დსფდს
[ვიდეო] "ნებისმიერი, ვინც დაეხმარება პარტიას გაძლიერებაში და ეფექტურად ბრძოლაში, მე ამას მხოლოდ მივესალმები" - გიორგი კაპანაძე

"ნებისმიერი, ვინც დაეხმარება პარტიას გაძლიერებაში და ეფექტურად ბრძოლაში, მე ამას მხოლოდ მივესალმები," - ამის შესახებ "ნაციონალური მოძრაობის" წევრმა, გიორგი კაპანაძემ ტელეკომპანია "ჯორჯიან თაიმსის" გადაცემაში "დროული კითხვები" პირდაპირი ჩართვისას განაცხადა.კერძოდ, პარტიის საქმიანობაში ვანო მერაბიშვილის შესაძლო ჩართულობის შესახებ საუბრისას კაპანაძემ განაცხადა, რომ ახლა არც ძველ და არც ახალ პოლიტიკურ ფიგურებს ხელი არ უნდა ჰკრან, პირიქით, მისივე თქმით, დროა, ერთიანი ძალებით სცადონ პარტიის გაძლიერება."რაც შეეხება, ყოფილი პრემიერ-მინისტრის [ვანო მერაბიშვილის] ჩართულობას, პირდაპირ გეტყვით, რომ მას "ენმ-ში გავლენა და ავტორიტეტი აქვს, რადგან "ნაციონალური მოძრაობის" ერთ-ერთი დამფუძნებელია. ასევე, ის ქართული პოლიციის რეფორმატორი და საქართველოს მოქალაქეა, რომლისთვისაც ხმის მიცემის უფლება არავის აუკრძალავს. ამიტომ, ცხადია, რომ ნებისმიერი, ვინც დაეხმარება პარტიას გაძლიერებაში და ეფექტურად ბრძოლაში მე ამას მხოლოდ მივესალმები. ჩვენ ხელი არავის არ უნდა ვკრათ, არც ძველს და არც ახალს. ვიმეორებ, რომ ახლა ერთიანი ძალებით უნდა ვცადოთ პარტიის და ქვეყნის გაძლიერება და ის, რომ საქართველო ევროპულ გზაზე დავაბრუნოთ," - განაცხადა კაპანაძემ. 

1675098282

დფ
[ვიდეო] "თუ ვინმე მიიღებს გადაწყვეტილებას პარტიიდან წასვლის შესახებ, ეს მათი გადასაწყვეტია, თუმცა მე არავის წასვლას არ ვისურვებდი" - გიორგი კაპანაძე

"თუ ვინმე მიიღებს გადაწყვეტილებას პარტიიდან წასვლის შესახებ, ეს მათი გადასაწყვეტია და თავს ზევით ძალა არ არის," - ამის შესახებ "ნაციონალური მოძრაობის" წევრმა, გიორგი კაპანაძემ ტელეკომპანია "ჯორჯიან თაიმსის" გადაცემაში "დროული კითხვები" შიდაპარტიულ არჩევნებზე საუბრისას განაცხადა.ამასთან, როგორც კაპანაძემ განმარტა, პირადად ის პარტიიდან არავის წასვლას არ ისურვებდა. მისივე განმარტებით, ახლა სწორედ ერთიანობის დროა, რათა ქვეყანა და პარტია გაძლიერებისკენ წავიდეს."თუ ვინმე მიიღებს გადაწყვეტილებას პარტიიდან წასვლის შესახებ, ეს მათი გადასაწყვეტია და თავს ზევით ძალა არ არის. თუმცა, მე პარტიიდან არავის წასვლას არ ვისურვებდი. ამასთან, რა თქმა უნდა, მე ერთიანობას ვისურვებდი და თუ ჩვენ წყენაზე და გაუგებრობაზე მაღლა დავდგებით, ამით ასე ვთქვათ, ჩვენს ქვეყანას და პარტიას წინ წავიყვანთ. მესმის, რომ დამარცხება ძალიან რთულია და მას გარკვეული უარყოფითი ემოციებიც ახლავს, მაგრამ მერწმუნეთ, დღეს მნიშვნელოვანია არა პირადი წყენა, არამედ ერთიანობაა. ამასთან, ყველამ ვიცით, რომ დღეს, ბევრი მიზანია განსახორციელებელი, მაგალითად ევროკავშირის 12 პუნქტიანი რეკომენდაცია, რომელსაც "ქართული ოცნება" არ ასრულებს, ასევე, მიხეილ სააკაშვილის განთავისუფლება და ჩვენ, დღეს სწორედ ამ მიზნების განხორციელებისთვის უნდა გავერთიანდეთ. ამიტომ, პირადად მე, ყველას ერთიანობისკენ მოვუწოდებ. სწორედ, ეს იყო დღეს, ლევან ხაბეიშვილის განცხადების პათოსიც, რომელსაც მივესალმები, რადგან მას ძალიან მნიშვნელოვანი სიტყვა ჰქონდა, ნამდვილი ოქროს სიტყვა თქვა მან," - განაცხადა გიორგი კაპანაძემ.შეგახსენებთ, რომ ცოტა ხნის წინ, კობა ნაყოფიამ "ნაციონალური მოძრაობის" პოლიტსაბჭოს თავმჯდომარეობის პოსტი და პოლიტსაბჭო დატოვა. მისი განცხადებით, ის პარტიაში რიგით წევრად რჩება.რაც შეეხება ლევან ხაბეიშვილს, როგორც მან პარტიის ოფისში გამართულ ბრიფინგზე განაცხადა, დღეიდან "ნაციონალური მოძრაობა" ახალი შემართებით იწყებს რთულ, მაგრამ უწყვეტ ბრძოლას და მისი პარტია ღია იქნება ყველა ახალი ადამიანისთვის."არ ვაპირებთ ზეიმს - დღეიდან იწყება პროცესი, რომელიც ჩვენს ქვეყანას სამშვიდობოს გაიყვანს - მიშა მინდა შეგპირდე, რომ არ გავჩერდებით, სანამ შენი სიცოცხლე და ჯანმრთელობა არ იქნება უზრუნველყოფილი," - განაცხადა ხაბეიშვილმა. 

