"ქვეყანაში ფქვილის მარაგის პრობლემა არ არსებობს" - გიორგი ხანიშვილი 

გიორგი ხანიშვილი

"იმისათვის, რომ საქართველოს მოსახლეობამ მიიღოს მაქსიმალურად იაფი პური, სახელმწიფომ ხელი შეუწყო ქვეყანაში იაფი ფქვილის შემოტანას, რაც ბუნებრივია, პრიორიტეტულია," - ამის შესახებ სოფლის მეურნეობის მინისტრის მოადგილე გიორგი ხანიშვილმა განაცხადა.

მისივე თქმით, ფქვილის შემოტანამ ავტომატურად გამოიწვია ხორბლის მარაგების შემცირება, რადგან ერთდროულად ორივეს მარაგი ვერ იქნება.

"რადგან ერთდროულად ორივე ვერ იქნება. ხორბალი ვერ დაიფქვება, თუ ბაზარზე იქნება იაფი ფქვილი. ეს მოტივირებულია იქიდან გამომდინარე, რომ მოსახლეობამ მიიღოს მაქსიმალურად იაფი ფქვილი, რაც კი შეიძლება დღეს მსოფლიო ბაზარზე არსებობდეს. ამიტომ, მარაგების თვალსაზრისით ბუნებრივია, პრობლემა არ არის, მარაგი დღეისთვის არის ფქვილში, არა ხორბალში. დაახლოებით თვე-ნახევარ, ორ თვეში უკვე დაიწყება ადგილობრივი ხორბლის მოსავლის აღება. მთელ მსოფლიოში იწყება უკვე ახალი სეზონი, რომელიც ივლის-აგვისტოში იქნება. ეს თავისთავად იწვევს უკვე ახალი მოსავლის და ახალი საფასო პოლიტიკის შემუშავებას. ჩვენ იმედი გვაქვს, რომ იმ ახალ საფასო პოლიტიკაში დალაგდება პურის ფასი მსოფლიოში და ხორბლის ფასები უფრო სტაბილური და უფრო მისაღები იქნება. შესაბამისად, უკვე ამ პერიოდისთვის საქართველოს მთავრობა შეიმუშავებს იმ ადეკვატურ პოლიტიკას, რომელიც მისაღები იქნება მთლიანად სექტორისათვის." - განაცხადა სოფლის მეურნეობის მინისტრის მოადგილემ.

რაც შეეხება კითხვას, ადგილობრივი ხორბლის როგორ მოსავალს ელოდებიან წელს საქართველოში და რა კეთდება მოსავლიანობის გაზრდისთვის, ხანიშვილის თქმით, სამინისტროს აქვს სისტემური პროექტები ფერმერების დასახმარებლად.

„ჩვენ ყოველწლიურად გვაქვს სისტემური პროექტები, რომელიც ეხმარება ფერმერებს, რომ ერთის მხრივ კაპიტალზე წვდომა გაძლიერდეს, მეორეს მხრივ წელს უკვე გავაკეთეთ დამატებითი პროექტი, 5-დან 100 ათას ლარამდე შეღავათიანი აგროსესხი, უკვე საბრუნავი საშუალებებისთვის. ეს კომპლექტში ჩვენ გვაძლევს იმის საშუალებას, რომ მივეხმაროთ ფერმერებს. ფერმერების მიხმარება ყოველწლიურად შედეგს გვაძლევს. ჩვენ გასულ წელს გვქონდა დაახლოებით 140 ათასი ტონა ხორბლის მოსავალი, წელს ვიმედოვნებთ, რომ 150 ათას ტონაზე მეტი იქნება," - განაცხადა ხანიშვილმა.

მისივე თქმით, ქვეყანაში არანაირ პროდუქტზე დეფიციტი არ არის.

"არანაირ პროდუქტზე ქვეყანაში დეფიციტი არ არის. თქვენ იცით, რომ სამინისტროს ომის დაწყებისთანავე ყოველკვირეულად, ახლა კი, ორ კვირაში ერთხელ გვაქვს კომუნიკაცია იმპორტიორებთან. წარმატებით მიმდინარეობს ქვეყნის მომარაგება ნებისმიერი სასურსათო მიმართულებით, არცერთ პროდუქტზე არანაირი დეფიციტის ნიშნებიც კი არ არის." - განაცხადა სოფლის მეურნეობის მინისტრის მოადგილემ.

