ლევან ჩიკვატია
"მე, ლევან ჩიკვატია, იძულებული ვარ შევწყვიტო ჩემი პრაქტიკული მოღვაწეობა თსსუ -ის პირველ საუნივერსიტეტო კლინიკაში" - ლევან ჩიკვატია

პირველი საუნივერსიტეტო კლინიკის ექიმი, ტრავმატოლოგი ლევან ჩიკვატია სოციალურ ქსელში დიაგნოზთან შეჭიდული ჯგუფებით (DRG) დაფინანსების ახალ მოდელს ეხმაურება და წერს, რომ ეს მეთოდი ქართულ მედიცინაში ვერ იმუშავებს.ექიმი ამბობს, რომ განსაკუთრებით პრობლემატური, მეთოდი ტრავმატოლოგებისა და ორთოპედებისთვისაა, რაც პირადად მას იძულებულს ხდის, პრაქტიკულ საქმიანობაზე უარი განაცხადოს."ისევ ეს ყბადაღებული დი არ ჯი და მისი იმპლემენტაცია ქართული ჯანდაცვის სისტემაში!პირველ რიგში, მომხრე ვარ ყველანაირი ინოვაციის, რაღა თქმა უნდა ჩემს ქვეყანაში, მაგრამ- დი არ ჯი-ეს ფორმა დამღუპველია კონკრეტულად ტრავმატოლოგია-ორთოპედიისთვის. ვინაიდან და რადგანაც, ჩვენ- ქირურგი ორთოპედები (ტრავმატოლოგები) გახლავართ “იმპლანტ დამოკიდებული” პროფესიის წარმომადგენლები, ძირითადი ნაწილი ჩვენი ჩარევისა (ოპერაციისა) სრულდება ხელოვნური იმპლანტის ორგანიზმში ჩასმით, ძვლების და სახსრების სხვადასხვა სეგმენტების გასამაგრებლად, ეს მეტალი გახლავთ გარკვეული ღირებულების. რაც საკმაოდ ძვირია მთელს მსოფლიოში. იმპლანტის ხარისხის განმსაზღვრელი, ძირითადად გახლავთ მსოფლიოს წამყვანი ქვეყნის რეესტრები, მათგან მხოლოდ რამდენიმე მოიპოვება საქართველოში. დი არ ჯის ფასების გათანაბრებამ გამოიწვია, უხარისხო, საერთოდ რეგისტრში არ მყოფი იმპლანტების ამოტივტივება, რაც შემდგომში პირდაპირპროპორციულია ჩატარებული ოპერაციის ხარისხსა და შედეგზე! 4 თვიანი ლოდინის, საუბრების და პეტიციების მიუხედავად-არაფერი იცვლება.ჩატარებული ოპერაციიდან მიღებულ ხელფასზე ხომ საერთოდ ზედმეტია ლაპარაკი- ძირითადად 80-120 ლარის დიაპაზონში მერყეობს! ვინაიდან მე გახლავართ სახელმწიფო კლინიკის თანამშრომელი, ჩვენთან (გამომდინარე გარემოებებიდან) საერთოდ შეუძლებელია ვარირება იმპლანტებთან მიმართებაში. ანუ- მე მაქვს უფლება ჩაგიყენოთ “ნაგავი” 80-120 ლარად!!! და მორჩა.შესაბამისად - მე, ლევან ჩიკვატია, იძულებული ვარ შევწყვიტო (იმედია დროებით) ჩემი პრაქტიკული მოღვაწეობა თსსუ -ის პირველ საუნივერსიტეტო კლინიკაში. სხვა სიტყვებით რომ ავხსნა, 80-120 ლარად ვიხმარო ნაგავი. მე მიყვარს ჩემი უნივერსიტეტი და რა თქმა უნდა ვაგრძელებ პედაგოგიურ მოღვაწეობას აქვე, იმ იმედით, რომ რაღაცა შეიცვლება, რისიც აღარ მჯერა. აქვე მოგიყვანთ 490 გვერდიანი წიგნის ფოტოს თუ რა არის დი არ ჯი ევროპაში, (ხელმისაწვდომია უფასოდ) რაც არ მგონია ბევრს წაკითხული ჰქონდეს. 490 გვერდი ხუმრობა არ არის . სიახლეებს შემდგომში მოგაწვდით, ამ ეტაპისთვის ასეა.ვიცი, რომ კოლეგები მხარს დამიჭერენ და არა მარტო, ისიც ვიცი, რომ ელოდებიან ვინ პირველი აყვირდება, დაე ვიყო! ვთვლი, რომ ეს ჩემი ვალია. დაკავებული თანამდებობიდან გამომდინარე მინიმუმ. დროებით,"- წერს ლევან ჩიკვატია.ცნობისათვის, სამედიცინო დაწესებულებებში, მომსახურების დიაგნოზთან შეჭიდული ჯგუფებით (DRG) დაფინანსების ახალი მოდელი ამოქმედდა. ჯანდაცვის სამინისტროში ამბობენ, რომ DRG, მსოფლიოს განვითარებულ ქვეყნებში, დაფინანსების ფართოდ აპრობირებული მოდელია, რომლითაც ავტომატურად გამოითვლება ის სამართლიანი ფასი, რასაც სამინისტრო, მოქალაქეების ხარისხიანი მკურნალობისთვის გადაიხდის. დაფინანსების მოცულობას პაციენტის დიაგნოზი, ასაკი, ჰოსპიტალიზაციის ხანგრძლივობა და სხვა კრიტერიუმები განსაზღვრავს.

