარბიელო ადამიანებს, რომლებსაც შეუძლიათ სხვა ცხოვრების წესი აირჩიონ და კარგი საქმით დაამახსოვრონ თავი საზოგადოებას, ამ საქმით ამახსოვრებენ ისინი თავს საზოგადოებას”, - განაცხადა თამარ ყულჯანიშვილმა. თბილისის საქალაქო სასამართლოში, სადაც ძმების, დავით და გურამ კაკულიების პროცესი მიმდინარეობს, პროკურორმა დასკვნითი სიტყვა წარმოთქვა.მისი თქმით, საქმეში არსებული მტკიცებულებები ადასტურებს იმას, რომ სწორედ ძმები კაკულიები არიან ის პირები, რომლებმაც 2022 წლის 27 მაისს, სერგი ქურთიაშვილის განზრახ მკვლელობა სცადეს, რა დროსაც იარაღიდან გასროლით ქურთიაშვილთან ერთად მისი მეგობარი გიორგი კაჭკაჭაშვილი დაიჭრა.

1675078440

ძმები კაკულიები
"ირკვევა, რომ სერგი ქურთიშვილის მიმართ გაისროლა გურამ კაკულიამ, რის შემდეგ გაისროლა დავით კაკულიამ"– ძმები კაკულიების პროცესზე პროკურორმა დასკვნითი სიტყვა წარმოთქვა