უახლესი
კადიროვი
"ექვს წამში გაჩვენებთ, რა შეგვიძლია!" - კადიროვი პოლონეთს რუსეთის ელჩისთვის წითელი საღებავის შესხმის გამო ბოდიშის მოხდას სთხოვს

ჩეჩნეთის ლიდერი, რამზან კადიროვი პოლონეთს რუსეთის ელჩისთვის წითელი საღებავის შესხმის გამო ბოდიშის მოხდას სთხოვს.რამზან კადიროვი შესაბამისი მოთხოვნის შესახებ "ტელეგრაფზე" გავრცელებულ ვიდეომიმართვაში საუბრობს."უკრაინა დახურული საკითხია. მე მაინტერესებს პოლონეთი. რას აპირებს პოლონეთი? უკრაინის შემდეგ თუ გუნდი იქნება, ექვს წამში გაჩვენებთ, რა შეგვიძლია. სჯობს წაიღოთ თქვენი იარაღი და დაქირავებულები. ჩვენი ელჩის გამო ოფიციალურ ბოდიშს ვითხოვთ. ჩვენ ამას ასე არ დავტოვებთ, გაითვალისწინეთ," - ამბობს რამზან კადიროვი.შეგახსენებთ, რომ 9 მაისს, რუსეთის ელჩს სერგეი ანდრეევს ვარშავაში წითელი საღებავი შეასხეს. ინციდენტი მაშინ მოხდა, როდესაც ის მეორე მსოფლიო ომის დროს დაღუპულების მემორიალს ყვავილებით ამკობდა.  

საზოგადოება 1653508320

თინათინ ხიდაშელი ირაკლი კობახიძე
"ივანიშვილი კობახიძეს არა მარტო საშიშად მიიჩნევდა, პარტიიდან მის გაგდებასაც აპირებდა" - თინა ხიდაშელი

ივანიშვილი კობახიძეს არა მარტო საშიშად მიიჩნევდა, პარტიიდან მის გაგდებასაც აპირებდა – უსუფაშვილმა გადაარჩინა მაშინ, მაგრამ დღეს ამ ყველაფერს მნიშვნელობა არ აქვს თინა ხიდაშელი - საქართველოს თავდაცვის ყოფილი მინისტრი"პალიტრანიუსი“ - გადაცემა "360 გრადუსი" 

ციტატა 1653505506

22/03/2022
"არ ვიცი, სინდისის წინაშე თავის გამართლებას როგორ შეძლებს" - მსოფლიო პატრიარქი რუსეთის პატრიარქ კირილზე

"არ ვიცი, როგორ უნდა იმართლოს თავი სინდისის წინაშე," - ამის შესახებ მსოფლიო პატრიარქმა, ბართლომეოსმა ბერძნულ ტელეარხთან ინტერვიუში განაცხადა.ამასთან, როგორც მსოფლიო პატრიარქმა ინტერვიუში განაცხადა, რუსეთის მართლმადიდებელმა ეკლესიამ უკრაინაში რუსეთის სრულმასშტაბიანი შეჭრის მხარდაჭერის გამო, მართლმადიდებელ ქრისტიანებს იმედები გაუცრუა."ყველა ეკლესიისთვის უკრაინაში ომისა და ძალადობის არდაგმობა შეუძლებელი იყო, რუსეთის ეკლესიამ კი იმედები გაგვიცრუა. მე არ მინდა, რომ რუსეთის ეკლესია და პატრიარქი კირილე ამ გამონაკლისში შედიოდნენ. მე არ ვიცი, სინდისის წინაშე თავის გამართლებას როგორ შეძლებს. ველოდებოდი, რომ ძმა კირილე კრიტიკულ ვითარებაში სიმტკიცეს გამოიჩენდა და თუ საჭირო იქნებოდა, თავის ტახტს მსხვერპლად გაიღებდა და პუტინს ეტყოდა: ბატონო პრეზიდენტო, ვერ დაგეთანხმებით და უნდა გადავდგე"," - განაცხადა მსოფლიო პატრიარქმა.

მსოფლიო 1653504783

ევროკომისია
"როიტერსი" - ევროკომისია შეთავაზებით გამოდის, რუსეთის წინააღმდეგ დაწესებული სანქციების დარღვევა დანაშაულად გამოცხადდეს