1674044816

 ზურაბ აზარაშვილი
"2026 წლისთვის იგეგმება, რომ ქრონიკული დაავადებების მქონე პაციენტების მედიკამენტების ღირებულების 90%-მდე სახელმწიფომ აანაზღაუროს" - ჯანდაცვის მინისტრი 

"2026 წლისთვის იგეგმება, რომ ქრონიკული დაავადებების მქონე პაციენტების მედიკამენტების ღირებულების 90%-მდე სახელმწიფომოს აანაზღაუროს," - განაცხადა საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრმა, ზურაბ აზარაშვილმა.მისივე თქმით, სწორედ აღნიშნული გეგმიდან გამომდინარე, სახელმწიფოს სურს, რომ მედიკამენტებს სამართლიანი ღირებულება ჰქონდეთ."დღეს განხილული რეფორმა, რომელიც რეფერენტულ ფასებს და ფარმაცევტულ ბაზარზე სხვადასხვა ცვლილებას ემსახურება, გულისხმობს იმას, რომ 2026 წლისთვის, ქრონიკული დაავადებების მქონე პაციენტების მედიკამენტების ღირებულების 90%-მდე სახელმწიფომ უნდა უზრუნველვყოთ. თუ ჩვენს გეგმას პერიოდულად ნახულობთ, მას ძალიან მკაცრად მივყვებით.სწორედ აქედან გამომდინარე, გვინდა, რომ სწორი ფასწარმოქმნა და მედიკამენტებზე სამართლიანი ფასები იყოს, რადგან პაციენტებს მედიკამენტების ღირებულების უდიდესი ნაწილი ჩვენ უნდა გადავუხადოთ," - განაცხადა ზურაბ აზარაშვილმა.

1673861430

წამლები
საქართველოს მთავრობა ავრცელებს იმ მედიკამენტების ჩამონათვალს, რომლებზეც ფასის ზედა ზღვარი დაწესდა

ფარმაცევტულ კომპანიებს განსაზღვრულ ფასზე ძვირად წამლის გაყიდვა 15 თებერვლიდან აღარ შეეძლებათ.როგორც მთავრობის ფეისბუკ გვერდზეა აღნიშნული, რეფერენტული ფასი, პირველ ეტაპზე, 1300-ზე მეტ ქრონიკულ და ონკოლოგიურ მედიკამენტზე დაწესდა. ეტაპობრივად კი სხვა მედიკამენტებზეც განისაზღვრება.მედიკამენტებზე განსაზღვრული რეფერენტული ფასი ორიგინალისა და მისი ანალოგი გენერიკებისთვის განსხვავებულია, რაც ბაზარზე საერთაშორისო ბრენდების ინტერესს დააზღვევს.ზღვრული მაქსიმალური ფასები საბითუმო და საცალო რეალიზაციის დონეზე დაწესდა.ცვლილება, მოსახლეობისთვის მედიკამენტებზე ხელმისაწვდომობის ზრდას ისახავს მიზნად.მედიკამენტების ჩამონათვალი იხილეთ ბმულზე.