თბილისის საქალაქო სასამართლოში, სადაც ძმების, დავით და გურამ კაკულიების პროცესი მიმდინარეობს, პროკურორმა დასკვნითი სიტყვა წარმოთქვა. როგორც საქმის პროკურორმა თამარ ყულჯანიშვილმა განაცხადა, სერგი ქურთიაშვილის მკვლელობის მცდელობის საქმით შესაძლოა, მძიმე დანაშაული გაიხსნას და ძმებს, დავით და გურამ კაკულიებს ბრალდება დაუდასტურდეთ.მისი თქმით, საქმეში არსებული მტკიცებულებები ადასტურებს იმას, რომ სწორედ ძმები კაკულიები არიან ის პირები, რომლებმაც 2022 წლის 27 მაისს, სერგი ქურთიაშვილის განზრახ მკვლელობა სცადეს, რა დროსაც იარაღიდან გასროლით ქურთიაშვილთან ერთად მისი მეგობარი გიორგი კაჭკაჭაშვილი დაიჭრა.ამასთან, პროკურორი სხდომაზე გამოეხმაურა დაზარალებულების, სერგი ქურთიაშვილისა და გიორგი კაჭკაჭაშვილის მიერ პროცესზე მიცემულ ჩვენებას, რომლებიც ირწმუნებიან, რომ დავით და გურამ კაკულიები არ არიან ის პირები, ვინც მათი მიმართულებით გაისროლეს და აცხადებს, რომ დაზარალებულების ამ ჩვენებების მიუხედავად, ბრალდება მათი ინტერესების დაცვას მაინც გააგრძელებს, ხოლო ჩვენებას სამართლებრივი შეფასება მიეცემა.პროკურორი მიიჩნევს, რომ სასამართლომ არ უნდა გაიზიაროს დაზარალებულთა ჩვენებები, რითაც ისინი ცდილობენ პასუხისმგებლობა აარიდონ ძმებ კაკულიებს.რაც შეეხება უშუალოდ საქმეში არსებულ მტკიცებულების დეტალებს, როგორ პროკურორმა სხდომაზე განაცხადა, ვიდრე ძმები კაკულიები სერგი ქურთიაშვილზე შეიარაღებულ თავდასხმას მოახდენენ, მათ გარკვეული პერიოდით ადრე უკანონოდ გადმოკვეთეს საქართველოს სახელმწიფო საზღვარი, რაც შსს-ს საინფორმაციო ანალიტიკური დეპარტამენტის მიერ მოწოდებული ინფორმაციით დასტურდება. 2022 წლის 27 მაისს კი, როდესაც ქურთიშვილის მკვლელობის მცდელობა განიზრახეს და ვაკეში, ფალიაშვილის და არაყიშვილის ქუჩების ქუჩების კვეთაზე, იარაღის გასროლით მას არაერთი ჭრილობა მიაყენეს.პროკურორის თქმით, შემთხვევის დროს იარაღიდან ნასროლი ტყვიით დაიჭრა გიორგი კაჭკაჭაშვილი, რომელიც ქურთიაშვილს თან ახლდა."ასევე, ბრალდების მხარის განცხადებით, მტკიცებულებებით დასტურდება, რომ სერგი ქურთიაშვილზე თავდასხმამდე ისინი თბილისის ერთ-ერთ უბანში მდებარე ბინაში ნაქირავებ ბინაში ცხოვრობდნენ. თავდასხმის შემდგომ კი, ძმებს ბინის მეპატრონისთვის სახლის გასაღები არ დაუბრუნებიათ, რაც მიუთითებს იმაზე, რომ არ გამჟღავნებულიყო მათი გადაადგილების ფაქტი. ამასთან, პროკურორის განმარტებით, გამოძიების შედეგად ბინიდან ამოღებული მტკიცებულებებიდან, მათ შორის სიგარეტის ნამწვიდან ამოღებულია ძმების ბიოლოგიური მასალა. ასევე, ბინის დათვალიერებისას ნანახია “გუდვილში” შეძენილი პროდუქტის სტიკერები. პროდუქტები კი, ძმების ნათესავმა გიორგი რუხაძემ იყიდა, რომლის შესახებაც საქმეს ერთვის ვიდეომტკიცებულება, თუ როგორ გადაადგილდება ის “გუდვილთან”. პროკურორის განმარტებით, გიორგი რუხაძე გამოძიებამ 1-ელ ივლისს გამოჰკითხა, რომელმაც ვერ გაიხსენა იყიდა თუ არა პროდუქტები, საერთოდ იმყოფებოდა თუ არა ნაქირავებ ბინაში, ან ჰქონდა თუ არა კომუნიკაცია ბრალდებულებთან.პროკურორის თქმით, რუხაძის პასუხები იმდენად არადამაჯერებელი იყო, რომ გამომძიებელმა მას კითხვა დაუსვა, ჯანმრთელობის რაიმე პრობლემა ხომ არ ჰქონდა, რაზეც მან უპასუხა, რომ - არა, აბსოლუტურად ჯანმრთელია,"– განაცხადა პროკურორმა.პროკურორ თამარ ყულჯანიშვილის თქმით, ვიდეოჩანაწერების გარდა მოწმეებიც ადასტურებენ იმას, რომ თავდასხმის დღეს ორივე ძმას ხელში იარაღი ეჭირა და გარკვეული მიმართულებით ისროდნენ, ორივე მათგანს ეხურა ჩაფხუტი, ხოლო ერთს ეცვა შავი ფერის ზედა, მეორეს კი, ნარინჯისფერი.„ჩანაწერებით ირკვევა, რომ სერგი ქურთიშვილის მიმართ გაისროლა გურამ კაკულიამ, ამის მერე გაისროლა დავით კაკულიამ ასევე ქურთიაშვილის მიმართ. ამ დროს ქურთიაშვილი წაიქცა და ჩანთა დაუვარდა, რომელიც ხელში ეჭირა. ამის შემდგომ ის ეცადა, თავის შველის მიზნით, მანქანისკენ წასულიყო, რა დროსაც ორივე პირმა კვლავ სროლა განახორციელა. ამ მომენტში კი, ქურთიაშვილი მოექცა “მერსედესის” მარკის ავტომობილსა და სატვირთოს შუაში. რაც შეეხება კაჭკაჭაშვილს, ის “მერსედესიდან” მას შემდგომ გადმოვიდა, რაც ქურთიაშვილი უკვე „მერსედესსა“ და სატვირთოს შორის მოექცა”, - განაცხადა თამარ ყულჯანაშვილმა.ბრალდების მხარის განმარტებით, თავდასხმის შემდგომ ძმებმა ტანსაცმელი გამოიცვალეს, ხოლო ჩაფხუტები და ხელთათმანები გადაყარეს, თუმცა ეს ნივთები გამოძიებამ ამოიღო.ცნობისთვის, ძმებ კაკულიებს არაყიშვილის ქუჩაზე სერგი ქურთიაშვილის ჯგუფურად მკვლელობის მცდელობას, ცეცხლსასროლი იარაღის და საბრძოლო მასალის ჯგუფურად, მართლსაწინააღმდეგო შეძენას, შენახვას, ტარებას, ასევე, საზღვრის უკანონო კვეთას ედავებიან. აღნიშნული დანაშაული სასჯელის სახედ და ზომად 13-დან 17 წლამდე თავისუფლების აღკვეთას ითვალისწინებს.გამოძიება ასევე ინტენსიურ რეჟიმში გრძელდება ძმებ კაკულიების მიერ სხვა დანაშაულებრივ ფაქტებთან, მათ შორის, ნიკა კვარაცხელიას მკვლელობის საქმესთან შესაძლო შემხებლობასთან დაკავშირებით. საგამოძიებო უწყების ცნობით, ბრალდებულებმა დანაშაული სომხეთშიც ჩაიდინეს, სწორედ აღნიშნულთან დაკავშირებით, საქართველოს სამართალდამცავი ორგანოები სომხეთის შესაბამის კომპეტენტურ ორგანოებთან აქტიურად თანამშრომლობენ.

