4-05-2021, 17:00
453

რა თხოვა თეა წულუკიანმა საფრანგეთის ელჩს ლევილის მამულში ვიზიტამდე ?

რა თხოვა თეა წულუკიანმა საფრანგეთის ელჩს ლევილის მამულში ვიზიტამდე ?

თეა წულუკიანმა საფრანგეთის ელჩს დახმარება სთხოვა საქართველოდან ახალგაზრდა არქიტექტორ-რესტავრატორთა საფრანგეთში მისავლენად იმ ძეგლებზე სამუშაოდ, რომელთა რესტავრაციაც ამჟამად მიმდინარეობს.


თეა წულუკიანი 20 მაისს ლევილს ეწვევა. კულტურის, სპორტისა და ახალგაზრდობის მინისტრი თეა წულუკიანი საფრანგეთის ელჩს საქართველოში დიეგო კოლასს შეხვდნენ და კულტურის, სპორტისა და ახალგაზრდობის მიმართულებით სამომავლო თანამშრომლობის შესაძლებლობები განიხილეს.

მინისტრმა ელჩს მიაწოდა ინფორმაცია მიმდინარე წლის 20 მაისს ლევილში დაგეგმილი მისი ვიზიტის შესახებ.

ვიზიტის მთავარი მიზანი ლევილის მამულთან დაკავშირებით შეხვედრების გამართვა როგორც მუნიციპალიტეტის ხელისუფლებასთან, ასევე საქართველოს პოლიტიკური ემიგრაციის წარმომადგენელთა შთამომავლებთან.

თეა წულუკიანთან ერთად ლევილში საგარეო საქმეთა მინისტრი დავით ზალკალიანიც გაემგზავრება.  

კულტურის მინისტრი ადგილზე გაეცნობა ლევილის მამულში 2018 წლიდან დღემდე საგარეო საქმეთა სამინისტროს ეგიდით წარმატებით ჩატარებულ პირველი ეტაპის სარეაბილიტაციო სამუშაოებს და ყველა დაინტერესებულ მხარესთან ერთად განიხილავს სამუშაოების მომდევნო ეტაპების განხორციელების საკითხს, რომელთა ვადებში დასრულებაც 2017 წელს ლევილის მამულის საქართველოსათვის გადმოცემის მთავარი წინაპირობა იყო. ჩატარებული სამუშაოების შედეგად, ლევილის მამულში კულტურული კერა უნდა მოეწყოს.

შეხვედრაზე საუბარი ასევე შეეხო პარიზის წიგნის ბაზრობას, რომელიც პანდემიის მიზეზით რამდენჯერმე გადაიდო და, სავარაუდოდ, 2023 წელს უნდა ჩატარდეს.

ელჩის თქმით, საფრანგეთის საელჩო ხელს შეუწყობს საქართველოს ამ ღონისძიებაში აქტიური მონაწილეობისათვის.

თეა წულუკიანმა საფრანგეთის ელჩს დახმარება სთხოვა საქართველოდან ახალგაზრდა არქიტექტორ-რესტავრატორთა საფრანგეთში მისავლენად იმ ძეგლებზე სამუშაოდ, რომელთა რესტავრაციაც ამჟამად მიმდინარეობს.

„მსგავსი ღონისძიებები პრაქტიკული გამოცდილების შესაძენად უნიკალური შესაძლებლობა იქნებოდა საქართველოს ახალგაზრდა პროფესიონალებისთვის, რომელთა რიცხვიც ძალიან მცირეა. მოცემულ დარგში, სამწუხაროდ, ახალი კადრების შედინება ორი ათეული წელია რთულად მიმდინარეობს და სახეზეა შემაშფოთებელი წყვეტა." - აღნიშნა კულტურის მინისტრმა.