1673852781

მედიკამენტები
15 თებერვლიდან რეფერენტული ფასებით მედიკამენტების რეალიზაცია აფთიაქებისთვის სავალდებულო ხდება

15 თებერვლიდან რეფერენტული ფასებით მედიკამენტების რეალიზაცია აფთიაქებისთვის სავალდებულო ხდება.ჯანდაცვის სამინისტრომ 1300-ზე მეტ ქრონიკულ და ონკოლოგიურ მედიკამენტზე ფასის ზედა ზღვარი დააწესა.ჯანდაცვის უწყება ფარმაცევტულ სექტორს ფასების გადახედვისთვის ვადას 31 იანვრამდე აძლევს.თუკი სექტორი რომელიმე მედიკამენტის ფასზე დასაბუთებულ არგუმენტს წარმოადგენს, სამინისტროში შექმნილი სპეციალური საბჭო აღნიშნულს განიხილავს და ზოგიერთ წამალზე შესაძლოა, ფასი დაკორექტირდეს.

1673779620

21/07/2022
"სასიცოცხლოდ მნიშვნელოვანია, არსებობდეს ბავშვთა და მოზრდილთა ონკოლოგიური დაწესებულების სახელმწიფო ალტერნატივა" - ზურაბ აზარაშვილი

"აუცილებელი და სასიცოცხლოდ მნიშვნელოვანია, არსებობდეს ბავშვთა და მოზრდილთა ონკოლოგიური დაწესებულების სახელმწიფო ალტერნატივა," - ამის შესახებ ჯანდაცვის მინისტრმა ზურაბ აზარაშვილმა განაცხადა.უწყების ხელმძღვანელმა ონკოლოგიური დაავადებების მქონე ბავშვებისთვის საჭირო სერვისებზე ისაუბრა და აღნიშნა, რომ ამ მიმართულებით სამინისტროში მუშაობა დაწყებულია."დაახლოებით, 2 თვის წინ, როცა „იაშვილის კლინიკაში“, სამინისტროს მხრიდან, სხვადასხვა პრობლემები დაფიქსირდა, დავაყენეთ საკითხი იმასთან დაკავშირებით, თუ რატომ არ არის ონკოლოგიური დაავადებების მქონე ბავშვებისთვის საჭირო სერვისის მიმწოდებელი სხვა დაწესებულება და რატომ არ შეიძლება იყოს ეს სახელმწიფო?! პრობლემები, რაც იყო დაფიქსირებული მშობლების მხრიდან, მკურნალობისა და ექიმებთან კომუნიკაციის ნაწილში, მაქსიმალურად გავითვალისწინეთ და მივიღეთ გადაწყვეტილება, რომ აუცილებელი და სასიცოცხლოდ მნიშვნელოვანია, არსებობდეს ბავშვთა და მოზრდილთა ონკოლოგიური დაწესებულების სახელმწიფო ალტერნატივა“, - აღნიშნულის შესახებ ზურაბ აზარაშვილმა განაცხადა.მინისტრმა "იხილოვის სამედიცინო ცენტრთან“ თანამშრომლობის შესახებაც ისაუბრა და აღნიშნა, რომ უცხოელი კოლეგების გამოცდილება ქართულ მხარეს მნიშვნელოვნად დაეხმარება."უკვე შეიქმნა სპეციალური ჯგუფი, რომელიც სხვადასხვა ქვეყნების გამოცდილებას და პრაქტიკას ეცნობოდა. ერთ-ერთი ყველაზე კარგი პრაქტიკა ისრაელს აქვს. გასული 2 დღის განმავლობაში, სამინისტროს მოწვევით შეხვედრები გაიმართა ისრაელის დელეგაციასთან, ადგილზე მოხდა იმ შესაძლებლობების შეფასება, თუ რა შესაძლებლობები გვაქვს ქვეყანაში ამ მიმართულებით, როგორც ინფრასტრუქტურული, ისე - აღჭურვილობის კუთხით. ძალიან მნიშვნელოვანი კომპონენტია, ასევე, განათლებისა და მედ პერსონალის საკითხი, რადგან ახალგაზრდა თაობისთვის, რომელიც ამ მიმართულებით აპირებს რეზიდენტურის გაგრძელებას, რეზიდენტული პროგრამები უნდა შეიქმნას ნულიდან. მანამდე კი, წარმატებული სტუდენტების გაგზავნა უცხოეთში სახელმწიფო დაფინანსებით მოხდება. სწავლის დასრულების შემდგომ კი ისინი მუშაობას სახელმწიფო კლინიკაში განაგრძობენ“, - ამის შესახებ ზურაბ აზარაშვილმა განაცხადა.