1675097150

25/02/2022
"საერთაშორისო ოლიმპიური კომიტეტი ომის, მკვლელობისა და ნგრევის ხელშემწყობია" - პოდოლიაკი

"საერთაშორისო ოლიმპიური კომიტეტი ომის, მკვლელობისა და ნგრევის ხელშემწყობია," - ამის შესახებ უკრაინის პრეზიდენტის ადმინისტრაციის ხელმძღვანელის მრჩეველი, მიხაილო პოდოლიაკი "ტვიტერში" წერს."საერთაშორისო ოლიმპიური კომიტეტი სიამოვნებით უყურებს, როგორ ანადგურებს რუსეთი უკრაინას და შემდეგ რუსეთს გენოციდის პროპაგანდის პლატფორმას სთავაზობს და შემდგომ მკვლელობებს ახალისებს. ცხადია, რუსულ ფულს, რომელიც ოლიმპიურ ფარისევლობას ყიდულობს, უკრაინული სისხლის სუნი არ აქვს," - წერს პოდოლიაკი. შეგახსენებთ, რამდენიმე დღის წინ საერთაშორისო ოლიმპიურ კომიტეტში განაცხადეს, რომ არცერთ სპორტსმენს არ უნდა შეექმნას შეჯიბრებაში მონაწილეობის შეფერხება მხოლოდ პასპორტის გამო.  #IOC is a promoter of war, murder & destruction. The IOC watches with pleasure RF destroying 🇺🇦 & then offers 🇷🇺 a platform to promote genocide & encourages their further killings.Obviously ru-money that buys Olympic hypocrisy doesn’t have a smell of 🇺🇦 blood. Right, Mr. #Bach? — Михайло Подоляк (@Podolyak_M) January 30, 2023

1675094526

8~7
ირაკლი კობახიძე ესპანეთში ბასკეთის პარლამენტის თავმჯდომარეს და საგარეო ურთიერთობების კომიტეტის ხელმძღვანელს შეხვდა

"ქართული ოცნების" თავმჯდომარე, ირაკლი კობახიძე ესპანეთში, ბასკეთის მხარეში ვიზიტის მეორე დღეს ბასკეთის პარლამენტის თავმჯდომარეს, ბაკარჩო ტეხეირას, საგარეო ურთიერთობების კომიტეტის ხელმძღვანელს, რაკელ მოლინას და აღნიშნული კომიტეტის წევრებს შეხვდა.შეხვედრებს ასევე ესწრებოდნენ საქართველოს პარლამენტის საგარეო ურთიერთობათა კომიტეტის თავმჯდომარე, ნიკოლოზ სამხარაძე, პარლამენტის წევრი, მიხეილ ყაველაშვილი და ესპანეთის სამეფოში საქართველოს ელჩი, ილია გიორგაძე.შეხვედრებზე ირაკლი კობახიძემ ხაზი გაუსვა ქართულ-ბასკური ურთიერთობების გაღრმავების მნიშვნელობას.ბასკეთის პარლამენტის თავმჯდომარემ და საგარეო ურთიერთობათა კომიტეტის წევრებმა დაადასტურეს საქართველოს მხარდაჭერა ევროინტეგრაციის გზაზე.