სააგენტო "როიტერსის" ინფორმაციით, ევროკომისია შეთავაზებით გამოდის, რომ რუსეთის წინააღმდეგ დაწესებული სანქციების დარღვევა დანაშაულად გამოცხადდეს. როგორც აღნიშნული სააგენტო ევროკომისიის განცხადებაზე დაყრდნობით წერს, ზემოხსენებული ნაბიჯი წევრი ქვეყნების მთავრობებს საშუალებას მისცემს აქტივები ჩამოართვან იმ კომპანიებსა და კერძო პირებს, რომლებიც მოსკოვის წინააღმდეგ ევროკავშირის მიერ დაწესებულ სანქციებს დაარღვევენ.მათივე ცნობით, ევროკომისიის ინიციატივის მიზანია, რომ წევრი ქვეყნების მიდგომა გახდეს ერთიანი და სანქციების დარღვევა სერიოზულ დანაშაულად ჩაითვალოს ევროკავშირის წევრ 27-ვე ქვეყანაში."ამ შეთავაზების ამოცანაა, უზრუნველყოფილი იყოს, სანქციების დამრღვევი კერძო პირებისა და კომპანიებისთვის აქტივების ჩამორთმევის ეფექტური შესაძლებლობა", - წერია ევროკომისიის განცხადებაში.რაც შეეხება, იუსტიციის საკითხებში ევროკომისრის, დიდიე რეინდერსის განცხადებას, მისი თქმით, ევროკავშირის მიერ რუსეთის წინააღმდეგ სანქციების დარღვევა დანაშაულად ამჟამად მხოლოდ 12 წევრ ქვეყანაში ითვლება. 13 ქვეყანაში მსგავსი დარღვევა სისხლის სამართლის ან ადმინისტრაციულ დანაშაულად ითვლება. 2-ში კი ამ დარღვევას ადმინისტრაციულ დანაშაულად თვლიან.ამასთან, რეინდერსის განცხადებით, ევროკომისიის წინადადება მიზნად ისახავს ამ მიდგომის გაერთიანებას, რათა სანქციების თავიდან აცილება სერიოზულ დანაშაულად იქცეს ბლოკის 27-ივე წევრ ქვეყანაში.

მსოფლიო 1653504456

25/05/2022
[ვიდეო] "ნაცმოძრაობის" დასაშლელად ლიდერებს ვაჟკაცობა არ ეყოთ" - ლევან მამალაძე

"ნაციონალური მოძრაობის" დასაშლელად ლიდერებს ვაჟკაცობა არ ეყოთ. რაღაც ძველს არიან ჩამოკიდებული. ისინი ჩარჩნენ და ჰგონიათ, რომ ისევ ხელისუფლებაში არიან. ასევე, ჰგონიათ, რომ ისევ აკონტროლებენ სიტუაციას. ვერ მიხვდნენ და ვერ გაიაზრეს ის, რომ ისინი სახელმწიფოს ებრძვიან ლევან მამალაძე - ყოფილი მაღალჩინოსანი"ჯორჯიან თაიმსი" - გადაცემა "რეალური პოლიტიკა"

ციტატა 1653503943

უკრაინის საგარეო საქმეთა სამინისტრო
"უკრაინა გმობს ხერსონსა და ზაპოროჟიეში რუსული პასპორტების გამარტივებული წესით მიღების შესახებ ვლადიმერ პუტინის გადაწყვეტილებას" - უკრაინის საგარეო უწყება

"უკრაინა გმობს ხერსონსა და ზაპოროჟიეში რუსული პასპორტების გამარტივებული წესით მიღების შესახებ ვლადიმერ პუტინის გადაწყვეტილებას," - ამის შესახებ ინფორმაციას "ბიბისი" უკრაინის საგარეო საქმეთა სამინისტროს განცხადებაზე დაყრდნობით ავრცელებს.როგორც "ბიბისი" წერს, უკრაინის საგარეო უწყებაში აცხადებენ, რომ  იძულებით პასპორტიზაცია მორიგი მტკიცებულებაა უკრაინაში რუსეთის ომის დანაშაულებრივი მიზნებისთვის, მიიტაცოს უკრაინის ტერიტორიები შემდგომში მათი ოკუპაციისა და რუსეთის სამართლებრივ, პოლიტიკურ და ეკონომიკურ ველში ინტეგრაციისთვის."ხერსონისა და ზაპოროჟიეს ოლქებში უკანონო პასპორტიზაცია, ისევე როგორც ყირიმსა და დროებით ოკუპირებულ დონეცკისა და ლუგანსკის ოლქების ნაწილში, უკრაინის ტერიტორიული მთლიანობისა და სუვერენიტეტის, საერთაშორისო ჰუმანიტარული სამართლის პრინციპებისა და ნორმების უხეში დარღვევაა. ასევე წარმოადგენს, რუსეთის როგორც ოკუპანტი სახელმწიფოს ვალდებულებების – ჰააგის 1907 კონვენციის 45-ე მუხლისა და ომის დროს, სამოქალაქო მოსახლეობის დაცვის შესახებ 1949 წლის კონვენციის 47-ე მუხლის დარღვევას. რუსეთის პრეზიდენტის დადგენილება იურიდიულად ბათილია და სამართლებრივი შედეგები არ ექნება“, – ნათქვამია უკრაინის საგარეო საქმეთა სამინისტროს მიერ გავრცელებულ განცხადებაში.

მსოფლიო 1653503616