25/02/2022
"საერთაშორისო ოლიმპიური კომიტეტი ომის, მკვლელობისა და ნგრევის ხელშემწყობია" - პოდოლიაკი

"საერთაშორისო ოლიმპიური კომიტეტი ომის, მკვლელობისა და ნგრევის ხელშემწყობია," - ამის შესახებ უკრაინის პრეზიდენტის ადმინისტრაციის ხელმძღვანელის მრჩეველი, მიხაილო პოდოლიაკი "ტვიტერში" წერს."საერთაშორისო ოლიმპიური კომიტეტი სიამოვნებით უყურებს, როგორ ანადგურებს რუსეთი უკრაინას და შემდეგ რუსეთს გენოციდის პროპაგანდის პლატფორმას სთავაზობს და შემდგომ მკვლელობებს ახალისებს. ცხადია, რუსულ ფულს, რომელიც ოლიმპიურ ფარისევლობას ყიდულობს, უკრაინული სისხლის სუნი არ აქვს," - წერს პოდოლიაკი. შეგახსენებთ, რამდენიმე დღის წინ საერთაშორისო ოლიმპიურ კომიტეტში განაცხადეს, რომ არცერთ სპორტსმენს არ უნდა შეექმნას შეჯიბრებაში მონაწილეობის შეფერხება მხოლოდ პასპორტის გამო.  #IOC is a promoter of war, murder & destruction. The IOC watches with pleasure RF destroying 🇺🇦 & then offers 🇷🇺 a platform to promote genocide & encourages their further killings.Obviously ru-money that buys Olympic hypocrisy doesn’t have a smell of 🇺🇦 blood. Right, Mr. #Bach? — Михайло Подоляк (@Podolyak_M) January 30, 2023

1675094526

ზელენსკი მიკოლაევი
ვოლოდიმირ ზელენსკი მიკოლაევის რეგიონში ჩავიდა

უკრაინის პრეზიდენტი ვოლოდიმირ ზელენსკი მიკოლაევის რეგიონში ჩავიდა. - ამის შესახებ ინფორმაციას ზელენსკი Telegram-ზე ავრცელებს."სამუშაო ვიზიტი მიკოლაევის რეგიონში. რეგიონი გმირულად უძლებს ტერორისტების ყველა თავდასხმას"- აღნიშნავს ზელენსკი.ვიზიტის დროს მან შეხვედრზე რეგიონში არსებულ ვითარება მოისმინა.ზელენსკი განიხილა ოპერაციული სიტუაცია სამხრეთ უკრაინაში, ასევე ოკუპანტების მიერ სარაკეტო და უპილოტო თვითმფრინავების თავდასხმების შედეგები.ასევე განიხილეს რეგიონის ენერგეტიკული ინფრასტრუქტურის მდგომარეობა, მისი დაცვის საშუალებები და აღდგენის ტემპი.გარდა ამისა, საუბარი იყო მიკოლაევის რეგიონში საგანმანათლებლო დაწესებულებების აღდგენაზე, რეგიონის ეკონომიკის გრძელვადიან აღდგენასა და ახალი სამუშაო ადგილების შექმნაზე.ზელენსკიმ მიკოლაევის ერთ-ერთ საავადმყოფოში დაჭრილი უკრაინელი დამცველები მოინახულა."მნიშვნელოვანია, რომ ჩვენმა მებრძოლებმა შეძლონ არა მხოლოდ ფიზიკური, არამედ ფსიქოლოგიური რეაბილიტაციის გავლა. დიდი მადლობა ყველა მედიცინის მუშაკს, ვინც იცავს ჩვენი დამცველების ჯანმრთელობას. გისურვებთ მალე გამოჯანმრთელებას!" - განაცხადა ზელენსკიმ.