1675094460

ერწე
"ვტოვებ ენმ-ის პოლიტსაბჭოს თავმჯდომარის პოსტს და პოლიტსაბჭოსაც, ვრჩები რიგით წევრად" - კობა ნაყოფია

"ვტოვებ ენმ-ის პოლიტსაბჭოს თავმჯდომარის პოსტს და პოლიტსაბჭოსაც, ვრჩები რიგით წევრად," - ამის შესახებ კობა ნაყოფიამ "მთავარი არხთან" საუბარში განაცხადა.ამასთან, როგორც ნაყოფიამ განაცხადა, მიხეილ სააკაშვილის გათავისუფლებამდე ის პარტიის რიგით წევრად დარჩება, ხოლო საბოლოო გადაწყვეტილებას მისი გათავისუფლების შემდეგ მიიღებს."ვტოვებ "ერთიანი ნაციონალური მოძრაობის" პოლიტსაბჭოს თავმჯდომარის პოსტს, ისევე როგორც, ვტოვებ პოლიტსაბჭოს. ვრჩები რიგით პარტიის წევრად მანამ, სანამ მიხეილ სააკაშვილი იქნება პუტინის პირადი პატიმარი საპყრობილეში. შემდეგ მივიღებ უკვე გადაწყვეტილებას, დავრჩები თუ არა. მანამდე ვრჩები. ეს გარდაუვალია და არც განიხილება. შემდეგ კიდევ მივიღებ გადაწყვეტილებას, პარტიაში დავრჩები თუ არა... პარტიაში დარჩენის გადაწყვეტილებას მივიღებ მაშინ, როდესაც მიხეილ სააკაშვილი იქნება თავისუფალი და მომეცემა მასთან კომუნიკაციის საშუალება," - განაცხადა ნაყოფიამ.ცნობისათვის, "ერთიანი ნაციონალური მოძრაობის" თავმჯდომარის არჩევნებში ლევან ხაბეიშვილმა გაიმარჯვა. მან ხმების 52.58 პროცენტი მიიღო. არჩევნებში ოთხი კანდიდატი მონაწილეობდა: ნიკა მელია, ლევან ხაბეიშვილი, გიორგი მუმლაძე და ნონა მამულაშვილი.

1675092539

ლარის კურსი
1 აშშ დოლარის ოფიციალური ღირებულება 2.6410 ლარი გახდა

ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად 1 აშშ დოლარის ღირებულება 2.6410 ლარი გახდა. კურსი, რომელიც დღეს მოქმედებდა, 2.6393 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0017 ლარი შეადგინა.რაც შეეხება ევროს, მისი კურსი 2.8813 ლარია. მაშინ, როცა დღეს მოქმედი კურსი 2.8745 ლარს შეადგენდა. შესაბამისად, ევროს ცვლილებამ 0.0068 ლარი შეადგინა.დღევანდელი ვაჭრობის შედეგად მიღებული კურსები ძალაში ხვალ შევა.

1675084776

ანა დოლიძე
"ნაციონალურ მოძრაობას" არ აქვს ინტელექტუალური პოტენციალი უპასუხოს იმ გამოწვევებს, რომელიც ჩვენ ქვეყანას დღეს აქვს" - ანა დოლიძე