1675076520

სააკაშვილი ვივა მედი
"სააკაშვილს წონის 39.3% აქვს დაკარგული –საქმე გვაქვს კლინიკურ მალაბსორბციასთან და კახექსიასთან"– ენდოკრინოლოგი ლალი ჯავაშვილი

სასამართლო პროცესზე, სადაც მიხეილ სააკაშვილისთვის სასჯელის გადავადებაზე მსჯელობენ, დღეს "ემპატიის" ექიმები იკითხებიან. ენდოკრინოლოგმა ლალი ჯავაშვილმა მოსამართლეს ყოფილი პრეზიდენტის მდგომარეობაზე მიაწოდა ინფორმაცია. მისი განცხადებით, მიხეილ სააკაშვილს აქვს კლინიკური კახექსიის გამოვლინება, მას წონის 39.3% აქვს დაკარგული.ენდოკრინოლოგმა მოსამართლეს ინფორმაცია მიხეილ სააკაშვილის კლინიკური სიმპტომების შესახებაც მიაწოდა.„პაციენტი მთელი რიგი ფაქტორების გათვალისწინებით არის მძიმე. ტერმინ „მძიმეში“ ჩვენ გამოვთქვით ვარაუდი - იმის გამო, რომ პაციენტის წონის კლება მიდის ინტენსიურად, ადგილი აქვს ფაღარათს, გულისრევას და მთელ რიგ კლინიკურ სიმპტომებს, შესაძლებელია, განვითარდეს მალაბსორბცია და კახექსია.28 ნოემბერს გამოცემულ დასკვნაში მხოლოდ და მხოლოდ ამ ფორმით და ამ დოზით იყო ეს ორი ტერმინი გამოყენებული. ჩვენ გამოვთქვით ეჭვი და შევაფასეთ რისკი, რომ თუკი ასეთი წონის კლება გაგრძელდებოდა, შესაძლებელია, განვითარებულიყო მალაბსორბცია და მალაბსორბციის შედეგად კახექსია. გავიდა ორი თვე და მოგვეცა საშუალება გავცნობოდით 12 დეკემბრიდან- 18 იანვრის ჩათვლით სამედიცინო ჩანაწერებს, რის საფუძველზეც, 28 ნოემბრის დასკვნებში დავამატეთ 2 ახალი პუნქტი და ზოგიერთი დასკვნა გავაფართოვეთ.ნამდვილად, ჩვენ დღეს საქმე გვაქვს კლინიკურ მალაბსორბციასთან და კახექსიასთან. როცა ის მოხვდა ციხეში, მისი წონა იყო 115 კგ, დღეს პაციენტის წონა არის 69 კგ, წონის განსხვავება არის 45 კგ. ეს 45 კგ საწყისი წონის 39.3%-ია. რატომ იკლებს პაციენტი წონაში, დღეს უკვე ამას არსებითი მნიშვნელობა არ აქვს. მთავარია, რომ დადგა ფაქტი, როცა ჩვენ გვაქვს წონის ისეთი ხარისხის კლება, რომელსაც ავტომატურად ეწოდება კახექსია, მძიმე კახექსია.ყველა გაიდლაინით წონის 30%-ზე მეტის კლება არის კახექსია. არ აქვს მნიშვნელობა სჯა-ბაასს, ჩვენ გვაქვს ნამდვილად კახექსიური მდგომარეობა!“ - განაცხადა ენდოკრინოლოგმა ლალი ჯავაშვილმა.თბილისის საქალაქო სასამართლოში ყოფილი პრეზიდენტის მიხეილ სააკაშვილისთვის სასჯელის გადავადების, ან გათავისუფლების საკითხზე სასამართლო პროცესი მიმდინარეობს. 

1675075020

შალვა ხაჭაპურიძე
"სამხარაულის ექსპერტიზის დასკვნა სასამართლო პროცესის მიმართულებას ვერანაირად ვერ შეცვლის - რაც მეტს სიღრმეებში წავალთ, უფრო მეტი სიყალბე ამოტივტივდება"– შალვა ხაჭაპურიძე