1675081460

341
341-ე დღე: ომი უკრაინაში - დღის სტენოგრამა

* 6 თვის წინ რუსეთმა ოლენივკაში საშინელი ტერაქტი განახორციელა. ოლენივკაში მზაკვრული მასობრივი მკვლელობა რუსი აგრესორის წინააღმდეგ საერთაშორისო ტრიბუნალზე წარდგენილი ერთ-ერთი ბრალდება იქნება, - ამის შესახებ უკრაინის პრეზიდენტმა, ვოლოდიმირ ზელენსკიმ განაცხადა. * უკრაინის თავდაცვის სამინისტროს მთავარი სადაზვერვო სამმართველოს ხელმძღვანელის, კირილ ბუდანოვის განცხადებით, უკრაინამ სისტემატურად უნდა დაასუსტოს რუსეთი, რისთვისაც მას ევროატლანტიკურ და ევროპულ სტრუქტურებში აქტიური ინტეგრაცია სჭირდება. * უკრაინის პრემიერ-მინისტრი აცხადებს, რომ უკრაინას ევროკავშირში გაწევრიანება ორი წლის განმავლობაში სურს. ამის შესახებ დენის შმიგალმა „პოლიტიკოსთან“ ინტერვიუში ისაუბრა. * უკრაინა თავისი საერთაშორისო მოკავშირეებისგან 24 მოიერიშე თვითმფრინავის მიღებას ელოდება. ამის შესახებ უკრაინის საჰაერო ძალების წარმომადგენელმა, იური იგნატმა განაცხადა. * რუსული ძალების მიერ ხარკოვზე განხორციელებული თავდასხმის შედეგად ერთი ადამიანი დაიღუპა - სამი კი - დაშავდა, - ინფორმაციას უკრაინული მედია ხარკოვის ოლქის სამხედრო ადმინისტრაციის ხელმძღვანელზე, ოლეგ სინეგუბოვზე დაყრდნობით ავრცელებს. * გუშინ ხერსონში, ოკუპანტების თავდასხმებს სამი ადამიანი ემსხვერპლა, 6 კი დაშავდა. - ამის შესახებ ინფორმაციას ოლქის ადმინისტრაცია ავრცელებს. * ამ ომში განმსაზღვრელი პლატფორმა არის ყირიმი, უკრაინის მთავრობას ესმის, რომ არ შეუძლია დათანხმდეს რუსეთის მიერ ყირიმზე კონტროლის შენარჩუნებას, - ამის შესახებ ევროპაში აშშ-ის სახმელეთო ძალების ყოფილმა მეთაურმა, გადამდგარმა გენერალ-ლეიტენანტმა, ბენ ჰოჯესმა განაცხადა.

1675063858

კირილ ბუდანოვი
"უკრაინამ „კოშმარივით“ უნდა დაივიწყოს პოსტსაბჭოთა პერიოდი" - კირილ ბუდანოვი

უკრაინის თავდაცვის სამინისტროს მთავარი სადაზვერვო სამმართველოს ხელმძღვანელმა კირილ ბუდანოვმა განაცხადა, რომ უკრაინამ სისტემატურად უნდა დაასუსტოს რუსეთი, რისთვისაც მას სჭირდება აქტიური ინტეგრაცია ევროატლანტიკურ და ევროპულ სტრუქტურებში.ამის შესახებ მან პოლონურ საინფორმაციო პორტალ Wirtualna Polska-სთან ინტერვიუში ისაუბრა.ბუდანოვმა უპასუხა კითხვას, როგორ ხედავს უკრაინისა და რუსეთის ურთიერთობების მომავალს. მისი თქმით, „ეს იქნება ძალიან რთული პროცესი“.„საინტერესოა, რომ ახლა რუსულ საინფორმაციო სივრცეში, უპირველეს ყოვლისა, ინტერნეტში, ისევე როგორც ოპოზიციის ნაწილში, პროპაგანდა ხდება იმ აზრის შესახებ, რომ ამ შემოჭრაში მხოლოდ პუტინის ბრალია და არა საზოგადოების. ჩვენ ომში ვართ იმ ქვეყანასთან, სადაც მოსახლეობის ორ მესამედზე მეტმა მხარი დაუჭირა პუტინის ქმედებებს!“ - განაცხადა ბუდანოვმა.მისი თქმით, ჯერ უცნობია როგორი იქნება რუსეთის მომავალი, რამდენ ელემენტად დაიშლება და ვისთან მოუწევს უკრაინას საუბარი რეპარაციებისა და დამნაშავეების პასუხისგებაში მიცემის შესახებ."უკრაინის ამოცანები, არის რუსეთის ფედერაციის სისტემური და სახელმწიფო დასუსტება. ამისათვის ჩვენ აქტიურად უნდა შევიდეთ ევროატლანტიკურ და ევროპულ სტრუქტურებში: პოლიტიკურ, ეკონომიკურ, უსაფრთხოების, სამართლებრივ, ჰუმანიტარულ და საგანმანათლებლო სტრუქტურებში," - ხაზგასმით აღნიშნა მან და დასძინა, რომ უკრაინამ „კოშმარივით“ უნდა დაივიწყოს პოსტსაბჭოთა პერიოდი.