1673628299

ზურაბ აზარაშვილი
"15 იანვრიდან, მედიკამენტებზე რეფერენტული ფასები განისაზღვრება" - ზურაბ აზარაშვილი

"15 იანვრიდან მედიკამენტებზე რეფერენტულ ფასებს განვსაზღვრავთ. უკვე 15 თებერვლიდან სრულად შევა ძალაში და ყველა კომპანია, იმპორტიორი, დისტრიბუტორი თუ საცალო მოვაჭრე ვალდებული იქნება, რომ მაქსიმალური ზედა ზღვარი ამ ფასების მიხედვით დაადგინოს," - ამის შესახებ ზურაბ აზარაშვილმა განაცხადა.ჯანდაცვის მინისტრის თქმით, ფარმაცევტულ სექტორს, ფასების გადახედვისთვის ვადა 31 იანვრამდე ექნებათ. თუკი სექტორი, რომელიმე  მედიკამენტის ფასზე დასაბუთებულ არგუმენტს წარმოადგენს სამინისტროში შექმნილი სპეციალური საბჭო აღნიშნულს განიხილავს.მინისტრის განცხადებით, რეფერენტული ფასების დაწესება იმ რეფორმის ერთ-ერთი კომპონენტია, რომლის მიზანიც მოქალაქეებისთვის მაქსიმალურად ხელმისაწვდომი და ხარისხიანი ჯანდაცვის, თუ მედიკამენტების მიწოდებაა.მინისტრმა კონტროლისა და აღსრულების მექანიზმებზეც ისაუბრა და აღნიშნა, რომ რეგულაციების დამრღვევებს სხვადასხვა ტიპის სანქციები დაუწესდებათ."წამლის კანონში ძალიან მნიშვნელოვანი კონტროლის მექანიზმი ჩავდეთ, რომელიც ნებისმიერი საბითუმო თუ საცალო ქსელისთვის ითვალისწინებს ვალდებულებას, რომ რეგულირების სააგენტოს გამოუჩნდეს ნაშთები, მედიკამენტების ჩამონათვალი და ფასები. ეს ძალიან მნიშვნელოვანი მექანიზმია, არამხოლოდ რეფერენტული ფასების მიზნებისთვის, არამედ იმ მიზნებისთვის რომელიც დაკავშირებულია ელექტრონული რეცეპტების გამოწერასთან, მედიკამენტების მოძრაობასთან ქვეყანაში, ის რომ არ შეიქმნას ხელოვნური დეფიციტი და ა.შ.“,  - განაცხადა ზურაბ აზარაშვილმა.ჯანდაცვის მინისტრის თქმით, უწყება, პარალელურად წამლის მიკვლევადობის სისტემის შექმნაზე მუშაობს. სისტემის საშუალებით, ნებისმიერ პირს და ასევე მარეგულირებელს უჩნდება შესაძლებლობა, შტრიხკოდის საშუალებით, მედიკამენტთან დაკავშირებული ინფორმაცია მარტივად მიიღოს. ზურაბ აზარაშვილის თქმით, აღნიშნული ფალსიფიცირებული და ვადაგასული მედიკამენტების  მიმოქცევის კონტროლის კიდევ ერთი მნიშვნელოვანი ბერკეტი იქნება.