"ნაციონალური მოძრაობის" თავმჯდომარის არჩევნებს აფასებს სოციალურ ქსელში პარტია "ხალხისთვის" ლიდერი ანა დოლიძე. დოლიძე ამბობს, რომ არჩევნები თავისი ფორმით, საზოგადოების მოთხოვნებს ვერ აკმაყოფილებდა.ამის გარდა დოლიძემ არჩევნების კიდევ რამდენიმე ასპექტი შეაფასა და აღნიშნა, რომ პარტიას, რომლის ხელმძღვანელობაშიც "სისხლის სამართლის დამნაშავეები" არიან, ქვეყნის მართვის ამბიციები ვერ ექნება."ნაციონალური მოძრაობის არჩევნებს შევაფასებ შემდეგნაირად:1.არჩევნები თავისი ფორმით ბევრად ჩამოუვარდებოდა ჩვენი მოსახლეობის მოლოდინებს და მოთხოვნებს. არავითარი შინაარსი, არავითარი გეგმა, არავითარი დისკუსია საქმეზე. მხოლოდ ჭორაობა და სიბინძურეების დაბრალება, კულუარული ბრძოლა.2.ნაციონალურ მოძრაობის ლიდერებს თუ გადავხედავთ, პარტიას არ აქვს ინტელექტუალური პოტენციალი უპასუხოს იმ გამოწვევებს, რომელიც ჩვენ ქვეყანას დღეს აქვს. აქ არ არის ადამიანური რესურსი, რომელიც გაატარებს აქტიურ და ძლიერ რეფორმებს, რომელიც ქვეყანას სჭირდება.3. პარტიაში რომლის ხელმძღვანელობაში არიან სისხლის სამართლის დამნაშავეები ვერ იქნება ამბიცია, რომ კიდევ ერთხელ წაუძღვეს სახელმწიფოს განვითარებას.4. არაფორმალური მმართველობა მიუღებელია, როგორც ხელისუფლებაში ისე ოპოზიციაში.ეს ყოველივე აზიანებს საქმეს და შედეგს,"- წერს ანა დოლიძე.ცნობისათვის, „ერთიანი ნაციონალური მოძრაობის“ თავმჯდომარის არჩევნებში ლევან ხაბეიშვილმა გაიმარჯვა. მან ხმების 52.58 პროცენტი მიიღო. არჩევნებში ოთხი კანდიდატი მონაწილეობდა: ნიკა მელია, ლევან ხაბეიშვილი, გიორგი მუმლაძე და ნონა მამულაშვილი.

1675084211

არჩილ გამზარდია
"ხაბეიშვილს აქვს გარკვეული უნარები და პიროვნული თვისებებიც, რომელსაც მე მაღალ შეფასებას მივცემდი" - არჩილ გამზარდია

"ნაციონალური მოძრაობის" ახალი თავმჯდომარის არჩევას ეხმაურება სოციალურ ქსელში ანალიტიკოსი არჩილ გამზარდია. გამზარდია ამბობს, რომ ქილიკი უადგილოა, განსაკუთრებით მმართველი გუნდის მხრიდან.რაც შეხება ლევან ხაბეიშვილს, ანალიტიკოსი მის უნარებს საკმაოდ დადებით შეფასებას აძლევს და აღნიშნავს, რომ სრულიად შესაძ;ებელია ის წარმატებული თავმჯდომარე იყოს."ნაციონალურმა მოძრაობამ" კონკურენციის და რეალური შეჯიბრით აირჩია ახალი თავმჯდომარე. სხვა პარტიების უმრავლესობა და განსაკუთრებით "ქართული ოცნება" სანამ ქილიკს დაიწყებს, ჯერ ამ "ლეველს" მიაღწიოს, სადაც ნაცმო ერთი ნაბიჯით უსწრებს სხვებს.დანარჩენში, ვინ როგორი იქნება ამა თუ იმ როლში, არავინ იცის, მათ შორის ხაბეიშვილიც, რომელიც შესაძლოა წარმატებული თავმჯდომარეც გამოდგეს, შესაძლოა წარუმატებელიც. ძალიან ბევრი დილემა და სირთულე დახვდება წინ, განსაკუთრებით ფინანსური პარტნიორების ზეგავლენისგან გასანთავისუფლებლად და პოლიტიკური გონიერებით გადაწყვეტილებების მისაღწევად.ხაბეიშვილს აქვს გარკვეული უნარები და პიროვნული თვისებებიც, რომელსაც მე მაღალ შეფასებას მივცემდი, თუმცა მას სჭირდება მნიშვნელოვანი გადარესტარტება, რომ სამოქალაქო აქტივიზმის უნარები პოლიტიკურ ქცევაში გადაზარდოს, თუ კი გაუმკლავდება პიროვნული რესურსის ამ გამოწვევას.ნიკა მელიამ სცადა სიახლის შეტანა პარტიაში, თუმცა ამაში, ჩემი აზრით, პირველ რიგში პარტიის დამფუძნებელი დაუპირისპირდა და მოჰყვა ის, რაც მოჰყვა. პარტიის საკმარისი ნაწილი კი არ აღმოჩნდა მზად შეექმნა შინაარსი, რომელიც პარტიის 20 წლის წინანდელი შინაარსისგან განახლებადი და განსხვავებული იქნებოდა, ახალი პოლიტიკური ეპოქის შესაბამისი, ასეთი აღმოჩნდა პარტიის ნება.მელიას, აქვს გარკვეული პოლიტიკური პერსპექტივები, თუმცა ამაზეც ბევრი აქვს სამუშაო, თუ დარჩება პოლიტიკურ სივრცეში. მთლიანობაში, "ნაციონალურ მოძრაობას" ახლა დაუდგა ბევრად რთული ეტაპი წინ, ვიდრე ალბათ პარტიას აქამდე ჰქონდა მთელი არსებობის მანძილზე, რითი სარგებლობის შესაძლებლობაც სხვა ოპოზიციურ პარტიებსაც გაუჩნდება თვითპოზიციონირების კუთხით,"- წერს არჩილ გამზარდია.ცნობისათვის, „ერთიანი ნაციონალური მოძრაობის“ თავმჯდომარის არჩევნებში ლევან ხაბეიშვილმა გაიმარჯვა. მან ხმების 52.58 პროცენტი მიიღო. არჩევნებში ოთხი კანდიდატი მონაწილეობდა: ნიკა მელია, ლევან ხაბეიშვილი, გიორგი მუმლაძე და ნონა მამულაშვილი.