1675061484

ხერსონის ადგილობრივი ხელისუფლება
"რუსულმა ძალებმა ხერსონი დაბომბეს - დაიღუპა 3, ხოლო დაშავდა 6 ადამიანი" - ხერსონის ადგილობრივი ხელისუფლება

"რუსულმა ძალებმა ხერსონი დაბომბეს. დაიღუპა 3, ხოლო დაშავდა 6 ადამიანი, " - ამის შესახებ ინფორმაციას ხერსონის ადგილობრივი ხელისუფლება ავრცელებს.ამასთან, როგორც ხერსონის ადგილობრივი ხელისუფლება იტყობინება, რუსების თავდასხმის შედეგად დაზიანდა ქალაქის მნიშვნელოვანი ინფრასტრუქტურა, მათ შორის, ხერსონის რეგიონული კლინიკური საავადმყოფო, სკოლა, ავტოსადგური, ფოსტა, ბანკი და საცხოვრებელი კორპუსები. "უკრაინსკა პრავდას ცნობით კი, რუსების მიერ თავდასხმის შედეგად დაშავებულებს შორის ერთ-ერთი კლინიკის მედდა, რომელიც თავდასხმის დროს რეგიონალურ საავადმყოფოში იმყოფებოდა.

1675014996

მეილიტოპოლი
"ოკუპირებულ მელიტოპოლში როსტოვის ოლქიდან და რუსეთის ფედერაციის კრასნოდარის ტერიტორიიდან 800 პოლიციელი ჩავიდა" - ივან ფიოდოროვი

ოკუპირებულ მელიტოპოლში როსტოვის ოლქიდან და რუსეთის ფედერაციის კრასნოდარის ტერიტორიიდან 800 პოლიციელი ჩავიდა.ამის შესახებ მელიტოპოლის მერმა ივან ფიოდოროვმა განაცხადა, იუწყება Ukrinform.„დამპყრობლებმა RosSMI-ს განუცხადეს, რომ მათ 800 პოლიციელი როსტოვის ოლქიდან და კრასნოდარის ტერიტორიიდან ზაპოროჟიეს ოლქში შეიყვანეს“, - აცნობა მან.ფიოდოროვის თქმით, იმპორტირებული პოლიცია ჯერ დროებით ოკუპირებულ მელიტოპოლში იკრიბება, შემდეგ კი რეგიონის ყველა ოკუპირებულ რაიონში იშლება.მერმა ასევე განაცხადა, რომ ბოლო დროს გაიზარდა რუსების მიერ გატაცებული და დატყვევებული ადამიანების რიცხვი.მანამდე გავრცელდა ინფორმაცია, რომ უკრაინის ოთხი რეგიონის დროებით ოკუპირებულ რაიონებში დამპყრობლებმა შექმნეს 28 კოლონია, მათ შორის სამი ზაპოროჟიეში.