"დავადასტურეთ ის გარემოება, რომ წარმოდგენილი ექსპერტიზის დასკვნა გაცემულია არაკომპეტენტური და მიკერძოებული პირების მიერ - სასამართლომ გადაწყვეტილება მიიღო, ამ დასკვნის დართვის და სასამართლოზე გამოკვლევის შესახებ"– განაცხადა ადვოკატმა შალვა ხაჭაპურიძე, რითაც გამოეხმაურა  მოსამართლის გადაწყვეტილებას, რომლის თანახმადაც, მიხეილ სააკაშვილის საქმეს ლევან სამხარაულის სახელობის სასამართლო ექსპერტიზის ეროვნული ბიუროს მიერ მომზადებული დასკვნა მტკიცებულების სახით დაერთო. როგორც ხაჭაპურიძემ სხდომაზე განაცხადა, ეს დოკუმენტი სასამართლო პროცესის მიმართულებას ვერანაირად ვერ შეცვლის - რაც მეტს სიღრმეებში წავალთ, უფრო მეტი სიყალბე ამოტივტივდება.„ჩვენ მოსამართლეს დავუდასტურეთ დოკუმენტურად, რომ დასკვნა ყალბია. გაცემულია სხვა მტკიცებულებებზე, რომელიც მარიამ ჯიშკარიანის დასკვნაში გაცემული არ არის. გარდა ამისა, დავადასტურეთ ის გარემოება, რომ წარმოდგენილი ექსპერტიზის დასკვნა გაცემულია არაკომპეტენტური და მიკერძოებული პირების მიერ. სასამართლომ გადაწყვეტილება მიიღო, ამ დასკვნის დართვის და სასამართლოზე გამოკვლევის შესახებ. ამ ნაწილში მხარე არ შეზღუდა. პროცესი უნდა გავაგრძელოთ იმიტომ, რომ ფიზიკურად სხვა გამოსავალი არ გვაქვს. ადამიანი კვდება და ახლა იმის დრო ჩვენ არ გვაქვს, რომ პროცესუალური სვლები ვაკეთოთ. ეს დოკუმენტი ვერანაირად ვერ შეცვლის სასამართლო პროცესის მიმართულებას, იმიტომ, რომ სასამართლო პროცესზე, რაც მეტს სიღრმეებში წავალთ, უფრო მეტი სიყალბე ამოტივტივდება“, - განაცხადა ხაჭაპურიძემ.მოსამართლე გიორგი არევაძემ მიხეილ სააკაშვილისთვის სასჯელის გადავადების საქმეს ლევან სამხარაულის სახელობის სასამართლო ექსპერტიზის ეროვნული ბიუროს მიერ მომზადებული დასკვნა მტკიცებულებად დაურთო. აღნიშნულით არევაძემ სპეციალური პენიტენციური დეპარტამენტის შუამდგომლობა დააკმაყოფილა. აღნიშნულ შუამდგომლობას დაცვის მხარე არ დაეთანხმა.

1675074797

სააკაშვილის სასამართლო
სააკაშვილის ადვოკატმა სამხარაულის ექსპერტიზის ბიუროს დასკვნის ავტორების აცილება მოითხოვა

მოსამართლე გიორგი არევაძის გადაწყვეტილებას, რომლის თანახმადაც, მიხეილ სააკაშვილის საქმეს ლევან სამხარაულის სახელობის სასამართლო ექსპერტიზის ეროვნული ბიუროს მიერ მომზადებული დასკვნა მტკიცებულების სახით დაერთო, არ ეთანხმება ადვოკატი  ზურაბ ვანიშვილიც. ზურაბ ვანიშვილმა სასამართლო პროცესზე ექსპერტიზის დასკვნის ავტორების, ეკა ჩავლეიშვილის, კონსტანტინე ცქიტიშვილის, ნოდარ კაკაბაძის, ნინა კეკელიძისა და აკაკი ტყემალაძის აცილება მოითხოვა. „მოგახსენებთ შუამდგომლობას ექსპერტთა და საექსპერტო დაწესებულების აცილების შესახებ. ჩვენ აცილებას ვუცხადებთ ექსპერტებს: ეკა ჩავლეიშვილს, კონსტანტინე ცქიტიშვილს, ნოდარ კაკაბაძეს, ნინა კეკელიძეს, აკაკი ტყემალაძეს და საექსპერტო დაწესებულება „ლევან სამხარაულის სახელობის სასამართლო ექსპერტიზის ბიუროს (სეები)“ შემდეგ გარემოებათა გამო - ექსპერტი ეკა ჩავლეიშვილი და ექსპერტი კონსტანტინე ცქიტიშვილი მონაწილეობდნენ სეებ-ის 2014 წლის 1-ელი ოქტომბრის ერთ-ერთ ექსპერტიზაში, რომელიც დაუპირისპირდა ამავე საექსპერტო ბიუროს მიერ 5.5 თვით ადრე გაცემულ 15 აპრილის დასკვნას, ვალერი გელაშვილის სხეულზე 2005 წლის 14 ივლისის დაზიანებების შეფასებაზე. 15 აპრილის დასკვნაში სეებ-ის ცოცხალ პირთა და გვამების გამოკვლევათა სამმართველოს ექსპერტმა, ელენე ჭითანავამ მიიჩნია, რომ დაზიანებები იყო ნაკლებად მძიმე ხარისხის. მოგვიანებით, 2014 წლის 1-ელ ოქტომბერს იმავე ელენე ჭითანავამ და ამავე სამმართველოს ექსპერტებმა ეკა ჩავლეიშვილმა და კონსტანტინე ცქიტიშვილმა, რომლებიც წარმოდგენილნი არიან ამ დასკვნაში, მიიჩნიეს, რომ დაზიანებები იყო მძიმე ხარისხის. ამის შემდეგ განაჩენი დადგა შესაბამისი“, - განაცხადა ზურაბ ვანიშვილმა.მოსამართლე გიორგი არევაძემ მიხეილ სააკაშვილისთვის სასჯელის გადავადების საქმეს ლევან სამხარაულის სახელობის სასამართლო ექსპერტიზის ეროვნული ბიუროს მიერ მომზადებული დასკვნა მტკიცებულებად დაურთო. აღნიშნულით არევაძემ სპეციალური პენიტენციური დეპარტამენტის შუამდგომლობა დააკმაყოფილა. აღნიშნულ შუამდგომლობას დაცვის მხარე არ დაეთანხმა.

