3-05-2021, 23:46
89

სინოფარმისა და სინოვაკის ეფექტიანობის შეფასება – ჯანმო მასალებს აქვეყნებს

სინოფარმისა და სინოვაკის ეფექტიანობის შეფასება – ჯანმო მასალებს აქვეყნებს

ამ ჩამონათვალში აღნიშნულია, რომ ცდების დროს „სინოფრამის“ ვაქცინას მწვავე ალერგიული რეაქცია (მათ შორის ანაფილაქსიური შოკი) არ გამოუწვევია.



ჯანდაცვის მსოფლიო ორგანიზაციამ ჩინური კომპანია „სინოფარმასა და „სინოვაკის“ ვაქცინების ეფექტიანობის დამადასტურებელი მტკიცებულებების შეფასება გამოაქვეყნა. შესაბამისი პრეზენტაციების შემცველი დოკუმენტი ჯანდაცვის მსოფლიო ორგანიზაციის მიერ 29 აპრილს გამართულ ექსპერტთა ჯგუფის შეხვედრის მასალებს ახლავს თან.

პრეზენტაციის მიხედვით, სხვადასხვა ქვეყნებში ჩატარებული კლინიკური ცდების მესამე ფაზის მიხედვით, სინოფარმის ვაქცინის ეფექტიანობის მაჩვენებელი 18-59 წლამდე ასაკობრივ ჯგუფში საშუალოდ 78,1%-ს შეადგენს.
ამავე დოკუმენტში ჩამოთვლილია „სინოფარმის“ ვაქცინის კლინიკური სურათის შემაჯამებელი ოქმი, სადაც ჩამოთვლილია ცდების პერიოდში გამოვლენილი გვერდითი მოვლენები.
ამ ჩამონათვალში აღნიშნულია, რომ ცდების დროს „სინოფრამის“ ვაქცინას მწვავე ალერგიული რეაქცია (მათ შორის ანაფილაქსიური შოკი) არ გამოუწვევია.
ჯანდაცვის ექსპერტთა ჯგუფის წევრები დარმწუნებულები არიან, რომ 18-59 წლის ასაკობრივ ჯგუფში,„სინოფარმის“ ვაქცინის ორი დოზა ეფექტურად ახდენს კოვიდ 19-ის პრევენციას და სერიოზული გვერდითი მოვლენების ალბათობა დაბალია.
გარდა ამისა, ექსპერტები აღნიშნავენ, რომ 60 წელს ზემოთ ასაკობრივ ჯგუფში და სერიოზული ქრონიკული დაავადებების მქონე პაციენტებში. „სინოფარმის“ ვაქცინის ეფექტურობის დამადასტირებელი მტკიცებულებების ხარისხი დაბალია.
რაც შეეხება, „სინოვაკის“ ვაქცინას, დოკუმენტში აღნიშნულია, რომ ამ ვაქიცინის ორი დოზის გაკეთების შემდეგ, სიმპტომატური COVID-19-ის პრევენცია საშუალოდ პაციენტების 67%-ში ხდება, ჰოსპიტალიზაციის რისკი შემცირებულია 85%-ით, ინტენსიური თერაპიის განყოფილებაში გადაყვანის საფრთხე 89%-ითაა შემცირებული, ხოლო სიკვდლიანობა 80%-ით.
ჯანდაცვის მსოფლიო ორგანიზაციის ექსპერტთა ჯგუფის წევრები დარწმუნებულები არიან, რომ 18-59 წლის ასაკობრივ ჯგუფში,„სინოვაკის“ ვაქცინის ორი დოზა ეფექტიანად ახდენს კოვიდ19-ის პრევენციას და სერიოზული გვერდითი მოვლენების ალბათობა დაბალია.
ამავე დროს, წარმოდგენილ მტკიცებულებებზე დაყრდნობით, ექსპერტები მიიჩნევენ, რომ „სინოვაკის“ ვაქცინა 60 წელს ზემოთ ასაკობრივ ჯგუფში და სერიოზული ქრონიკული დაავადებების მქონე პაციენტებშიც ეფექტიანია.
„სინოფარმისა“ და „სინოვაკის“ ვაქცინებისთვის გადაუდებელი გამოყენების ავტორიზაციის მინიჭების შესახებ საბოლოო გადაწყვეტილებას ჯანდაცვის მსოფლიო ორგანიზაცია უახლოეს დღეებში მიიღებს.