1673628060

სამედიცინო და ფარმაცევტული საქმიანობის რეგულირების სააგენტო
სამედიცინო და ფარმაცევტული საქმიანობის რეგულირების სააგენტომ პრეპარატი ნოლგრიპ ჯუნიორი (NOLGRIPP Junior) ბაზრიდან გამოითხოვა

სამედიცინო და ფარმაცევტული საქმიანობის რეგულირების სააგენტომ კომპანია Marion Biotech-ის მიერ წარმოებული პრეპარატი, ნოლგრიპ ჯუნიორი - NOLGRIPP Junior, (125მგ + 5მგ + 1მგ)/5მლ ბაზრიდან გამოითხოვა."გადაწყვეტილების მიზეზი, ჯანდაცვის მსოფლიო ორგანიზაციის რეკომენდაცია გახდა, რომლის მიხედვითაც, იგივე მწარმოებლის, სამკურნალო პრეპარატები – DOK-1 Max და AMBRONOL - მინარევის სახით, დიეთილენ გლიკოლს და/ან ეთილენგლიკოლს შეიცავდა. აღნიშნული ნივთიერებები ტოქსიკურია ადამიანისთვის და მისი მოხმარება შესაძლოა ფატალურიც გახდეს.საზოგადოების ინფორმირებისთვის განვმარტავთ, რომ ზემოაღნიშნული წამლების რეალიზაცია საქართველოს ბაზარზე არ ხდება. თუმცა, რეგულირების სააგენტომ შეაჩერა და ბაზრიდან გამოითხოვა, იგივე მწარმოებლის სხვა პრეპარატი.ფარმაცევტული პროდუქტის იმპორტიორებსა და რეალიზატორებს დაევალათ, შეაჩერონ წამლის რეალიზაცია, გამოითხოვონ ბაზრიდან და გატარებული ღონისძიებების შესახებ ინფორმაცია წარუდგინონ სამედიცინო და ფარმაცევტული საქმიანობის რეგულირების სააგენტოს," - აღნიშნულია განცხადებაში.

1673610377

 ზურაბ აზარაშვილი
მთავრობის დადგენილებით, 2025 წლის იანვრიდან საყოველთაო ჯანდაცვის პროგრამაში ჩართულ კლინიკებს საერთაშორისო აკრედიტაციის ვალდებულება ექნებათ

მთავრობის დადგენილებით, 2025 წლის იანვრიდან ყველა სამედიცინო კლინიკას, სტაციონარს, რომელიც მონაწილეობს საყოველთაო ჯანდაცვის პროგრამაში, ექნება ვალდებულება, გაიაროს საერთაშორისო აკრედიტაცია. - ამის შესახებ საქართველოს ჯანდაცვის მინისტრმა ზურაბ აზარაშვილმა მთავრობის დღევანდელი სხდომის დასრულების შემდეგ განაცხადა."მთავრობის დადგენილებით, მივიღეთ გადაწყვეტილება, რომ 2025 წლის იანვრიდან ყველა სამედიცინო კლინიკას, სტაციონარს, რომელიც მონაწილეობს საყოველთაო ჯანდაცვის პროგრამაში, აქვს ვალდებულება, გაიაროს საერთაშორისო აკრედიტაცია და ეს იქნება ჩვენ მიერ შეთავაზებული ხუთი მაკრედიტირებელი საერთაშორისო კომპანიიდან ერთ-ერთი. მხოლოდ აკრედიტაციის დაკმაყოფილების შემთხვევაში ექნებათ მათ შესაძლებლობა, გააგრძელონ საყოველთაო ჯანდაცვის პროგრამით სარგებლობა," - აღნიშნა ზურაბ აზარაშვილმა.ამავდროულად, მინისტრის განმარტებით, მიმდინარეობს მუშაობა სამედიცინო აღჭურვილობისა და სამედიცინო სახარჯი მასალების რეგულირების საკითხზე."აქტიურად ვმუშაობთ, ვფიქრობ, მთავრობის მომდევნო სხდომაზე გამოვიტანთ სამედიცინო აღჭურვილობისა და სამედიცინო სახარჯი მასალების რეგულირების საკითხს, რომელიც გვინდა, 2024 წლიან სავალდებულოდ შემოვიდეს და ქვეყანაში წარმოებული, თუ იმპორტირებული ნებისმიერი სამედიცინო აღჭურვილობა, თუ სახარჯი მასალა იქნება მკაცრად გაკონტროლებული. შესაბამისად, ეს არის ერთ-ერთი ნაწილი ხარისხიანი სამედიცინო მომსახურების. ამიტომ არის მნიშვნელოვანი,"  - განაცხადა ზურაბ აზარაშვილმა. 