1674902615

ომი ოლიმპიადა
"რუსეთმა უნდა შეწყვიტოს აგრესია და ტერორი, და მხოლოდ ამის შემდეგ იქნება შესაძლებელი, ოლიმპიური მოძრაობის კონტექსტში რუსეთის მონაწილეობაზე საუბარი" - ვოლოდიმირ ზელენსკი

უკრაინის პრეზიდენტის ვოლოდიმირ ზელენსკის განცხადებით, რუსეთის ოლიმპადაში მონაწილეობა მხოლოდ კრემლის აგრესიის შეწყვეტის შემდეგ უნდა განიხილებოდეს.  "ოლიმპიური პრინციპები და ომი ფუნდამენტურად ეწინააღმდეგება ერთმანეთს. რუსეთმა უნდა შეწყვიტოს აგრესია და ტერორი, და მხოლოდ ამის შემდეგ იქნება შესაძლებელი რუსეთის მონაწილეობაზე საუბარი ოლიმპიური მოძრაობის კონტექსტში", - წერს ვოლოდიმირ ზელენსკი.მან ასევე გამოაქვეყნა არაერთი ფოტო, სადაც ასახულია უკრაინაში რუსების მიერ განადგურებული სპორტული დარბაზი და სტადიონები.როგორც ცნობილია, საერთაშორისო ოლიმპიურმა კომიტეტმა გამოაქვეყნა განცხადება, რომელშიც ნათქვამია, რომ რუსები და ბელორუსელები შეძლებენ პარიზის ოლიმპიადაზე ნეიტრალური დროშის ქვეშ ასპარეზობას.უკრაინის ახალგაზრდობისა და სპორტის მინისტრმა, ეროვნული ოლიმპიური კომიტეტის პრეზიდენტმა ვადიმ გუცეიტმა განაცხადა, რომ უკრაინისთვის მიუღებელია ოლიმპიურ თამაშებში რუსი და ბელორუსი სპორტსმენების მონაწილეობა.ერთი დღით ადრე ლატვიის პარლამენტის სპორტული გამოკითხვის ქვეკომიტეტმა მკაცრად დაგმო საერთაშორისო ოლიმპიური კომიტეტის განცხადება რუსი და ბელორუსი სპორტსმენების საერთაშორისო შეჯიბრებებში მონაწილეობის შესახებ.

1674898164

რუსი სამხედრო
"უკრაინის შეიარაღებულმა ძალებმა კიდევ 800 რუსი დამპყრობლის ლიკვიდაცია მოახდინეს" - უკრაინის გენერალური შტაბი

27 იანვარს უკრაინის შეიარაღებულმა ძალებმა უკრაინის ტერიტორიაზე კიდევ 800 რუსი დამპყრობლის ლიკვიდაცია მოახდინეს. ინფორმაციას უკრაინის გენერალური შტაბი ავრცელებს."მტრის ჯამური საბრძოლო დანაკარგები 02/24/22-დან 01/28/23-მდე დაახლოებით იყო:პერსონალი - ლიკვიდირებულია დაახლოებით 125510 (+800) ადამიანი,ტანკები - 3189 (+7) ერთეული,ჯავშანტექნიკა - 6344 (+4) ერთეული,საარტილერიო სისტემები - 2188 (+8) ერთეული,MLRS - 453 (+1) ერთეული,საჰაერო თავდაცვის სისტემები - 221 (+0) ერთეული,თვითმფრინავი - 293 (+1) ერთეული,ვერტმფრენები - 284 (+1) ერთეული,UAV ოპერატიულ-ტაქტიკური დონე - 1947 (+6),საკრუიზო რაკეტები - 796 (+0),გემები / ნავები - 18 (+0) ერთეული,საავტომობილო ტექნიკა და ტანკერები - 5027 (+26) ერთეული,სპეცტექნიკა - 199 (+0)." - ნათქვამია ანგარიშში.

