არჩილ თალაკვაძე
"საზღვარზე ყველას დოკუმენტაცია მოწმდება, ზედმიწევნით ხდება ყველაფრის აღრიცხვა, ვინ და როდის შემოდის და ამ ინფორმაციის ანალიზი უწყვეტ რეჟიმში მიმდინარეობს" - არჩილ თალაკვაძე

"საზღვარზე ყველას დოკუმენტაცია მოწმდება, ზედმიწევნით ხდება ყველაფრის აღრიცხვა, ვინ და როდის შემოდის და ამ ინფორმაციის ანალიზი უწყვეტ რეჟიმში მიმდინარეობს," - ამის შესახებ  საქართველოს პარლამენტის ვიცე-სპიკერმა, საპარლამენტო უმრავლესობის წევრმა არჩილ თალაკვაძემ  "იმედის" ეთერში განაცხადა.მისივე განცხადებით, რუსეთ-საქართველოს საზღვარზე არსებული საცობი ადასტურებს იმას, რომ ყველაფერი კონტროლს ქვეშ მიმდინარეობს."საზღვარზე ყველას დოკუმენტაცია მოწმდება, ზედმიწევნით ხდება ყველაფრის აღრიცხვა, ვინ და როდის შემოდის და ამ ინფორმაციის ანალიზი უწყვეტ რეჟიმში მიმდინარეობს. საკითხი არ არის ისეთი, რომ დავტოვოთ უყურადღებოდ. რა თქმა უნდა, ძალიან სერიოზულია, მაგრამ რამდენადაც სერიოზულია, იმდენად ამას ხელისუფლება აღვიქვამთ სერიოზულად და შესაბამისი სამსახურები ძალიან დიდ დროსა და ენერგიას უთმობენ ამას.ამის გადატანა ემოციურ კონტექსტში და პანიკის დათესვა, ან მოწოდებები რამე ტიპის აგრესიისკენ, ან მოწოდებები იმისკენ, რომ საქართველო მოიქცეს ისე, როგორც მსოფლიოში არცერთი ქვეყანა, ისტორიის არცერთ ეტაპზე არ მოქცეულა ცივილიზებული ქვეყანა, ეს იმ ადამიანების სურვილია, ვისაც კიდევ ერთხელ უნდა, რომ ჩვენ ქვეყანაში, თავის სახლში უნდა რომ სადმე ცეცხლი გააჩინოს. ამათი მიზანია, რომ სახლში გაჩნდეს ხანძარი, დაიწყოს არეულობა. როგორც არეულობას ქმნიდნენ ქვეყანაში, დღეს ისეთი არეულობა აქვთ პარტიაში“, - განაცხადა არჩილ თალაკვაძემ.

1664481149

17/03/2022
"ფიქტიური "რეფერენდუმების" შედეგები მოსკოვში იყო ჩაწყობილი და უკრაინელი ხალხის ნებას არ ასახავს" - ენტონი ბლინკენი

აშშ-ის სახელმწიფო მდივნის, ენტონი ბლინკენის განცხადებით, ფიქტიური "რეფერენდუმების" შედეგები მოსკოვში იყო ჩაწყობილი და უკრაინელი ხალხის ნებას არ ასახავს.ამასთან, როგორც ბლინკენმა დღეს განაცხადა, აშშ და მოკავშირეები და პარტნიორები გააგრძელებენ უკრაინის დახმარებას რუსული აგრესიისგან მისი ტერიტორიის დაცვაში."აშშ არ აღიარებს და არც არასდროს აღიარებს ამ ფიქტიური რეფერენდუმის ან რუსეთის მიერ უკრაინის ტერიტორიის სავარაუდო ანექსიის ლეგიტიმურობას ან შედეგს. რუსეთის მარიონეტების მიერ ჩატარებული ეს სპექტაკლი არალეგიტიმურია და საერთაშორისო სამართალს არღვევს. ეს საერთაშორისო მშვიდობისა და უსაფრთხოების პრინციპების შეურაცხყოფაა," - განაცხადა აშშ-ს სახელმწიფო მდივანმა.ცნობისთვის, დღეს, კრემლის სპიკერმა, დიმიტრი პესკოვმა განაცხადა, რომ რუსეთის პრეზიდენტი, ვლადიმირ პუტინი ხვალ ხელს მოაწერს უკრაინის ოთხი ოკუპირებული რეგიონის ანექსიას."ხვალ 15:00 საათზე კრემლში, რუსეთის შემადგენლობაში ახალი ტერიტორიების შესვლის შესახებ ხელშეკრულებების გაფორმების ცერემონია გაიმართება," - განაცხადა დიმიტრი პესკოვმა.