1672058997

აზარაშვილი ელჩი
ზურაბ აზარაშვილი ევროკავშირის ელჩ პაველ ჰერჩინსკის შეხვდა

ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი, ზურაბ აზარაშვილი ევროკავშირის ელჩ პაველ ჰერჩინსკის შეხვდა.ზურაბ აზარაშვილმა პაველ ჰერჩინსკის მიმდინარე რეფორმები და სიახლეები გააცნო.საუბარი შეეხო მაღალი ხარისხის ჯანდაცვის სერვისებისა და მედიკამენტების მაქსიმალური ხელმისაწვდომობისთვის დაწყებულ რეფორმებს.ასევე, განიხილეს სოციალურად დაუცველთა საზოგადოებრივ სამუშაოებზე დასაქმების პროგრამა და დევნილთა განსახლების პროექტი, რომელიც მომდევნო სამი წლის განმავლობაში, 13 000 ოჯახის საცხოვრებელი ფართებით დაკმაყოფილებას გულისხმობს.გაცნობითი ხასიათის შეხვედრაზე, მხარეებმა, საქართველოსა და ევროკავშირს შორის თანამშრომლობის მნიშვნელობაზე ისაუბრეს. მათ შორისაა პირველადი ჯანდაცვის დაწესებულებებში ტელემედიცინის დანერგვის პროცესი, რომელიც ევროკავშირის ფინანსური მხარდაჭერით ხორციელდება და ჯანდაცვის სისტემის განვითარების მნიშვნელოვან წინაპირობას ქმნის.შეხვედრაზე ხაზი გაესვა შრომის ინსპექციის სამსახურის მნიშვნელობას, რომელიც ევროკავშირის ჩართულობითა და მხარდაჭერით შეიქმნა.ასევე ისაუბრეს ევროკავშირის ტექნიკური მხარდაჭერით შექმნილ 2022-2030 წლების ჯანმრთელობის დაცვის ეროვნულ სტრატეგიაზე. როგორც ჯანდაცვის მინისტრმა აღნიშნა, უწყება, მთელ რიგ რეფორმებს, სწორედ ამ დოკუმენტის შესაბამისად ახორციელებს.ზურაბ აზარაშვილმა, პაველ ჰერჩინსკის, ჰოსპიტალურ სექტორში დაგეგმილი რეფორმაც გააცნო, რომლის მიხედვითაც, საყოველთაო ჯანდაცვის პროგრამაში ჩართული კლინიკებისთვის, 2025 წლიდან, ხარისხის საერთაშორისო სტანდარტის დაკმაყოფილება სავალდებულო იქნება. შეხვედრაზე, მხარეებმა, სამომავლო გეგმები და თანამშრომლობის პერსპექტივებიც განიხილეს. ინფორმაციას ჯანდაცვის სამინისტრო ავრცელებს.