1675072800

ვალერი გელბახიანი
"ვფიქრობ, სასამართლომ დაუშვა მიკერძოების დაუშვებელი ფაქტი"– გელბახიანი სააკაშვილის საქმეზე სამხარაულის ექსპერტიზის დასკვნის დართვას არ ეთანხმება

მიხეილ სააკაშვილის ადვოკატმა, ვალერი გელბახიანმა სასამართლო პროცესზე მოსამართლე გიორგი არევაძის მიერ პენიტენციური სამსახურის შუამდგომლობის დაკმაყოფილება გააპროტესტა. როგორც ადვოკატმა სხდომაზე განაცხადა, ის არ ეთანხმება  მოსამართლის გადაწყვეტილებას, რომლის თანახმადაც, მიხეილ სააკაშვილის საქმეს ლევან სამხარაულის სახელობის სასამართლო ექსპერტიზის ეროვნული ბიუროს მიერ მომზადებული დასკვნა მტკიცებულების სახით დაერთო. მისივე თქმით, შესაძლოა, მან მომდევნო სხდომებში მონაწილეობა აღარ მიიღოს.„მე პირადად, ვფიქრობ, რომ სასამართლომ დაუშვა მიკერძოების დაუშვებელი ფაქტი. თუ დამეთანხმებიან ჩემი კოლეგები, მე შეიძლება ასეთ სასამართლოში აღარ გავაგრძელო. თუ გააგრძელებენ ჩემი კოლეგები, მათი ნებაა. საქართველოს კანონმდებლობის უარყოფა ხდება ამ დარბაზში. მე ამას არც დავეთანხმები და ვერც მივიღებ მონაწილეობას. თუ ერთ ფაქტს მეტყვის ვინმე, მათ შორის მოსამართლე, რომ რომელიმე მტკიცებულება, რომელიმე სასამართლოში, დამატებით წარმოდგენილი, დაუშვა, ორივე ხელი ამიწევია. თქვენ ახალ კოდექსს ნუ იგონებთ, ძალიან გთხოვთ!“- აღნიშნა ვალერი გელბახიანმა.გელბახიანს სხდომაზევე უპასუხა მოსამართლემ და ადვოკატს კორექტულობისკენ მოუწოდა.„ახალ კოდექსს არ ვიგონებ და ვფიქრობ, კორექტული უნდა იყოთ სასამართლოს მიმართ. მტკიცებულებების დაშვება და კანონის განმარტება, სწორედაც, რომ ჩემი გადასაწყვეტია და ჩემს უფლებამოსილებაში შედის. რაც შეეხება თქვენს ყოფნას ან არყოფნას, თქვენი გადასაწყვეტია და შეგიძლიათ წაბრძანდეთ, შეგიძლიათ მიიღოთ მონაწილეობა და გავაგრძელოთ განხილვა“, - განაცხადა მოსამართლე გიორგი არევაძემ.მოსამართლე გიორგი არევაძემ მიხეილ სააკაშვილისთვის სასჯელის გადავადების საქმეს ლევან სამხარაულის სახელობის სასამართლო ექსპერტიზის ეროვნული ბიუროს მიერ მომზადებული დასკვნა მტკიცებულებად დაურთო. აღნიშნულით არევაძემ სპეციალური პენიტენციური დეპარტამენტის შუამდგომლობა დააკმაყოფილა. აღნიშნულ შუამდგომლობას დაცვის მხარე არ დაეთანხმა.