1675083117

კარლ ნეჰამერი
"ევროკავშირში გაწევრიანების პროცესში ყველა კანდიდატი ქვეყნისთვის ერთი და იგივე ამოსავალი პირობები უნდა არსებობდეს" - კარლ ნეჰამერი

"ევროკავშირში გაწევრიანების პროცესში ყველა კანდიდატი ქვეყნისთვის ერთი და იგივე ამოსავალი პირობები უნდა არსებობდეს, არ უნდა იყოს შემოკლებული გზით მიზნის მიღწევის შესაძლებლობა," - ამის შესახებ ავსტრიის რესპუბლიკის ფედერალურმა კანცლერმა, კარლ ნეჰამერმა საქართველოს პრემიერ-მინისტრ ირაკლი ღარიბაშვილთან ერთად გამართულ პრესკონფერენციაზე განაცხადა.როგორც კარლ ნეჰამერმა აღნიშნა, მან ირაკლი ღარიბაშვილს მხარდაჭერა შესთავაზა ყველა მიმართულებით."ევროკავშირში გაწევრიანების პერსპექტივას რაც შეეხება, რაზეც ბატონმა პრემიერმა გაამახვილა ყურადღება, ეს მიმართულება, მით უმეტეს დღევანდელ დროს, არის მნიშვნელოვანი, რადგანაც ლაპარაკია არა მხოლოდ გეო სტრატეგიულ მნიშვნელობაზე, არამედ მათ შორის ეკონომიკურ მნიშვნელობაზეც. ჩვენ დღეს გვქონდა შესაძლებლობა გვესაუბრა ამ თემაზე. ბევრი ვილაპარაკეთ იმაზე, თუ რისი გაკეთებაა აუცილებელი ამ მიმართულებით წარმატების მისაღწევად. ბატონმა პრემიერ-მინისტრმა ისაუბრა იმაზე, თუ რა გაკეთდა იმისთვის, რომ შესრულებულიყო ევროკომისიის მიერ გაცემული რეკომენდაციები და ჩვენთვის ცხადია, რომ ამის გაკეთება ყოველთვის მარტივი არ არის, მაგრამ ნამდვილად ღირს ამ მიმართულებით სვლა, ღირს ძალისხმევის გაძლიერება, უფრო მეტი ინვესტიციების ჩადება ამ მიმართულებით, ამ სიტყვის პირდაპირი გაგებით, რადგან ეს პროცესი მათ შორის მოიტანს ძალიან ბევრ ცვლილებას შიდა პოლიტიკური თვალსაზრისით, მათ შორის საქართველოს მოქალაქეებისთვისაც. პოლიტიკურად იმ ადამიანებისთვის, ვისაც პოლიტიკური პასუხისმგებლობა ეკისრებათ, ეს ყოველთვის ძალიან დიდი გამოწვევაა. მე ბატონ პრემიერ-მინისტრს შევთავაზე ჩვენი მხრიდან მხარდაჭერა ყველა მიმართულებით, რა მიმართულებითაც ამის საჭიროება იქნება. ამავდროულად, ეს პროცესი ცხადყოფს, რომ ყველა კანდიდატი ქვეყნისთვის ერთი და იგივე ამოსავალი პირობები უნდა არსებობდეს. არ უნდა იყოს ერთგვარი შემოკლებული გზით მიზნის მიღწევის შესაძლებლობა. ბოლო პერიოდის განმავლობაშიც მართლაც არსებობდა ამ თემაზე დისკუსია ევროკავშირის ფარგლებში, თუ რა წარმატებები იყო სამი კანდიდატი ქვეყნის შემთხვევაში და როდესაც ავსტრიის მხარდაჭერაზე ვლაპარაკობთ, ამ შემთხვევაში კიდევ ერთხელ ვუსვამ ხაზს ავსტრიის მზადყოფნას, მათ შორის ნოუ ჰაუს თვალსაზრისით, რომ ჩვენ მხარში ამოგიდგეთ. ჩვენც ვიყავით მსგავს სიტუაციაში, როდესაც ევროკავშირის წევრობის სტატუსი გვქონდა და ვიცით, რა არის ამ მიმართულებით გასაკეთებელი," - განაცხადა კარლ ნეჰამერმა.