1671520273

თამარ გაბუნია
„სეზონური ვირუსები, უმეტეს შემთხვევაში, უნდა იმართოს ბინაზე, ექიმის მეთვალყურეობის ქვეშ“ - თამარ გაბუნია

„როგორ წესი, ამ ვირუსებს ახასიათებს რესპირაციული სიმპტომები, ცხელება, რომელიც 4-5 დღეს გრძელდება. ეს არის ჩვეულებრივი შემთხვევები და მკურნალობა უნდა მიმდინარეობდეს ბინაზე, ექიმის მეთვალყურეობის ქვეშ. თუ რაიმე გართულებასთან გვაქვს საქმე, მაგალითად, მაღალი ტემპერატურა გაგრძელდა 7 დღეს, უკვე საყურადღებოა“, - აღნიშნავს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის მოადგილე თამარ გაბუნია.მისივე განცხადებით, მიზანშეწონილი არ არის თვითმკურნალობა და დაბალი ტემპერატურის დროს, სხვადასხვა დამწევი მედიკამენტის მიღება. მინისტრის მოადგილემ ქრონიკული დაავადებების მქონე პაციენტებს კი მეტი სიფრთხილისკენ მოუწოდა.„ასეთ დროს, შეგვიძლია მივმართოთ ექიმს და მივიღოთ, თუნდაც, სატელეფონო კონსულტაცია. ოჯახის ექიმები მზად არიან, პაციენტთან ბინაზეც მივიდნენ. გასული 2 წლის განმავლობაში, კორონავირუსის გავრცელების თავიდან ასაცილებლად, გვქონდა რეკომენდაცია, სატელეფონო კონსულტაციები გაეცათ. ახლა კი, როცა ყველაზე დაბალია COVID-19-ის გავრცელება, ექიმი, შესაბამისი ეკიპირებითა და ნორმების დაცვით, მივა ბინაზე, შეაფასებს მდგომარეობას, გასცემს დანიშნულებას“, - ამბობს თამარ გაბუნია.მისივე განცხადებით, ვირუსების პრევენციისთვის ძალიან მნიშვნელოვანია ვაქცინაცია, რომელიც 6 თვის ასაკიდან, ნებისმიერი მსურველისთვის უფასოა.აღსანიშნავია, რომ დღეს, სეზონური ვირუსების საწინააღმდეგო 4-კომპონენტიანი ვაქცინა ხელმისაწვდომია მთელი ქვეყნის მასშტაბით.