1664480700

ვოლოდიმერ ზელენსკი
"დარწმუნებული ვარ, სიცოცხლე გინდათ... იბრძოლეთ" - ვოლოდიმირ ზელენსკი

"დარწმუნებული ვარ, სიცოცხლე გინდათ... იბრძოლეთ" - ასე მიმართავს უკრაინის პრეზიდენტი ვოლოდიმირ ზელენსკი კავკასიელებს გავრცელებულ ვიდეომიმართვაში."მივმართავ კავკასიის, ციმბირის და რუსეთის სხვა ძირძველ ხალხებს. დაღესტნელები არ უნდა იღუპებოდნენ რუსეთის საზიზღარ და სამარცხვინო ომში. ჩეჩნები, ინგუშები, ოსები, ჩერქეზები და ნებისმიერი სხვა ხალხი, ვინც რუსეთის დროშის ქვეშ მოხვდა. სულ თითქმის 200 ერია. თქვენ იცით, ვინ გიშვებთ ყველას საბრძოლველად უკრაინაში. გამგზავნს სურს, რომ თქვენგან "ტვირთი 200" აქციოს.და თქვენ რა გსურთ? დარწმუნებული ვარ, სიცოცხლე გინდათ. დარწმუნებული ვარ დაიღალეთ ტყუილებით. დარწმუნებული ვარ, თქვენ იცით: ბრძოლა ახლაა საჭირო! ჩვენ ვხედავთ, რომ თქვენ წინააღმდეგობას უწევთ კრიმინალურ მობილიზაციას, რომლითაც რუსეთის ხელისუფლებას სურს გადაფაროს თავისი ჯარის და დანაშაულებრივი ბრძანებების კრახი. იბრძოლეთ, რათა არ მოკვდეთ! დაიცავით თქვენი თავისუფლება ქუჩებსა და მოედნებზე, რათა არ მოგიწიოთ მერე ბრძოლა მთებსა და ტყეებში - უბრალოდ ცხოვრების უფლებისთვის, როცა რუსეთის ხელისუფლება დაიწყებს მობილიზაციის მორიგ ტალღებს. იბრძოლეთ! გაუმკლავდებით!" - ამბობს უკრაინის პრეზიდენტი ვიდეომიმართვაში.

1664479860

ირაკლი კობახიძე
"კაპიკი ფული არ აგვიღია, მაშინაც კი, როდესაც პარტიის თავმჯდომარე იყო" - ირაკლი კობახიძე ივანიშვილზე