1674889492

სააკაშვილი ვივა მედი
„პატიმრობაში დარჩენის შემთხვევაში, ვფიქრობ, რომ პოსტტრავმული სტრესული აშლილობა და დეპრესიული სიმპტომები დამძიმდება"- ბრიტანელი ფსიქიატრი

„კვლევების შედეგად აღმოვაჩინე საკმაოდ მძიმე დარღვევები ყურადღების ნაწილში, მეხსიერების მხრივ, ასევე ენის მხრივ და ვიზუალურ-სივრცობრივი აღქმის მიმართულებით,"- განაცხადა ბრიტანელმა ექსპერტმა, ფსიქიატრმა კორნელიუს კატონამ სასამართლო პროცესზე, რომელიც მოწმის სახით დაიკითხა.  მისი თქმით, სააკაშვილის მკურნალობა არასათანადოდ მიმდინარეობს და დასძინა, რომ ფსიქოლოგიურ მკურნალობა იქნება არაეფექტური, თუ ის დარჩება იმ გარემოში, სადაც თავს უსაფრთხოდ არ გრძნობს.„ის იღებდა გარკვეულ მედიკამენტებს ფსიქოთერაპიული პროფილის, თუმცა რაც შეეხებოდა სტრესის მოხსნას, შიშებს და განცდას იმისა, რომ ის არის საშიშროების ქვეშ, ამის საწინააღმდეგო მკურნალობა არ მისცემია, რის გამოც, რჩებოდა პოსტტრავმული სტრესული აშლილობის დაავადება. ამასთან, ფსიქოლოგიურ მკურნალობას ვერ ექნება ეფექტურობა, თუ სააკაშვილი იქნება იმ გარემოში, სადაც ის თავს უსაფრთხოდ არ გრძნობს და გრძნობს საშიშროების არსებობას.სააკაშვილს აქვს დემენცია და დებულება არის სრულ თანხვედრაში ექიმი გოდსმიტის დასკვნებთან. მე ასევე მესმის, რომ საქართველოს კანონმდებლობით, ჯანდაცვის სამინისტროს შესაბამისი აქტებით განსაზღვრულია, რომ პირები, რომლებსაც აქვთ დემენცია არ უნდა იყვნენ ციხეში. მე ვეთანხმები დოქტორ ლახანს და დოქტორ გოლდსმიტს, რომ სააკაშვილის მკურნალობა უნდა მოხდეს ისეთ სამედიცინო დაწესებულებაში ისეთ ქვეყანაში, სადაც ის თავს უსაფრთხოდ გრძნობს”, - განაცხადა ფსიქიატრმა.ადვოკატის, შალვა ხაჭაპურიძის მიერ დასმულ კითხვებზე - არის თუ არა ის მძიმე და ქრონიკული ავადმყოფი და პატიმრობაში შემდგომი ყოფნა უარყოფითად იმოქმედებს თუ არა მისი ჯანმრთელობის მდგომარეობაზე - ფსიქიატრმა დადებითად უპასუხა და აღნიშნა, რომ „პატიმრობაში დარჩენის შემთხვევაში, ვფიქრობ, რომ პოსტტრავმული სტრესული აშლილობა და დეპრესიული სიმპტომები დამძიმდება.""ასევე მას აქვს საკმაოდ მძიმე კოგნიტური დარღვევები, რომლის ზუსტი მიზეზის დადგენა რთულია და თუ მიზეზი არ იქნა აღმოჩენილი და შესაბამისი მკურნალობა არ დაინიშნა, მისი კოგნიტური დარღვევების სიმძიმე პროგრესულად გაღრმავდება.ვფიქრობ, რომ ვიდეომეთვალყურეობის პირობებში ფსიქოთერაპიული მკურნალობის ეფექტურობა მისთვის იქნება შეუძლებელია და პირიქით, ვიდეომეთვალყურეობა ამ ტიპის დახმარებას გახდის შეუძლებელს და საწინააღმდეგო ეფექტი ექნება“, - განაცხადა ფსიქიატრმა.