1675071836

მოსამართლე გიორგი არევაძე
მოსამართლემ სამხარაულის ეროვნული ბიუროს დასკვნა მიხეილ სააკაშვილის საქმეს მტკიცებულებად დაურთო

მოსამართლე გიორგი არევაძემ მიხეილ სააკაშვილისთვის სასჯელის გადავადების საქმეს ლევან სამხარაულის სახელობის სასამართლო ექსპერტიზის ეროვნული ბიუროს მიერ მომზადებული დასკვნა მტკიცებულებად დაურთო.აღნიშნულით არევაძემ სპეციალური პენიტენციური დეპარტამენტის შუამდგომლობა დააკმაყოფილა. აღნიშნულ შუამდგომლობას დაცვის მხარე არ დაეთანხმა.მოსამართლის მიერ პენიტენციური სამსახურის შუამდგომლობის დაკმაყოფილების შემდეგ, სასამართლოში ჩვენების მიცემა მოუწევთ წარდგენილი დასკვნის ავტორებს, ნოდარ კაკაბაძეს, ნანა კეკელიძესა და აკაკი ტყემალაძეს.„ვფიქრობ, რომ მხარეებს უნდა მიეცეთ შესაძლებლობა, წარმოადგინონ მათი მოსაზრებები იმიტომ, რომ ამ შემთხვევაში საუბარია სპეციალური ცოდნის მქონე ადამიანების განმარტებაზე. როგორც ერთ მხარეს, ასევე მეორე მხარეს უნდა მიეცეთ შესაძლებლობა, დაიხმარონ ან მოიშველიონ სპეციალური ცოდნის მქონე პირების განათლება და სპეციალობა. შესაბამისად, ვფიქრობ, რომ წარმოდგენილი დასკვნა უნდა დაერთოს საქმეს“, - განაცხადა გიორგი არევაძემ.შეგახსენებთ, წინა პროცესზე სპეციალურმა პენიტენციურმა სამსახურმა თბილისის საქალაქო სასამართლოში მიხეილ სააკაშვილის საქმეზე ლევან სამხარაულის სახელობის სასამართლო ექსპერტიზის ეროვნული ბიუროს მიერ მომზადებული ექსპერტიზის დასკვნა წარადგინა. აღნიშნული დასკვნა ცენტრ „ემპათიის“ მიერ გამოტანილ დიაგნოზებს ეხება, რაც საქმის მასალებს მტკიცებულების სახით უნდა დართვოდა.

1675070880

შალვა ხაჭაპურიძე
ადვოკატმა მოსამართლეს მიმართა, ერთ-ერთი სხდომა გასვლით, კლინიკაში ჩაეტარებინათ, რათა პროცესზე დასწრება სააკაშვილმა შეძლოს

სასამართლო პროცესზე, სადაც ყოფილი პრეზიდენტისთვის, მიხეილ სააკაშვილისთვის სასჯელის გადავადების, ან სასჯელისგან გათავისუფლებასთან დაკავშირებით მსჯელობენ, ადვოკატმა შალვა ხაჭაპურიძემ მოსამართლეს გასვლითი სხდომის ჩატარების შუამდგომლობით მიმართა. ვინაიდან, ყოფილი პრეზიდენტი ჯანმრთელობის მდგომარეობის გამო პროცესზე დასწრებას ვერ ახერხებს, შალვა ხაჭაპურიძემ სხდომაზე მოსამართლეს მიმართა, რომ ერთ-ერთი სხდომა გასვლით, კლინიკაში ჩაეტარებინათ, რათა პროცესზე დასწრება თავად სააკაშვილს შესძლებოდა.სასამართლოში პენიტენციური დეპარტამენტიდან წარმოდგენილი ოქმი, ასევე კლინიკა „ვივამედიდან“ სამედიცინო ცნობა წარადგინეს, რომლის მიხედვითაც, მიხეილ სააკაშვილს ჯანმრთელობის მდგომარეობიდან გამომდინარე ტრანსპორტირების რეკომენდაცია არ მიეცა, დისტანციურად ჩართვაზე კი თავად სააკაშვილმა განაცხადა უარი.დღევანდელ სასამართლო პროცესზე ცენტრ „ემპათიას“ ექიმებს დაკითხავენ.