"კაპიკი ფული არ აგვიღია, მაშინაც კი, როდესაც პარტიის თავმჯდომარე იყო," - ეს განცხადება "ქართული ოცნების" თავმჯდომარემ, ირაკლი კობახიძემ "პალიტრანიუსის" გადაცემაში "თავისუფალი სტუდია" ბიძინა ივანიშვილზე საუბრისას გააკეთა.კობახიძის მტკიცებით, ოპონენტები წარმოსახვის დონეზეც კი ვერ ამბობენ იმას, თუ როგორ შეიძლება იყოს ჩართული ბიძინა ივანიშვილი ქართულ პოლიტიკაში."ეს კაცი პოლიტიკიდან გავიდა. არამარტო ფაქტს ვერ გვეუბნებიან, როგორაა ის კაცი ჩარეული პოლიტიკაში, აღქმის დონეზეც ვერ წარმოუდგენიათ, როგორ შეიძლება ეს. დახურულ შეხვედრებზე ვეკითხებით ხოლმე - როგორ წარმოგიდგენიათ, რას აკეთებს ეს კაცი? რას შეიძლება აკეთებდეს ეს კაცი? კეზერაშვილზე ვიცით, მაგრამ ჩვენ კაპიკი ფული არ აგვიღია ამ კაცისგან. მთელი ამ წლების განმავლობაში კაპიკი ფული არ აგვიღია მაშინაც კი, როდესაც პარტიის თავმჯდომარე იყო.ანუ ეს კაცი ყოფილა გენიოსი? ფულს არ გვაძლევს. მითითებებს გვაძლევს და რა? ის, რომ ეს კაცი ვინმეს რჩევებს აძლევს და ეს არის ოლიგარქიული მმართველობა, ღიმილის მომგვრელია. მაშინ ეს კაცი უნდა ვაღიაროთ გენიოსად. კი, ყველა აღიარებს, რომ მას განსაკუთრებული შესაძლებლობები აქვს, მაგრამ ამას სჭირდება ზეადამიანური გენიალური თვისებები ანუ, ზეადამიანური გენიალური თვისებები უნდა გქონდეს, რომ თვეში ერთხელ სატელეფონო ზარით მართო სახელმწიფო. საოცრებაა. წარმოსახვის დონეზეც ვერ გვეუბნებიან, როგორ შეიძლება ის იყოს ჩართული პოლიტიკაში," - განაცხადა ირაკლი კობახიძემ.

1664478900

გუტიერეში
"ერთი ქვეყნისგან მეორე ქვეყნის ტერიტორიის ანექსია საერთაშორისო სამართლის პრინციპების დარღვევაა" - ანტონიო გუტიერესი

"სრულად ვუჭერთ მხარს უკრაინის ტერიტორიულ მთლიანობას, ერთი ქვეყნისგან მეორე ქვეყნის ტერიტორიის ანექსია საერთაშორისო სამართლის პრინციპების დარღვევაა," - ამის შესახებ  გაერო-ს გენერალურმა მდივანმა, ანტონიო გუტიერესმა ორგანიზაციის შტაბ-ბინაში გამართულ პრესკონფერენციაზე განაცხადა, რომლის კომენტარსაც სააგენტო "როიტერი" ავრცელებს.როგორც აღნიშნული სააგენტო ანტონ წერს, ანტონიო გუტიერესმა განაცხადა, რომ რუსეთი უშიშროების საბჭოს მუდმივი წევრია და პატივი უნდა სცეს გაერო-ს წესდებას."გაერთიანებული ერების ორგანიზაციის პოზიცია ცალსახაა. ჩვენ სრულად ვუჭერთ მხარს უკრაინის სუვერენიტეტს, ერთიანობას, დამოუკიდებლობასა და ტერიტორიულ მთლიანობას მის საერთაშორისოდ აღიარებულ საზღვრებში გაერო-ს რეზოლუციების შესაბამისად. მსურს, ხაზგასმით აღვნიშნო, რომ ე.წ. რეფერენდუმები ჩატარდა აქტიური საომარი მოქმედებების დროს, რუსეთის მიერ ოკუპირებულ ტერიტორიებზე და უკრაინის საკანონმდებლო და კონსტიტუციური ჩარჩოს გარეთ.მათ არ შეიძლება, ეწოდოს ხალხის ნების ჭეშმარიტი გამოხატულება. ამ მიმართულებით, რუსეთის მხრიდან ნებისმიერი გადაწყვეტილება წინსვლის შესახებ, მეტ საფრთხეს შეუქმნის მშვიდობის პერსპექტივას. უკრაინის დონეცკის, ლუგანსკის, ხერსონის და ზაპოროჟიეს რეგიონების ანექსიის ნებისმიერ გადაწყვეტილებას არ ექნება იურიდიული ღირებულება და დაგმობილი იქნება. ეს არ შეესაბამება საერთაშორისო სამართლებრივ ჩარჩოს“, – აღნიშნა გუტერეშმა.