1674820800

პუტინი გიჟი
“ვლადიმერ პუტინი თებერვალ-მარტში უკრაინაზე ახალ თავდასხმას ამზადებს“ - Bloomberg

რუსეთის დიქტატორი ვლადიმერ პუტინი თებერვალ-მარტში უკრაინაზე ახალ თავდასხმას ამზადებს და ამავდროულად აფერხებს თავის ქვეყანას შეერთებულ შტატებთან და მის მოკავშირეებთან მრავალწლიანი კონფრონტაციას. ამის შესახებ RBC-Ukraine Bloomberg-ზე დაყრდნობით იუწყება. სტატიაში აღნიშნულია, რომ რუსეთი ცდილობს იმის დემონსტრირებას, რომ მის ძალებს შეუძლიათ განაახლოს შეტევა, მიუხედავად დიდი დანაკარგებისა, რათა უკრაინა და მის მოკავშირეები გარკვეულ ზავს დათანხმდნენ.გამოცემის წყაროები ამბობენ, რომ პუტინი დარწმუნებულია, რომ მეტი ძალების მოზიდვა და ახალი დანაკარგების მიღების მზაობა რუსეთს საშუალებას მისცემს გაიმარჯვოს, მიუხედავად იმ წარუმატებლობისა, რაც მან აქამდე განიცადა. კრემლთან დაახლოებულმა პირებმა აღნიშნეს, რომ კრემლმა შესაძლოა შეტევა თებერვალში ან მარტში განაახლოს. ისინი ვარაუდობენ, რომ ეს შეიძლება დაიწყოს მანამ, სანამ უკრაინა მიიღებს ახლახან დაპირებულ საბრძოლო ტანკებს აშშ-დან და ევროპიდან.პუტინის გადაწყვეტილება ასახავს კიდევ ერთ სასიკვდილო ესკალაციას მის ომში, რადგან უკრაინა ამზადებს ახალ ბიძგს თავისი ძალების უკან დახევისთვის. "პუტინი იმედგაცრუებულია იმით, თუ როგორ მიდის საქმეები, მაგრამ ის არ არის მზად, უარი თქვას თავის მიზნებზე. ეს უბრალოდ ნიშნავს, რომ გზა იქნება უფრო გრძელი, სისხლიანი და უარესი ყველასთვის", - განაცხადა გამოცემასთან, R. Politik-ის დამფუძნებელმა, ტატიანა სტანოვამ.აშშ და ევროპული დაზვერვის წარმომადგენლები არკვევენ, აქვს თუ არა რუსეთს რესურსები ახალი ძირითადი შეტევისთვის, თუნდაც გასული წლის შემოდგომაზე 300,000 დამატებითი ჯარის მობილიზების შემდეგ.ზაფხულში და შემოდგომაზე უკრაინული ძალების ელვისებური თავდასხმების შემდეგ, რომლებმაც რუსეთის თავდაცვითი ხაზები გაარღვიეს, აგრესორებმა თავდაცვა გააძლიერეს. გამოიყენეს სანგრები, სატანკო ხაფანგები და ნაღმები, რათა უკრაინელების პოტენციური  წინსვლა შეეჩერებინათ.ამავდროულად, რუსეთმა არ გამოავლინა უკრაინის ტერიტორიების სწრაფად დაკავების უნარი, რადგან ბოლო 6 თვის განმავლობაში მან მხოლოდ ერთი პატარა ქალაქი დაიპყრო და დიდი ზარალი განიცადა.თუმცა, უკრაინის ჯარები მუდმივად აოცებენ მოკავშირეებს მტრის თავდასხმების წარმატებით მოგერიებით და მათი ტერიტორიების დაბრუნებით.თუმცა, აშშ და ევროპელი სამხედრო ოფიციალური პირები შიშობენ, რომ ომი შესაძლოა მალე გადაიზარდოს პირველი მსოფლიო ომის სტილში - საარტილერიო ბრძოლაში, ძირითადად სტაგნაციური ფრონტის ხაზებით - სცენარი, რომელიც სარგებელს მოუტანს რუსეთს თავისი დიდი მოსახლეობით და სამხედრო ინდუსტრიით.