1675082381

პუტინი პრიგოჟინი კადიროვი
"ვოლგოგრადში პუტინს, პრიგოჟინს და კადიროვს ელოდებიან" - ოკუპანტები "სტალინგრადის" გამარჯვების აღნიშვნას გეგმავენ

რუსეთის ვოლგოგრადში, სადაც რუსეთის პრეზიდენტის ვლადიმერ პუტინის ვიზიტს ელოდებიან, სატვირთო მანქანების გავლა აკრძალეს და სახელმწიფო თანამშრომლებს დასვენების დღე დაუნიშნეს. ინფორმაციას რუსული გამოცემა „მედუზა“, ადგილობრივ მედიაზე დაყრდნობით ავრცელებს. "30 იანვრიდან 5 თებერვლამდე, პუტინი ვოლგოგრადს უნდა ეწვიოს, სავარაუდოდ, სტალინგრადის ბრძოლაში გამარჯვების 80 წლისთავის აღსანიშნავად.ამასთან, პრეზიდენტის პრესმდივანმა დიმიტრი პესკოვმა, თავის მხრივ, დააკონკრეტა, რომ პუტინი ვოლგოგრადში ერთი დღით ჩავა. ჯერჯერობით უცნობია მიიღებს თუ არა პრეზიდენტი მონაწილეობას სადღესასწაულო ღონისძიებებში.ვოლგოგრადის გამოცემები იუწყებიან, რომ სადღესასწაულო ღონისძიებების ფარგლებში ქალაქს ასევე ეწვევა PMC Wagner-ის დამფუძნებელი, ევგენი პრიგოჟინი და ჩეჩნეთის ხელმძღვანელი რამზან კადიროვი.ჟურნალისტების თქმით, ვოლგოგრადის ცენტრი ნაჩქარევად მოწესრიგდა. ასევე ცნობილია, რომ 30 იანვრიდან 3 თებერვლამდე ქალაქმა აკრძალა მძიმე და მოცულობითი მანქანების ტრანზიტული გადაადგილება.გარდა ამისა, ვეტერანთა "ინიციატივით", ვოლგოგრადის რეგიონში 1 და 2 თებერვალი გამოცხადდა დასვენების დღეები საბიუჯეტო ორგანიზაციების თანამშრომლებისთვის. 2 თებერვალს ქალაქში სამხედრო აღლუმია დაგეგმილი.