1664478401

ირაკლი კობახიძე
"საუბარი იმაზე, რომ საქართველოდან ქართველები წავიდნენ და რუსები დარჩნენ, კომიკურია" - ირაკლი კობახიძე

"საუბარი იმაზე, რომ საქართველოდან ქართველები წავიდნენ და რუსები დარჩნენ, კომიკურია," - ამის შესახებ "ქართული ოცნების" თავმჯდომარემ, ირაკლი კობახიძემ გადაცემაში "თავისუფალი სტუდია" საუბრისას განაცხადა."გაივსო რუსებით" - ეს არის სპეკულაცია, იმიტომ რომ აქაც არის მარტივი სტატისტიკა, რომელიც არ ექვემდებარება მანიპულაციას. არსებობს საზღვარზე შემოსვლა-გასვლის სტატისტიკა, რაც აჩვენებს იმას რომ დღეს საქართველოს ტერიტორიაზე 50 000 რუსეთის მოქალაქე იმყოფება, საიდანაც ძალიან დიდი ნაწილი, სავარაუდოდ უმრავლესობა არიან ქართველები. თქვენ იცით, თქვენს გარშემოც ალბათ უამრავი ადამიანი ქართველი, რომელმაც დატოვა რუსეთი, ცხოვრობდნენ იქ ზოგი 10-20-30 წლის განმავლობაში და ჩამოვიდნენ საქართველოში.  ქართველები არიან, მაგრამ არიან რუსეთის მოქალაქეები. მთლიანად რომ ავიღოთ რუსი და რუსეთის მოქალაქე შეიძლება იყოს მაქსიმუმ იყოს 20 000 კაცი. აქედან გამომდინარე საუბარი იმაზე, რომ ქართველები წავიდნენ და რუსები დარჩნენ ეს ელემენტარულად კომიკურია. გადახედეთ ვითარებას, ეს ცარიელი სპეკულაციაა," - განაცხადა ირაკლი კობახიძემ.ცნობისთვის, რამდენიმე დღის წინ შინაგან საქმეთა სამინისტრომ განცხადება გამოაქვეყნა, სადაც ნათქვამი, რომ რუსეთში სამხედრო მობილიზაციის გამოცხადების შემდეგ საქართველო-რუსეთის საზღვარზე რუსეთიდან შემომსვლელ პირთა რაოდენობამ მოიმატა.

1664476949

ირაკლი კობახიძე
"ეს არამეგობრული და არასწორი ნაბიჯია! - ამასთან დაკავშირებით ჩვენი პოზიცია ცალსახაა" - ირაკლი კობახიძე ლუკაშენკოს აფხაზეთში ვიზიტზე

"ქართული ოცნების" თავმჯდომარე ირაკლი კობახიძე "პალიტრანიუსის" გადაცემაში "თავისუფალი სტუდია" ბელორუსიის პრეზიდენტის, ალექსანდრე ლუკაშენკოს ოკუპირებულ აფხაზეთში ვიზიტს ეხმაურება.როგორც კობახიძემ განაცხადა, ლუკაშენკოს აღნიშნული ვიზიტი ბელორუსიის მხრიდან არამეგობრული ნაბიჯია."ჩვენი მხრიდან ე.წ. ვიზიტი შეფასდა როგორც ძალიან არამეგობრული და არასწორი ნაბიჯი, ამასთან დაკავშირებით ჩვენი პოზიცია ცალსახაა, დაირღვა ასევე კანონი ოკუპირებული ტერიტორიების შესახებ. ეს არის სამწუხარო და მძიმე ნაბიჯი, რომელიც ჩვენ ვიხილეთ. მთავარი ჩვენთვის აქ არის ის, რომ არ გადაიკვეთოს უკიდურესი წითელი ხაზი და ეს დაკავშირებულია არაღიარების პოლიტიკასთან. ბელარუსის სახელმწიფო დღემდე არ აღიარებს აფხაზეთს ე.წ დამოუკიდებლობას და ჩვენთვის პრინციპულად მნიშვნელოვანია ამ პოზიციის შენარჩუნება. თითოეული ჩვენი ნაბიჯი ამის მიხედვითაც უნდა გადაიდგას, როდესაც საუბარია თუნდაც რეაქციაზე. თავიდან იყო საუბარი აფხაზეთში ვიზიტზე, რაც მისი მხრიდან იყო თუ არ ვცდები ნათქვამი, ამის შემდეგ შერბილებულია ამ ე.წ. ვიზიტის სათაური და საუბარია რომ ის ჩავიდა არა აფხაზეთში, არამედ შავი ზღვის სანაპიროს ისტორიული ადგილები მოინახულა. ეს ჟესტი თავისთავად რაღაცის მანიშნებელია, ანუ იმის, რომ ჩვენ შეგვიძლია დავიტოვოთ იმედი არაღიარების პოლიტიკის შენარჩუნებასთან დაკავშირებით. ამ კუთხით ჩვენი მხრიდან ყველაფერი უნდა გაკეთდეს," - განაცხადა კობახიძემ.ცნობისთვის, ბელარუსის პრეზიდენტი ალექსანდრ ლუკაშენკო დღეს ოკუპირებულ აფხაზეთში ჩავიდა, სადაც ოკუპირებული აფხაზეთის დე ფაქტო პრეზიდენტ ასლან ბჟანიას შეხვდა.მოგვიანებით კი, საქართველოს საგარეო უწყებამ ალექსანდრ ლუკაშენკოს ოკუპირებულ აფხაზეთში ჩასვლის გამო, ბელარუსის მხარეს დამატებითი განმარტებები მოსთხოვა, შემდეგ კი განცხადება გაავრცელა, სადაც ნათქვამია, რომ ოკუპირებულ აფხაზეთში ლუკაშენკოს "ვიზიტი" უხეშად არღვევს საერთაშორისო სამართლის ფუნდამენტურ პრინციპებსა და ნორმებს.