1674815377

რუსი სამხედრო
ბრიტანული დაზვერვა, ორეხოვისა და ვუგლედართან დამპყრობლების წარმატების შესახებ გავრცელებულ ცნობებს უარყოფს

რუსები ავრცელებენ ინფორმაციას სავარაუდო წარმატებების შესახებ უგლედარის (დონეცკის ოლქი) და ორეხოვის (ზაპოროჟიეს ოლქი) მიდამოებში. თუმცა, ეს პრეტენზიები ყალბია. ამის შესახებ RBC-Ukraine ტვიტერზე ბრიტანეთის თავდაცვის სამინისტროზე დაყრდნობით იუწყება.ბრიტანული დაზვერვა აღნიშნავს, რომ ბოლო ექვსი დღის განმავლობაში ქსელში გამოჩნდა  ინფორმაცია ორეხოვოსა და უგლედართან რუსული ჯარების სავარაუდო წინსვლის შესახებ. რუსი კომენტატორები ამტკიცებენ, რომ დამპყრობლებმა, სავარაუდოდ, ამ მიმართულებით გაარღვიეს უკრაინის შეიარაღებული ძალების დაცვა.ფაქტობრივად, რუსეთის არმიამ ადგილობრივი თავდასხმები განახორციელა ორეხოვისა და უგლედარის მიდამოებში, მაგრამ ნაკლებად სავარაუდოა, რომ რუსეთის ფედერაციამ რაიმე მნიშვნელოვან წარმატებას მიაღწიოს."არსებობს რეალური შესაძლებლობა, რომ რუსული სამხედრო წყაროები მიზანმიმართულად ავრცელებენ დეზინფორმაციას, რათა შეიქმნას შთაბეჭდილება, რომ რუსული ოპერაცია გრძელდება", - განმარტავს ბრიტანეთის დაზვერვა.შეგახსენებთ, უკრაინის შეიარაღებული ძალების გენერალური შტაბის ცნობით, გასული დღის განმავლობაში უკრაინელმა დამცველებმა მტრის თავდასხმები უგლედარის მიდამოებში და აღმოსავლეთ უკრაინის სხვა დასახლებებში შეაჩერეს.

1674804706

338
338-ე დღე: ომი უკრაინაში - დღის სტენოგრამა

* „ოკუპანტებმა გადაადგილებისთვის სპეციალური საშვები შემოიღეს და მოქალაქეების საწამებელი იზოლატორები გახსნეს“, - ამის შესახებ ლუგანსკის სამხედრო ადმინისტრაციის ხელმძღვანელმა, სერგეი გაიდაიმ განაცხადა. * კრემენაიას მიდამოში უკრაინის შეიარაღებულმა ძალებმა განაახლეს კონტრშეტევითი მოქმედებები, ხოლო უგლედარში მდებარე ქვედანაყოფები აგრძელებენ ქალაქის დაკავებას, - ამის შესახებ RBC-Ukraine ომის კვლევის ინსტიტუტზე (ISW) დაყრდნობით იუწყება. * ესტონეთი უკრაინისთვის გერმანული კასეტური ბომბების გადაცემას აპირებს, თუმცა ამისთვის ბერლინისგან მათ რეექსპორტზე თანხმობაა საჭირო. ესტონეთის თავდაცვის მინისტრის, ჰანო ჰევკურის განცხადებით, ტალინი უკრაინისთვის კასეტური ბომბების გადაცემაში პრობლემას ვერ ხედავს, რადგან ომში ჩართული ორივე მხარე მსგავსი ტიპის საბრძოლო მასალას უკვე იყენებს.

1674803658