1675067580

სააკაშვილის სასამართლო
სასჯელის გადავადების, ან გათავისუფლების საკითხზე მიხეილ სააკაშვილის პროცესი მიმდინარეობს

თბილისის საქალაქო სასამართლოში ყოფილი პრეზიდენტის მიხეილ სააკაშვილისთვის სასჯელის გადავადების, ან გათავისუფლების საკითხზე სასამართლო პროცესი მიმდინარეობს. მიხეილ სააკაშვილი დღევანდელ პროცესსაც არ ესწრება.სასამართლოში პენიტენციური დეპარტამენტიდან წარმოდგენილი ოქმი, ასევე კლინიკა „ვივამედიდან“ სამედიცინო ცნობა წარადგინეს, რომლის მიხედვითაც, მიხეილ სააკაშვილს ჯანმრთელობის მდგომარეობიდან გამომდინარე ტრანსპორტირების რეკომენდაცია არ მიეცა, დისტანციურად ჩართვაზე კი თავად სააკაშვილმა განაცხადა უარი.დღევანდელ სასამართლო პროცესზე ცენტრ „ემპათიას“ ექიმებს დაკითხავენ.წინა პროცესზე სპეციალურმა პენიტენციურმა სამსახურმა თბილისის საქალაქო სასამართლოში მიხეილ სააკაშვილის საქმეზე ლევან სამხარაულის სახელობის სასამართლო ექსპერტიზის ეროვნული ბიუროს მიერ მომზადებული ექსპერტიზის დასკვნა წარადგინა. აღნიშნული დასკვნა ცენტრ „ემპათიის“ მიერ გამოტანილ დიაგნოზებს ეხება, რაც საქმის მასალებს მტკიცებულების სახით უნდა დართვოდა.

1675062360

გენერალური პროკურატურა
ბათუმში ახალგაზრდა ქალის გარდაცვალების ფაქტზე გამოძიება ძალადობის და განზრახ მკვლელობის მუხლებით მიმდინარეობს - პროკურატურა

ბათუმში ახალგაზრდა ქალის გარდაცვალების ფაქტზე შინაგან საქმეთა სამინისტროში გამოძიება განზრახ მკვლელობისა და ძალადობის მუხლებით მიმდინარეობს. - აღნიშნულ ინფორმაციას საქართველოს გენერალური პროკურატურა ავრცელებს.უწყების ცნობით, შინაგან საქმეთა სამინისტროში სისხლის სამართლის საქმეზე გამოძიება გრძელდება. ხოლო, პროკურატურამ ბრალდებულისთვის აღკვეთის ღონისძიების სახით პატიმრობის შეფარდების შუამდგომლობით ბათუმის საქალაქო სასამართლოს უკვე მიმართა. "შინაგან საქმეთა სამინისტროს მიერ მიმდინარე გამოძიების ფარგლებში ამ ეტაპისთვის დადგინდა, რომ 26 იანვარს, ბათუმში მდებარე ერთ-ერთ კაფე-ბარში ურთიერთშელაპარაკების ნიადაგზე წარმოშობილი კონფლიქტის დროს ბრალდებულმა ფიზიკური შეურაცხყოფა მიაყენა თანმხლებ ქალს.სისხლის სამართლის საქმეზე ამ ეტაპზე მოპოვებული მტკიცებულებებით ასევე დადგენილია, რომ მომხდარი ძალადობის შემდგომ დაზარალებული ქალი და ბრალდებული ერთად წავიდნენ ბათუმის ერთ-ერთ სასტუმროში. 26 იანვარს, დილის საათებში, მომხდარი ძალადობიდან რამდენიმე საათის შემდგომ, ქალი ზემოხსენებული სასტუმროს ნომრის აბაზანაში გარდაცვლილი იპოვეს.სამართალდამცავებმა ბრალდებული 27 იანვარს დააკავეს. მას ბრალდება საქართველოს სისხლის სამართლის კოდექსის 126-ე მუხლის პირველი ნაწილით (ძალადობა, რამაც ფიზიკური ტკივილი გამოიწვია) წარედგინა.აღნიშნულ ფაქტთან დაკავშირებით საქართველოს შინაგან საქმეთა სამინისტროში გამოძიება თავდაპირველად თვითმკვლელობამდე მიყვანის მუხლით დაიწყო. მოგვიანებით სისხლის სამართლის საქმეზე კვალიფიკაცია შეიცვალა და გამოძიება ამ ეტაპზე ძალადობისა და განზრახ მკვლელობის მუხლებით მიმდინარეობს.შინაგან საქმეთა სამინისტროში სისხლის სამართლის საქმეზე გამოძიება გრძელდება. აქტიურად მიმდინარეობს ყველა საგამოძიებო და საპროცესო მოქმედებები, დანიშნულია შესაბამისი ექსპერტიზები.პროკურატურამ ბრალდებულისთვის აღკვეთის ღონისძიების სახით პატიმრობის შეფარდების შუამდგომლობით ბათუმის საქალაქო სასამართლოს უკვე მიმართა," – ნათქვამია პროკურატურის ინფორმაციაში.