1664476122

ვლადიმერ პუტინი
"სახლში დაბრუნდნენ ისინიც, ვინც სათანადო მიზეზის გარეშე გამოიძახეს" - ვლადიმერ პუტინმა ნაწილობრივი მობილიზაციის დროს დაშვებული ყველა შეცდომის აღმოფხვრა მოითხოვა

რუსული მედიის ინფორმაციით, დღეს, ვლადიმერ პუტინმა ნაწილობრივი მობილიზაციის დროს დაშვებული ყველა შეცდომის აღმოფხვრა მოითხოვა.როგორც მედია წერს, რუსეთის პრეზიდენტმა დაშვებული შეცდომებთან საფუძვლიანი გამკლავება მოითხოვა. ამასთან, ვლადიმერ პუტინის თქმით, ნაწილობრივი მობილიზაცია იმ მოქალაქეებს ეხებათ, ვისაც სამხედრო გამოცდილება აქვს. მისივე თქმით, სამხედრო ნაწილში გამოცდილების მქონე მოქალაქეები გადამზადებას მაინც გაივლიან და პუტინის თქმით, ეს მოთხოვნა მკაცრად უნდა შესრულდეს."სამობილიზაციო ღონისძიებათა მსვლელობისას, მოქალაქეებისგან უამრავი ინფორმაცია შემოდის თავად გაწვევის ორგანიზებაზე, აღჭურვის ხარისხზე, საცხოვრებელ პირობებზე და სხვა საკითხებზე. მათ ბევრი კითხვა უჩნდებათ. ყველა შეცდომა უნდა გამოვასწოროთ და თავიდან ავიცილოთ სამომავლოდ. აუცილებელია თითოეულ ასეთ შემთხვევის ცალ-ცალკე განხილვა და თუ შეცდომა დაშვებულია, ის უნდა გამოსწორდეს - სახლში დაბრუნდნენ ისინი, ვინც გამოიძახეს სათანადო მიზეზის გარეშე. ვიმეორებ, გაწვევას ექვემდებარებიან მოქალაქეები, რომლებიც თადარიგში არიან და უპირველესად, ვინც რუსეთის შეიარაღებულ ძალებში მსახურობდა, გააჩნია მოთხოვნადი სამხედრო სპეციალობები და შესაბამისი გამოცდილება," - განაცხადა ვლადიმერ პუტინმა.