1670427645

ივანე ჩხაიძე
"ტრიპლდემია – სამი ვირუსი ერთდროულად ცირკულირებს"- ივანე ჩხაიძე

"ქვეყანაში ერთდროულად სამი ვირუსი ცირკულირებს, რასაც ტრიპლდემია ეწოდება." - განაცხადა, დღეს გამართულ პრესკონფერენციაზე, იაშვილის სახელობის ბავშვთა ცენტრალური საავადმყოფოს სამედიცინო დირექტორმა, თსსუ-ის პროფესორმა ივანე ჩხაიძემ.მისივე თქმით, კლინიკურ სიმპტომებზე დაყრდნობით მოსახლეობისთვის რთული იქნება ვირუსის პირდაპირი განსაზღვრა."ტრიპლდემია – ერთდროულად სამი ვირუსი ცირკულირებს. გრიპი, რესპირაციული ვირუსული ინფექციები და კორონავირუსი – სამი ვირუსის ზემოქმედებაა მოსახლეობაზე. ეს არ არის მხოლოდ საქართველოს რეალობა. კლინიკურ სიმპტომებზე დაყრდნობით, პირდაპირ განსაზღვრება, რომ ეს არის გრიპი, კორონავირუსი თუ რესპირაციულ-სინციტიური ვირუსი, ამას სჭირდება ექიმი. მოსახლეობისთვის ძალიან რთული იქნება გარჩევა, ვინაიდან სამივე ვირუსისთვის დამახასიათებელია ცხელება, ხველა, ყელის ტკივილი. ასე რომ, სიმპტომები გარკვეულწილად იდენტურია.თუმცა, არის გარკვეული განსხვავება თუნდაც ტემპერატურის თვალსაზრისით. კორონავირუსის ის ვარიანტი, რომელიც ახლა ცირკულირებს, არ ხასიათდება მაღალი ტემპერატურით. ომიკრონისთვის დამახასიათებელია დაბალი ტემპერატურა 37.5-38-ის ფარგლებში, შესაძლოა უსიმპტომოდ მიმდინარეობდეს, მაშინ როდესაც, გრიპისთვის ტიპურია 38-ზე მაღალი სიცხე, ძლიერი თავის ტკივილი, ყელის ტკივილი, კუნთებისა და სახსრების ტკივილი, ძლიერი სისუსტე, ხველა. დაავადების მიმდინარეობა ზოგადად გრიპის დროს ყოველთვის მძიმეა, განსხვავებით ომიკრონისგან. თუ ვისაუბრებთ რესპირაციულ-სინციტიურ ვირუსზე იქ მცირე ასაკის ბავშვებში ძირითადი აქცენტი არის ბრონქიოლების პროცესში ჩართვაზე, რაც გამოიხატება შეტევითი ხასიათის ხველით, მსტვინავი სუნთქვით, სუნქვის გაძნელებით, ეს ნიუანსი არც გრიპისთვის და არც კორონავირუსისთვის დამახასიათებელი არ არის," - განაცხადა ივანე ჩხაიძემ.მისივე თქმით, სამივე ვირუსის შემთხვევაში ყველაზე სერიოზული და ყველაზე ხშირი გართულება არის ფილტვების ანთება."იაშვილის კლინიკაში, პაციენტების მომართვიანობა მკვეთრად არის გაზრდილი. იმის გათვალისწინებით, რომ მიმართვიანობა პედიატრიულ სტაციონარებში გაზრდილია, რა თქმა უნდა, სტაციონარში მოთავსების აუცილებლობა ხშირი ხდება. დროული მიმართვიანობის შემთხვევაში, დაავადება მართვადია. წლამდე ასაკის ბავშვი ნებისმიერ ვირუსის დროს მაღალ რისკს განეკუთვნება და საავადმყოფოში უნდა იმართოს," - განაცხადა ჩხაიძემ. 

1670402360

ჯანდაცვის სამინისტრო
სეზონური გრიპის უფასო ვაქცინაცია 10 დეკემბრის ჩათვლით გაგრძელდება

10 დეკემბრის ჩათვლით გრიპის საწინააღმდეგო ვაქცინაცია ნებისმიერი მსურველისთვის უფასო იქნება. - ამის შესახებ ინფორმაციას, ჯანდაცვის სამინისტრო ავრცელებს.ნებისმიერი მსურველი მომსახურებას ვაქცინაციის პროცესში ჩართულ 400-მდე სამედიცინო დაწესებულებაში მიიღებს.იმუნიზაციის სახელმწიფო პროგრამის ფარგლებში, საქართველომ 200 000 დოზა "სანოფი პასტერის" წარმოების ოთხკომპონენტიანი ვაქცინა შეიძინა, რომელიც ერთ-ერთია ჯანდაცვის მსოფლიო ორგანიზაციის მიერ რეკომენდებულ ვაქცინებს შორის.დაავადებათა კონტროლისა და საზოგადოებრივი ჯანმრთელობის ცენტრმა ვაქცინაცია სექტემბრის ბოლოს დაიწყო. პირველ ეტაპზე, მომსახურება დაავადების გართულების მომატებული რისკის მქონე პირებმა მიიღეს, 5 ნოემბრიდან კი ვაქცინაცია ნებისმიერი მსურველისთვის უფასო გახდა. მოგვიანებით ამ ვადამ 30 ნოემბრამდე გადაიწია. ჯანდაცვის სამინისტროს გადაწყვეტილებით, 5 დეკემბრიდან 10 დეკემბრის ჩათვლით ვაქცინაცია ნებისმიერი მსურველისთვის ისევ უფასო იქნება.

1670396637