1675082020

ზელენსკი მიკოლაევი
ვოლოდიმირ ზელენსკი მიკოლაევის რეგიონში ჩავიდა

უკრაინის პრეზიდენტი ვოლოდიმირ ზელენსკი მიკოლაევის რეგიონში ჩავიდა. - ამის შესახებ ინფორმაციას ზელენსკი Telegram-ზე ავრცელებს."სამუშაო ვიზიტი მიკოლაევის რეგიონში. რეგიონი გმირულად უძლებს ტერორისტების ყველა თავდასხმას"- აღნიშნავს ზელენსკი.ვიზიტის დროს მან შეხვედრზე რეგიონში არსებულ ვითარება მოისმინა.ზელენსკი განიხილა ოპერაციული სიტუაცია სამხრეთ უკრაინაში, ასევე ოკუპანტების მიერ სარაკეტო და უპილოტო თვითმფრინავების თავდასხმების შედეგები.ასევე განიხილეს რეგიონის ენერგეტიკული ინფრასტრუქტურის მდგომარეობა, მისი დაცვის საშუალებები და აღდგენის ტემპი.გარდა ამისა, საუბარი იყო მიკოლაევის რეგიონში საგანმანათლებლო დაწესებულებების აღდგენაზე, რეგიონის ეკონომიკის გრძელვადიან აღდგენასა და ახალი სამუშაო ადგილების შექმნაზე.ზელენსკიმ მიკოლაევის ერთ-ერთ საავადმყოფოში დაჭრილი უკრაინელი დამცველები მოინახულა."მნიშვნელოვანია, რომ ჩვენმა მებრძოლებმა შეძლონ არა მხოლოდ ფიზიკური, არამედ ფსიქოლოგიური რეაბილიტაციის გავლა. დიდი მადლობა ყველა მედიცინის მუშაკს, ვინც იცავს ჩვენი დამცველების ჯანმრთელობას. გისურვებთ მალე გამოჯანმრთელებას!" - განაცხადა ზელენსკიმ.

1675081460

ირაკლი ღარიბაშვილი და ვინცხა
"პოლიტიკაში მნიშვნელოვანია რაციონალისტური შეფასებები, უნდა ვმოძრაობდეთ შესაძლებლობების დერეფანში და ამას საქართველოს მთავრობა აკეთებს" - ავსტრიის კანცლერი 

"ავსტრია, ისევე, როგორც მთლიანად ევროკავშირი, აბსოლუტურად მხარს უჭერს საქართველოს ტერიტორიულ მთლიანობას. ეს ჩვენი პოლიტიკური აქტივობის ცენტრშია მოქცეული, როდესაც საქართველოსთან მიმართებით ვმოქმედებთ," – ამის შესახებ ავსტრიის ფედერალურმა კანცლერმა, კარლ ნეჰამერმა განაცხადა.მისივე თქმით, პოლიტიკაში რაციონალისტური შეფასებები ძალიან მნიშვნელოვანია."ავსტრია, მათ შორის მხარს უჭერს ევროკავშირის მისიას საქართველოში. შვიდი დამკვირვებელია წარმოდგენილი. ჩვენ ვეწვევით ამ მისიას, რომელსაც მართლაც ძალიან დიდი წვლილი შეაქვს საქართველოს სტაბილურობაში. ბუნებრივია, ძნელია, ვთქვათ ამ მიმართულებით საჭიროზე მეტის გაკეთება, თუმცა ჩვენ უზრუნველვყობთ, რომ ავსტრია თვალსაჩინოდ იყოს წარმოდგენილი. იმასაც უნდა ვაცნობიერებდეთ, რომ ავსტრია, ისევე, როგორც მთლიანად ევროკავშირი, აბსოლუტურად მხარს უჭერს საქართველოს ტერიტორიულ მთლიანობას  და ეს ჩვენი პოლიტიკური აქტივობის ცენტრშია მოქცეული, როდესაც საქართველოსთან მიმართებით ვმოქმედებთ.პოლიტიკაში ძალიან მნიშვნელოვანია, გვქონდეს რაციონალისტური შეფასებები. პოლიტიკა შესაძლებლობების ხელოვნებაა, უნდა ვმოძრაობდეთ ამ დერეფანში, შესაძლებლობების დერეფანში და ამას საქართველოს მთავრობა აკეთებს. ვიცი, რომ ეს ძალიან რთულია. მეტიც არის, ვიდრე რთული. ამიტომ კიდევ ერთხელ შემიძლია გავიმეორო, რომ ძალიან მიხარია, აქ რომ ვიმყოფები. მიხარია, რომ ამ მხარდაჭერაში შეგვიძლია გარკვეულო წვლილი შევიტანოთ და ასევე როგორც თქვენმა პარტნიორმა და მეგობარმა ქვეყანამ, ჩემი მხარდაჭერა აღიქვათ იმ რთულ გზაზე, რომელზეც დღეს საქართველო იმყოფება," - განაცხადა კარლ ნეჰამერმა.

1675081220