1664474975

ვოლოდიმერ ზელენსკი
"რუსეთის მიერ უკრაინის ოთხი რეგიონის ანექსიას ოფიციალური კიევის მხრიდან მკაცრი პასუხი მოჰყვება" - ზელენსკი

"რუსეთის მიერ უკრაინის ოთხი რეგიონის ანექსიას ოფიციალური კიევის მხრიდან მკაცრი პასუხი მოჰყვება," - ამის შესახებ უკრაინის პრეზიდენტმა, ვოლოდიმირ ზელენსკიმ განაცხადა."ამ "რეფერენდუმების" ფასი ნულია და რეალობას არ ცვლის. უკრაინის ტერიტორიული მთლიანობა აღდგება. ჩვენი რეაქცია რუსეთის მიერ შედეგების აღიარებაზე ძალიან მკაცრი იქნება," - განაცხადა ვოლოდიმირ ზელენსკიმ.ცნობისთვის, დღეს, კრემლის სპიკერმა, დიმიტრი პესკოვმა განაცხადა, რომ რუსეთის პრეზიდენტი, ვლადიმირ პუტინი ხვალ ხელს მოაწერს უკრაინის ოთხი ოკუპირებული რეგიონის ანექსიას."ხვალ 15:00 საათზე კრემლში, რუსეთის შემადგენლობაში ახალი ტერიტორიების შესვლის შესახებ ხელშეკრულებების გაფორმების ცერემონია გაიმართება," - განაცხადა დიმიტრი პესკოვმა.

1664473920

ირაკლი კობახიძე
"ჩვენს პირობებში, სტრატეგიულ-ეკონომიკური ობიექტების კუთხით ნული პროგრესი ჰქონდა რუსეთის ფედერაციას. მანამდე იყო ფუნდამენტურად განსხვავებული შედეგები" - ირაკლი კობახიძე

"ჩვენს პირობებში, სტრატეგიულ-ეკონომიკური ობიექტების კუთხით ნული პროგრესი ჰქონდა რუსეთის ფედერაციას. მანამდე იყო ფუნდამენტურად განსხვავებული შედეგები," - ამის შესახებ "ქართული ოცნების" თავმჯდომარემ, ირაკლი კობახიძემ "პალიტრანიუსის" ეთერში განაცხადა.როგორც კობახიძემ განაცხადა, "ნაცმოძრაობის" მმართველობის პერიოდში საქართველომ დაკარგა ქვეყნის 20 % ასევე, მოხდა სტრატეგიულ-ეკონომიკური ობიექტების გადაცემა რუსეთისთვის."რუსეთს ჰქონდა ფუნდამენტური წინსვლა გავლენების გაფართოების კუთხით საქართველო ტერიტორიაზე. ეს გამოიხატა 20 პროცენტის მიტაცებით, სტრატეგიული-ეკონომიკური ობიექტების წაღებით. მთავარი სტრატეგიული ობიექტები წაიღეს, მათ შორის, კომუნალური სერვისები პრაქტიკულად, მთლიანად ხელში მისცეს რუსეთის ფედერაციას. 2006 წელს რაც ხდებოდა, გახსოვთ, ქართველების გამოსახლება რუსეთის ფედერაციიდან და ა.შ. მანამდე რა ხდებოდა? ვიდრე ნაცმოძრაობა უბედურებას დამართებდა ამ ქვეყანას, მანამდე ჩვენ ვაკონტროლებდით ცხინვალის რეგიონში დასახლებული ტერიტორიების დაახლოებით 2/3-ს და ვაკონტროლებდით აფხაზეთში კოდორის ხეობას.ეს იყო მანამდე მოცემულობა. წაიღეს, როგორც კოდორის ხეობა, ასევე, ცხინვალის რეგიონში დასახლებული ტერიტორიების დაახლოებით 2/3, 200 სოფელი რასაც სააკაშვილმა შემდეგ ქვების გროვა უწოდა. ეს იყო მათი პოლიტიკის შედეგი და სტრატეგიული ობიექტები, ადამიანების გამოსახლების და ათასი უბედურება. რაც შეეხება, ჩვენი პოლიტიკის შედეგებს. ქართული ოცნების ხელისუფლება არის პირველი ხელისუფლება, რომლის დროსაც ამ 30 წლის მანძილზე ომი არ ყოფილა და შენარჩუნდა მშვიდობა. ეს არის პირველი მიღწევა, რაც ძალიან პრინციპულია და რასაც თავისი სერიოზული შედეგები ჰქონდა.არც ერთი სტრატეგიული ობიექტი არ გადასულა რუსეთი გამგებლობაში. ჩვენი ხელისუფლების პირობებში. „პრორუსებს“ ხომ გვეძახიან? და თვითონ ხომ არიან პროდასავლელები? თვითონ გააფართოვეს რუსეთის გავლენა ფუნდამენტურად, საქართველოს ტერიტორიაზე, ჩვენს პირობებში, არც ტერიტორიების კუთხით არ ყოფილა მათი მხრიდან წინსვლა და რაც შეეხება, სტრატეგიულ-ეკონომიკურ ობიექტებს, ამ კუთხით ნული პროგრესი ჰქონდა რუსეთის ფედერაციას საქართველოს ტერიტორიაზე.მანამდე იყო ფუნდამენტურად განსხვავებული შედეგები. რაც შეეხება, ბორდერიზაციას, ბორდერიზაციაც არის წინა ხელისუფლების მემკვიდრეობა. ბორდერიზაცია დაიწყო, სწორედ, 2008 წელს, მიმდინარეობდა 4 წლის განმავლობაში და მერე გაგრძელდა, მაგრამ ეს არის მათი მემკვიდრეობა. ზუსტად იმის მემკვიდრეობა, რომ მათ ჩააბარეს ქვეყნის 20 პროცენტი რუსეთის ფედერაციას," - განაცხადა ირაკლი კობახიძემ.