1674921602

გიული ალასანია
„სამხარაულის ექსპერტიზის დასკვნა დამაჯერებელი არ არის - ძალიან მაღალი დონის სპეციალისტები შეთანხმდნენ იმ დიაგნოზებზე, რომლებიც დღეს გვაქვს"- გიული ალასანია

„ჩემთვის სამხარაულის ექსპერტიზის დასკვნა მაინცდამაინც დამაჯერებელი არ არის. მათ მოსაზრებას უამრავი არგუმენტი სჭირდება"- ასე გამოეხმაურა ყოფილი პრეზიდენტის, მიხეილ სააკაშვილის დედა გიული ალასანია სამხარაულის ექსპერტიზის ბიუროს დასკვნას, რომ ცენტრ „ემპათიას“ დასკვნა სარწმუნო არ არის. როგორც გიული ალასანიამ „ვივამედში“, ჟურნალისტებთან აღნიშნა, მიხეილ სააკაშვილის მდგომარეობა რომ დამძიმდა, იმითაც ჩანს, რომ კლინიკაში შესვლის შემდეგ ის ეტლით გადაადგილდება. "ის, რასაც მანამდე სხვა ექიმებისა და ექსპერტებისაგან თვეების განმავლობაში ვისმენდით, ყველაფერი დასაბუთებული იყო. გვახსოვს, რამდენი კონსილიუმი შეიქმნა, რამდენად მაღალი დონის პროფესიონალებმა მიიღეს მონაწილეობა. გარდა უცხოელი ექსპერტებისა, საქართველოდან ძალიან მაღალი დონის სპეციალისტები იყვნენ და ისინი შეთანხმდნენ იმ დიაგნოზებზე, რომლებიც დღეს გვაქვს.გარდა ამისა, გვახსოვს, მიხეილ სააკაშვილი ამ დაწესებულებაში რა მდგომარეობით შემოვიდა. ფეხზე იდგა და ნორმალური ადამიანი იყო. ახლა ინვალიდის ეტლში ზის, ორ ნაბიჯსაც ვერ დგამს და მე მეუბნებით, რომ ეს საშუალო სიმძიმის პაციენტია?“, - განაცხადა გიული ალასანიამ.მისი თქმით, ის ენდობა პროფესიონალებს, რომლებმაც „ემპათიას“ მიერ მომზადებულ დასკვნას ხელი მოაწერეს.ცნობისთვის, საქართველოს იუსტიციის მინისტრის, რატი ბრეგაძის განცხადებით, ლევან სამხარაულის სახელობის სასამართლო ექსპერტიზის ეროვნული ბიუროს დასკვნის თანახმად, მიხეილ სააკაშვილის ჯანმრთელობასთან დაკავშირებით ცენტრ „ემპათიის“ მიერ გამოტანილი დიაგნოზები სარწმუნო და უტყუარი არ არის.იუსტიციის მინისტრის განმარტებით, სამხარაულის ექსპერტიზის ბიურომ უშუალოდ დასკვნა შეისწავლა, რომელიც ცენტრმა „ემპათიამ“ მოამზადა და ამის საფუძველზე მიიღო შესაბამისი გადაწყვეტილება.

1674807840

სააკაშვილის სასამართლო
სასჯელის გადავადების ან გაუქმების საკითხზე მიხეილ სააკაშვილის სასამართლო პროცესი მიმდინარეობს

თბილისის საქალაქო სასამართლოში ყოფილი პრეზიდენტის, მიხეილ სააკაშვილისთვის სასჯელის გადავადების, ან სასჯელისგან გათავისუფლების შესახებ სასამართლო პროცესი მიმდინარეობს.თავად მიხეილ სააკაშვილი ჯანმრთელობის მდგომარეობის გამო პროცესს ვერ ესწრება. დღეს სასამართლო პროცესზე ბრიტანელი ფსიქიატრის კორნელიუს კატონი დაიკითხება. ასევე იგეგმება კიდევ რამდენიმე ექსპერტის დაკითხვაც.ცნობისთვის, საქართველოს ყოფილი პრეზიდენტისთვის სასჯელის გადავადების, ან სასჯელისგან გათავისუფლებასთან დაკავშირებით სასამართლოს შუამდგომლობით სააკაშვილის ადვოკატებმა მიმართეს. აღნიშნულ შუამდგომლობას მოსამართლე გიორგი არევაძე განიხილავს.

1674806005