1664473427

ბულგარეთი
"ბულგარეთი უკრაინას მძიმე შეიარაღებას არ მიაწვდის" - დიმიტარ სტოიანოვი

"ბულგარეთი უკრაინას მძიმე შეიარაღებას არ მიაწვდის," - ამის შესახებ ბულგარეთის თავდაცვის მინისტრის მოვალეობის შემსრულებელმა, დიმიტარ სტოიანოვმა განაცხადა.როგორც სტოიანოვმა აღნიშნა, ახლა კონფლიქტში ბულგარეთის ჩართვის პირდაპირი საფრთხე არ არსებობს, თუმცა სიტუაციის ნებისმიერი ცვლილება შემაშფოთებელია."შეიარაღების საკითხზე ჩემი პასუხი იყო მოკლე და მკაფიო. უკრაინული მხარის მიერ მოთხოვნილი იყო მძიმე შეიარაღება. მე არ შემიძლია მძიმე შეიარაღების მიწოდება მანამ, სანამ მინისტრი ვარ და სანამ არ შეიცვლება პარლამენტის გადაწყვეტილება," - განაცხადა სტოიანოვმა.

1664472760

მიხაილ პოდოლიაკი
"არარსებულ სუბიექტებს არ შეუძლიათ შევიდნენ ქვეყნის შემადგენლობაში, რომელიც მობილიზებულად იშლება" - პოდოლიაკი

"კრემლის ფრიკ-შოუ..." დაანონსებლ "შესვლის ცერემონიას" არანაირი იურიდიული აზრი არ გააჩნია," - ამის შესახებ უკრაინის პრეზიდენტის ადმინისტრაციის ხელმძღვანელის მრჩეველი მიხაილო პოდოლიაკი სოციალურ ქსელ "ტვიტერში" წერს."კრემლის ფრიკ-შოუ". დაანონსებლ "შესვლის ცერემონიას" არანაირი იურიდიული აზრი არ გააჩნია. არარსებულ სუბიექტებს არ შეუძლიათ შევიდნენ ქვეყნის შემადგენლობაში, რომელიც მობილიზებულად იშლება. დრო არ დახარჯოთ ვირტუალურ ru-აჯენდაზე. რეალური ცხოვრება უფრო საინტერესო იქნება: კონტრიერიში, დეოკუპაცია, ტრიბუნალი," - წერს მიხაილო პოდოლიაკი.

1664471627